San Juan 19:19 - Li Santil hu

¹⁹ Laj Pilato quixtzꞌi̱ba jun li retalil ut queꞌxqꞌue saꞌ xjolom li cruz li quiqꞌueheꞌ cuiꞌ li Jesús. Li retalil aꞌan quixye: Li Jesús aj Nazaret, aꞌan lix reyeb laj judío.

Q'eqchi Bible

¹⁹ Laj Pilaat kixtz'iib'a ajwi' jun eetalil ut kixk'e sa' xjolom li krus. A'an a'in li kixtz'iib'a: “Li Jesus aj Nazaret, xReyeb' laj Judiiy”.

San Juan 19:19 ပူးပေါင်းရင်းမြစ်များ

San Mateo 27:37

Saꞌ xbe̱n li cruz queꞌxqꞌue jun retalil cꞌaꞌut nak queꞌxcamsi ut naxye: Aꞌan aꞌin li Jesús, lix Reyeb laj judío.

San Lucas 23:38

Chiru li cruz queꞌxqꞌue jun retalil tzꞌi̱banbil saꞌ eb li a̱tinoba̱l griego, hebreo, ut latín, li naxye chi joꞌcaꞌin: Aꞌan aꞌin lix reyeb laj judío.

San Marcos 15:26

Saꞌ xbe̱n li cruz queꞌxqꞌue jun retalil cꞌaꞌut nak queꞌxcamsi ut naxye: Aꞌan aꞌin lix reyeb laj judío.

San Juan 19:14

Cuaꞌleb na re cutan nak quicꞌulman aꞌin. Li tenamit yo̱queb chixcauresinquil li ninkꞌe Pascua, li ta̱ticla̱k saꞌ li cutan jun chic. Laj Pilato quixye reheb: —Cueꞌ le̱ rey, chan.

Hechos 3:6

Laj Pedro quixye re: —Ma̱cꞌaꞌ intumin la̱in re tinqꞌue a̱cue. Abanan li cꞌaꞌru cuan cuiqꞌuin tinqꞌue a̱cue. Saꞌ xcꞌabaꞌ li Ka̱cuaꞌ Jesucristo laj Nazaret, ninye a̱cue cuaclin ut be̱n, chan re.

San Juan 19:21

Incꞌaꞌ quicuulac chiruheb li xbe̱nil aj tij li quixtzꞌi̱ba. Queꞌxye re laj Pilato: —Ma̱tzꞌi̱ba nak aꞌan xreyeb laj judío. Tzꞌi̱ba ban nak aꞌan xyehoc re, “La̱in xreyeb laj judío”, chanqueb.

San Juan 19:12

Ut chalen aꞌan laj Pilato yo̱ chixsicꞌbal chanru nak ta̱rachꞌab li Jesús. Abanan eb laj judío queꞌxjap reheb ut queꞌxye: —Cui nacacuachꞌab li cui̱nk aꞌan, la̱at ma̱cuaꞌakat chic rami̱g li Acuabej César. Li ani naraj xqꞌuebal rib chokꞌ rey, li jun aꞌan xicꞌ chic naril li Acuabej, chanqueb.

San Juan 19:3

Ut queꞌxye re: —¡Sahak taxak saꞌ a̱chꞌo̱l, at xreyeb laj judío! chanqueb re. Ut queꞌxsacꞌ riqꞌuin rukꞌeb.

San Juan 18:33

Laj Pilato qui-oc cuiꞌchic saꞌ li naꞌajej li narakoc cuiꞌ a̱tin. Quixbok li Jesús riqꞌuin ut quixye re: —¿Ma la̱at lix reyeb laj judío? chan re.

San Juan 1:49

Quichakꞌoc laj Natanael ut quixye re: —At tzolonel, la̱at li Ralal li Dios. La̱at lix Reyeb laj Israel, chan re li Jesús.

Hechos 26:9

Ya̱l nak junxil la̱in xincꞌoxla nak us xrahobtesinquileb li nequeꞌxpa̱b li Jesús aj Nazaret.

San Mateo 2:23

Queꞌchal ut queꞌcuan saꞌ jun li tenamit Nazaret xcꞌabaꞌ xcue̱nt Galilea. Aꞌin quicꞌulman joꞌ queꞌxye li profeta nak queꞌxye nak aj Nazaret tixcꞌabaꞌin.

San Lucas 18:37

Queꞌxye re nak li Jesús aj Nazaret yo̱ chi numecꞌ.