San Juan 19:38 - Li Santil hu

³⁸ Jun li cui̱nk aj José xcꞌabaꞌ Arimatea xtenamit quicuulac riqꞌuin laj Pilato chixtzꞌa̱manquil chiru nak tixqꞌue lix tzꞌejcual li Jesús re, re tixmuk. Laj José, aꞌan jun reheb li nequeꞌpa̱ban re li Jesús. Abanan incꞌaꞌ quixye xban nak quixucuac xbaneb li nequeꞌtaklan saꞌ xbe̱neb laj judío. Laj Pilato quixye re nak ta̱ru̱k tixmuk, ut laj José co̱ chixcꞌambal li camenak.

Q'eqchi Bible

³⁸ Chirix chik a'in laj José aj Arimatea, xtzolom li Jesus (ab'anan chi muqmu xb'aan xxiw chiruheb' laj Judiiy), koxtz'aama usilal chiru laj Pilaat chi xxokb'al li xtz'ejwal li Jesus. Laj Pilaat kixsume chiru, ut laj José koxxok li xch'och'el xsululel li Jesus.

San Juan 19:38 ပူးပေါင်းရင်းမြစ်များ

Proverbios 29:25

Li xxucuanquil ru li cui̱nk, aꞌan chanchan jun li raꞌal. Abanan li ani cꞌojcꞌo xchꞌo̱l riqꞌuin li Dios, aꞌan ta̱colekꞌ.

Filipenses 1:14

Ut nabaleb laj pa̱banel xeꞌxcacuubresi xchꞌo̱leb saꞌ xpa̱ba̱leb saꞌ xcꞌabaꞌ li Ka̱cuaꞌ xban nak xeꞌxqꞌue retal nak cau inchꞌo̱l usta cuanquin chi pre̱xil saꞌ xcꞌabaꞌ li Jesucristo. Ut nequeꞌxchꞌolob xya̱lal li ra̱tin li Dios chi ma̱cꞌaꞌ xxiuheb.

San Juan 7:13

Abanan ma̱ ani quia̱tinac chi cau xban nak queꞌxucuac chiruheb li nequeꞌtaklan saꞌ xya̱nkeb laj judío.

San Juan 12:42

Cuanqueb nabaleb laj judío queꞌxpa̱b nak li Jesús, aꞌan li Mesías. Saꞌ xya̱nkeb aꞌan cuanqueb junju̱nk li nequeꞌtaklan. Abanan incꞌaꞌ queꞌxye resil nak queꞌpa̱ban xban nak queꞌxucuac xbaneb laj fariseo. Incꞌaꞌ queꞌraj nak teꞌisi̱k saꞌ li cab li nequeꞌxchꞌutub cuiꞌ ribeb laj judío.

San Juan 9:22

Queꞌxye chi joꞌcan lix naꞌ xyucuaꞌ xban nak queꞌxucuac xbaneb li nequeꞌtaklan saꞌ xya̱nkeb laj judío xban nak ac cꞌu̱banbil ru xbaneb cui ani tixye nak li Jesús, aꞌan li Cristo, li jun aꞌan incꞌaꞌ chic ta̱cꞌulekꞌ saꞌ li cab li nequeꞌxchꞌutub cuiꞌ ribeb laj judío.

Hechos 13:29

Nak ac xcꞌul chixjunil li raylal li quiyeheꞌ chak chirix xbaneb li profeta junxil, queꞌrisi chiru cruz ut queꞌxmuk.