San Juan 19:18 - Li Santil hu

¹⁸ Ut aran queꞌxqꞌue chiru cruz. Ut queꞌxqꞌue cuib chic li cui̱nk chiru cruz rochben. Jun queꞌxqꞌue saꞌ xnim ukꞌ ut li jun chic queꞌxqꞌue saꞌ xtzꞌe. Li cruz li queꞌxqꞌue cuiꞌ li Jesús quicana saꞌ xyi.

Q'eqchi Bible

¹⁸ Aran ke'xk'e chiru krus rochb'een wiib' chik winq, jun sa' xnim uq' ut jun sa' xtz'e uq'; ut li Jesus kikanaak sa' xyiheb'.

San Juan 19:18 ပူးပေါင်းရင်းမြစ်များ

Isaías 53:12

Joꞌcan ut nak saꞌ xya̱nkeb li xni̱nkaleb ru li Dios tixqꞌue lix naꞌaj ut tixqꞌue lix lokꞌal xban nak aꞌan incꞌaꞌ quixra lix yuꞌam. Quixtoj rix lix ma̱queb laj ma̱c nak quixqꞌue rib chi ca̱mc saꞌ xcꞌabaꞌ laj ma̱c. Ut quicam joꞌ nak nequeꞌcam laj ma̱c. Ut quitijoc ut quixtzꞌa̱ma chiru li Dios nak tixcuyeb xma̱c.

Gálatas 3:13

Abanan li Jesucristo coxcol chiru li tojba ma̱c li tenebanbil saꞌ kabe̱n xban li chakꞌrab. Aꞌan quicoloc ke nak quixqꞌue rib chi ca̱mc re xtojbal rix li kama̱c. Joꞌcaꞌin tzꞌi̱banbil saꞌ li Santil Hu: Tzꞌekta̱nanbileb chixjunileb li nequeꞌcamsi̱c chi tꞌuytꞌu chiru li cheꞌ. (Deut. 21:23)

San Juan 18:32

Riqꞌuin aꞌin quitzꞌakloc ru li quixye li Jesús chanru nak ta̱camsi̱k.

San Mateo 27:44

Ut joꞌcan eb ajcuiꞌ laj e̱lkꞌ li queꞌqꞌueheꞌ chiru cruz rochben, yo̱queb chixhobbal.

Salmos 22:16

Li incꞌaꞌ useb xnaꞌleb li yo̱queb chixba̱nunquil raylal cue, chanchaneb jun chꞌu̱tal chi joskꞌ aj tzꞌiꞌ teꞌraj tiꞌoc. Xeꞌxhop li cuok ut xeꞌxhop li cuukꞌ.

Hebreos 12:2

Kaqꞌuehak kachꞌo̱l chixta̱kenquil li Jesucristo laj cꞌamol be chiku. Aꞌan naqꞌuehoc re li kapa̱ba̱l ut naxtzꞌakobresi ru. Usta xuta̱nal li ca̱mc quixcꞌul chiru li cruz, abanan incꞌaꞌ quixqꞌue saꞌ xchꞌo̱l. Ut quixcuy li raylal saꞌ kacꞌabaꞌ la̱o xban nak lix sahilal xchꞌo̱l quiqꞌueheꞌ re mokon. Ut anakcuan cuan saꞌ choxa saꞌ xnim ukꞌ li Dios.

San Juan 19:32

Queꞌchal eb li soldado ut queꞌxtok xbakel li raꞌeb li cuib chi cui̱nk li queꞌqꞌueheꞌ chiru cruz rochben li Jesús.

Hechos 2:23

Li Jesús quikꞌaxtesi̱c saꞌ e̱rukꞌ la̱ex xban nak ac joꞌcan chak saꞌ xchꞌo̱l li Dios nak joꞌcan tixcꞌul. Ut la̱ex quechap ut quekꞌaxtesi saꞌ rukꞌeb li cui̱nk li incꞌaꞌ useb xnaꞌleb. Ut eb aꞌan queꞌxcamsi chiru cruz.