San Juan 19:6 - Li Santil hu

⁶ Eb li nequeꞌcꞌacꞌalen saꞌ li templo ut eb li xbe̱nil aj tij queꞌril li Jesús ut queꞌxjap reheb ut queꞌxye: —¡Qꞌue chiru cruz! ¡Qꞌue chiru cruz! chanqueb. Ut laj Pilato quixye reheb: —Cꞌamomak la̱ex ut qꞌuehomak chiru cruz cui te̱raj. La̱in ma̱ jun lix ma̱c xintau, chan.

Q'eqchi Bible

⁶ Naq eb' li xb'eenil aj tij ut eb' laj k'aak'alenel ke'ril li Jesus, ke'xjap re chi xyeeb'al: —K'e chiru krus, k'e chiru krus! Kixye laj Pilaat reheb': —K'amomaq laa'ex ut k'ehomaq chiru krus, xb'aan naq laa'in maajun xmaak nintaw.

San Juan 19:6 ပူးပေါင်းရင်းမြစ်များ

San Juan 18:31

Laj Pilato quixye reheb: —Cꞌamomak la̱ex ut rakomak a̱tin saꞌ xbe̱n joꞌ naxye saꞌ le̱ chakꞌrab la̱ex, chan. Eb laj judío queꞌxye re: —Moco qꞌuebil ta kalese̱ns la̱o aj judío nak takacamsi junak cristian, chanqueb.

San Juan 19:4

Laj Pilato co̱ cuiꞌchic riqꞌuineb laj judío ut quixye reheb: —Xincꞌam chak arin chirix cab re nak te̱nau nak ma̱ jun xma̱c xintau, chan.

Hechos 7:52

¿Ma cuan ta biꞌ junak profeta incꞌaꞌ quirahobtesi̱c xbaneb le̱ xeꞌto̱nil yucuaꞌ? ¿Ma incꞌaꞌ ta biꞌ queꞌxcamsiheb li queꞌchꞌoloban chak resil lix cꞌulunic li jun li Ti̱c Xchꞌo̱l, li quekꞌaxtesi la̱ex chi camsi̱c?

Hechos 2:23

Li Jesús quikꞌaxtesi̱c saꞌ e̱rukꞌ la̱ex xban nak ac joꞌcan chak saꞌ xchꞌo̱l li Dios nak joꞌcan tixcꞌul. Ut la̱ex quechap ut quekꞌaxtesi saꞌ rukꞌeb li cui̱nk li incꞌaꞌ useb xnaꞌleb. Ut eb aꞌan queꞌxcamsi chiru cruz.

San Juan 19:15

Queꞌxjap cuiꞌchic reheb chixyebal: —¡Qꞌuehomak chiru cruz! ¡Qꞌuehomak chiru cruz! Ut laj Pilato quixye reheb: —¿Ma te̱raj nak tinqꞌue chiru cruz le̱ rey? chan. Eb li xbe̱nil aj tij queꞌxye: —Jun ajcuiꞌ li karey cuan. Aꞌan li Acuabej César, chanqueb.

San Lucas 23:4

Ut laj Pilato quixye reheb li xbe̱nil aj tij ut eb li qꞌuila tenamit: —Li cui̱nk aꞌin ma̱ jun xma̱c nintau, chan.

San Mateo 27:24

Ut laj Pilato quiril nak incꞌaꞌ qui-el chi us li quiraj xba̱nunquil ut quixqꞌue retal nak kꞌaxal cuiꞌchic nak queꞌpoꞌ xchꞌo̱l li tenamit. Tojoꞌnak quixtakla xcꞌambal lix haꞌ re xchꞌajbal li rukꞌ chiruheb li tenamit ut quixye: —Ma̱cꞌaꞌ inma̱c la̱in riqꞌuin xcamic li cui̱nk aꞌin li ma̱cꞌaꞌ xma̱c. La̱ex chic yal e̱re saꞌ xbe̱n, chan.

San Mateo 27:22

Quixye laj Pilato reheb: —Ut, ¿cꞌaꞌ put ru ta̱ru̱k tinba̱nu la̱in riqꞌuin li Jesús, li Cristo nequeꞌxye re?— Ut chixjunileb queꞌxye: —¡Chiqꞌuehekꞌ chiru cruz!—

San Mateo 26:58

Ut laj Pedro chi najt yo̱ chak chixta̱kenquil li Jesús ut quicuulac toj chi ruꞌuj neba̱l saꞌ rochoch lix yucuaꞌileb laj tij. Qui-oc aran ut quicꞌojla saꞌ xya̱nkeb laj cꞌacꞌalenel re nak ta̱ril cꞌaꞌru ta̱cana̱k cuiꞌ.

San Juan 18:3

Joꞌcan nak laj Judas co̱ saꞌ li naꞌajej aꞌan ut quixcꞌam chirix jun chꞌu̱tal li soldado aj Roma. Ut co̱eb ajcuiꞌ chirixeb li nequeꞌcꞌacꞌalen saꞌ li templo. Taklanbileb xbaneb laj fariseo ut li xbe̱nil aj tij. Cuan cuanqueb xxameb saꞌ rukꞌ ut cuan cuanqueb xxameb saꞌ ruꞌuj cheꞌ ut cuanqueb ajcuiꞌ xchꞌi̱chꞌeb.

San Juan 18:38

Laj Pilato quixye: —Ut, ¿cꞌaꞌru lix ya̱lal?— Ut co̱ cuiꞌchic riqꞌuineb laj judío ut quixye reheb: —Ma̱ jun xma̱c li cui̱nk aꞌin nintau.