San Juan 19:25 - Li Santil hu

²⁵ Nachꞌ riqꞌuin li cruz xakxo li xnaꞌ li Jesús rochben lix María li ras. Aꞌan li rixakil laj Cleofas. Ut cuan ajcuiꞌ aran lix María, Magdala xtenamit.

Q'eqchi Bible

²⁵ Xaqxookeb' chi xk'atq li krus li xna' li Jesus, li xchaq'na' li xna', a' lix María, rixaqil laj Kleopás, ut lix María aj Magdala.

San Juan 19:25 ပူးပေါင်းရင်းမြစ်များ

San Lucas 23:49

Ut chixjunileb li nequeꞌnaꞌoc ru li Jesús, joꞌ eb ajcuiꞌ li ixk li queꞌta̱ken chak re toj Galilea xakxo̱queb chak chi najt ut yo̱queb chirilbal chixjunil li cꞌaꞌak re ru aꞌin.

San Juan 20:1

Saꞌ li xbe̱n li cutan re li xama̱n nak toj ma̱jiꞌ nasake̱u co̱ lix María Magdala xtenamit saꞌ li mukleba̱l. Nak quicuulac cuan cuiꞌ li mukleba̱l, quixqꞌue retal nak ac isinbil chic li nimla pec li queꞌxqꞌue chire li mukleba̱l.

San Lucas 24:18

Jun reheb aꞌan, aj Cleofas xcꞌabaꞌ, quichakꞌoc ut quixye: —Joꞌ li caꞌaj cuiꞌ la̱at li yo̱cat chi numecꞌ saꞌ li tenamit Jerusalén li incꞌaꞌ nacatnaꞌoc re li cꞌaꞌru xcꞌulman saꞌ eb li cutan aꞌin, chan.

San Lucas 8:2

Cuanqueb ajcuiꞌ ixk yo̱queb chi ochbeni̱nc reheb. Eb li ixk aꞌin, aꞌan eb li queꞌqꞌuirtesi̱c xyajeleb ut eb li queꞌisi̱c ma̱us aj musikꞌej riqꞌuineb xban li Jesús. Saꞌ xya̱nkeb aꞌan cuan lix María. Lix Magdalena nequeꞌxye ajcuiꞌ re. Aꞌan li ixk li qui-isi̱c cuukub li ma̱us aj musikꞌej riqꞌuin.

San Lucas 2:35

Riqꞌuin li raylal teꞌxba̱nu re, ta̱cꞌutu̱nk chi tzꞌakal li cꞌaꞌru cuan saꞌ xchꞌo̱leb li xicꞌ nequeꞌiloc re. Ut cꞌajoꞌ nak ta̱rahokꞌ a̱chꞌo̱l la̱at xban li raylal teꞌxba̱nu re. Chanchan nak teꞌxnumsi jun chꞌi̱chꞌ saꞌ la̱ cua̱m, chan laj Simeón.

San Marcos 16:9

Toj ekꞌela saꞌ li xbe̱n li cutan re li xama̱n quicuacli li Jesús chi yoꞌyo saꞌ xya̱nkeb li camenak. Li xbe̱n li quixcꞌutbesi cuiꞌ rib li Jesús, aꞌan lix María aj Magdala. Aꞌan li ixk li qui-isi̱c li cuukub chi ma̱us aj musikꞌej riqꞌuin xban li Jesús.

San Mateo 12:46

Ut toj yo̱ ajcuiꞌ chi a̱tinac li Jesús riqꞌuineb li tenamit nak quicuulac aran lix naꞌ rochbeneb li ri̱tzꞌin li Jesús. Cuanqueb chirix cab ut teꞌraj raj ra̱tinanquileb.