San Juan 19:4 - Li Santil hu

⁴ Laj Pilato co̱ cuiꞌchic riqꞌuineb laj judío ut quixye reheb: —Xincꞌam chak arin chirix cab re nak te̱nau nak ma̱ jun xma̱c xintau, chan.

Q'eqchi Bible

⁴ Ki'elk wi' chik laj Pilaat chirix kab'l ut kixye reheb': —Ilomaq, tink'am chaq chirix kab'l re teenaw naq maajun xmaak nintaw.

San Juan 19:4 ပူးပေါင်းရင်းမြစ်များ

San Juan 19:6

Eb li nequeꞌcꞌacꞌalen saꞌ li templo ut eb li xbe̱nil aj tij queꞌril li Jesús ut queꞌxjap reheb ut queꞌxye: —¡Qꞌue chiru cruz! ¡Qꞌue chiru cruz! chanqueb. Ut laj Pilato quixye reheb: —Cꞌamomak la̱ex ut qꞌuehomak chiru cruz cui te̱raj. La̱in ma̱ jun lix ma̱c xintau, chan.

San Juan 18:38

Laj Pilato quixye: —Ut, ¿cꞌaꞌru lix ya̱lal?— Ut co̱ cuiꞌchic riqꞌuineb laj judío ut quixye reheb: —Ma̱ jun xma̱c li cui̱nk aꞌin nintau.

San Lucas 23:4

Ut laj Pilato quixye reheb li xbe̱nil aj tij ut eb li qꞌuila tenamit: —Li cui̱nk aꞌin ma̱ jun xma̱c nintau, chan.

San Lucas 23:47

Li capitán aj Roma quixqꞌue retal li quicꞌulman. Quixlokꞌoni li Dios ut quixye: —Relic chi ya̱l nak li cui̱nk aꞌin ti̱c xchꞌo̱l, chan.

1 Juan 3:5

La̱ex nequenau nak li Ka̱cuaꞌ Jesucristo quicꞌulun re xcuybal ut xsachbal li kama̱c. Relic chi ya̱l nak aꞌan ma̱cuaꞌ aj ma̱c.

1 Pedro 3:18

Li Cristo quixcꞌul ajcuiꞌ li raylal chi ma̱cꞌaꞌ xma̱c. Aꞌan ti̱c xchꞌo̱l abanan quicamsi̱c re xtojbal rix lix ma̱queb li incꞌaꞌ useb xnaꞌleb. Jun sut ajcuiꞌ quicam ut riqꞌuin aꞌan quitzꞌakloc ru. Ut xban xcamic li Jesucristo, naru toxcol li Dios. Ya̱l nak queꞌxcamsi li Cristo. Abanan incꞌaꞌ quicam lix musikꞌ.

1 Pedro 2:22

Li Cristo ma̱cꞌaꞌ xma̱c. Ut ma̱ jun sut quibalakꞌin.

1 Pedro 1:19

Colbilex ban riqꞌuin xlokꞌlaj quiqꞌuel li Cristo. Li Cristo, aꞌan li quixmayeja rib chiru li Dios Acuabej joꞌ jun li carner namayeja̱c chi ma̱cꞌaꞌ re̱cꞌ ut chi ma̱cꞌaꞌ xpaltil.

2 Corintios 5:21

Li Jesucristo ma̱ jun sut quima̱cob. Abanan li Dios quixqꞌue li kama̱c saꞌ xbe̱n li Cristo re nak saꞌ xcꞌabaꞌ aꞌan, la̱o takatau lix ti̱quilal kachꞌo̱l li naxqꞌue li Dios.

San Lucas 23:41

Relic chi ya̱l nak la̱o kacꞌulub xcꞌulbal li raylal aꞌin xban nak la̱o cuan kama̱c. Abanan li cui̱nk aꞌin ma̱cꞌaꞌ junak ma̱c xba̱nu, chan re.

San Mateo 27:54

Ut li capitán rochbeneb li yo̱queb chi cꞌacꞌale̱nc re li Jesús, queꞌrecꞌa li hi̱c ut queꞌxqꞌue retal li cꞌaꞌru yo̱ chi cꞌulma̱nc. Ma̱ cꞌajoꞌ nak queꞌxucuac ut queꞌxye: —Relic chi ya̱l nak li cui̱nk aꞌin tzꞌakal Ralal li Dios.—

San Mateo 27:24

Ut laj Pilato quiril nak incꞌaꞌ qui-el chi us li quiraj xba̱nunquil ut quixqꞌue retal nak kꞌaxal cuiꞌchic nak queꞌpoꞌ xchꞌo̱l li tenamit. Tojoꞌnak quixtakla xcꞌambal lix haꞌ re xchꞌajbal li rukꞌ chiruheb li tenamit ut quixye: —Ma̱cꞌaꞌ inma̱c la̱in riqꞌuin xcamic li cui̱nk aꞌin li ma̱cꞌaꞌ xma̱c. La̱ex chic yal e̱re saꞌ xbe̱n, chan.

San Mateo 27:19

Nak laj Pilato cꞌojcꞌo saꞌ lix naꞌaj li narakoc cuiꞌ a̱tin, li rixakil quixtakla xyebal re: —Ma̱cꞌaꞌ ta̱ba̱nu re li cui̱nk aꞌan xban nak ma̱cꞌaꞌ xma̱c. Saꞌ xcꞌabaꞌ aꞌan nak kꞌaxal ra xinmatqꞌue chi kꞌek, chan.

San Mateo 27:4

Quixye reheb: —Xinma̱cob nak xinkꞌaxtesi e̱re li cui̱nk aꞌin xban nak ma̱cꞌaꞌ xma̱c, chan. Aꞌut eb aꞌan queꞌxye re: —¿Cꞌaꞌ takaj re la̱o? Il cꞌaꞌru ta̱ba̱nu.—

Hebreos 7:26

Li Ka̱cuaꞌ Jesucristo, aꞌan li tzꞌakal xyucuaꞌil aj tij. Ut aꞌan li natenkꞌan ke chi tzꞌakal. Moco juntakꞌe̱t ta lix yuꞌam riqꞌuineb laj ma̱c. Li Jesucristo santo ut ma̱cꞌaꞌ xma̱c. Aꞌan co̱ saꞌ choxa ut aran quiqꞌueheꞌ xnimal xlokꞌal.

San Juan 18:33

Laj Pilato qui-oc cuiꞌchic saꞌ li naꞌajej li narakoc cuiꞌ a̱tin. Quixbok li Jesús riqꞌuin ut quixye re: —¿Ma la̱at lix reyeb laj judío? chan re.