San Juan 19:23 - Li Santil hu

²³ Nak ac xeꞌxqꞌue chiru cruz li Jesús, eb li soldado queꞌxcꞌam li rakꞌ chokꞌ reheb. Ca̱hib e̱chal queꞌrisi, jun re li junju̱nk chi soldado. Ut queꞌxcꞌam ajcuiꞌ li rakꞌ li ma̱cꞌaꞌ xbojbal. Junaj ru lix quembal.

Q'eqchi Bible

²³ Naq ak xe'xk'e chiru krus li Jesus, eb' laj puub' ke'xchap li xt'ikr ut kaahib' jachal ke'risi: jun re li junjunq chi aj puub'. Ke'xchap ajwi' li xjut-aq'. Li jut-aq' maak'a' xb'ojb'al, junaj ru naq kemb'il chalen taq'a toj taqe'q.

San Juan 19:23 ပူးပေါင်းရင်းမြစ်များ

San Lucas 23:34

Ut li Jesús quitijoc ut quixye: —At inYucuaꞌ, cuy taxak xma̱queb li tenamit aꞌin xban nak incꞌaꞌ nequeꞌxnau cꞌaꞌru yo̱queb chixba̱nunquil, chan. Ut eb li soldado queꞌbu̱lic chirix li rakꞌ re rilbal ani na ta̱e̱chani̱nk re.

San Marcos 15:24

Tojoꞌnak queꞌxqꞌue chiru cruz. Ut eb li soldado queꞌbu̱lic chirix li rakꞌ re rilbal ani na ta̱e̱chani̱nk re li junju̱nk.

San Mateo 27:35

Ut mokon nak ac queꞌxqꞌue chiru cruz, eb li soldado queꞌbu̱lic chirix li rakꞌ re rilbal ani na ta̱e̱chani̱nk re li rakꞌ. Joꞌcaꞌin quitzꞌakloc ru li yebil xban li profeta nak quixye: Queꞌxjeqꞌui chi ribileb rib li cuakꞌ ut queꞌbu̱lic chirix lin tꞌicr. (Sal. 22:18)

Hechos 12:4

Nak ac xchapeꞌ laj Pedro, li rey Herodes quixtakla saꞌ tzꞌalam ut quixkꞌaxtesi saꞌ rukꞌeb ca̱hib chꞌu̱tal chi soldado re teꞌxcꞌacꞌale. Ca̱hib chi soldado cuan saꞌ li junju̱nk chꞌu̱tal. Laj Herodes cuan saꞌ xchꞌo̱l nak tixcꞌam chiruheb li tenamit nak ac xrakeꞌ li ninkꞌe re teꞌxrak a̱tin saꞌ xbe̱n.

Éxodo 28:32

Te̱canab xnaꞌaj lix cux chi teto, ut te̱quem jun li tꞌicr chokꞌ xta lix cux re nak incꞌaꞌ ta̱pejekꞌ nak ta̱rocsi saꞌ xjolom.