San Juan 19:15 - Li Santil hu

¹⁵ Queꞌxjap cuiꞌchic reheb chixyebal: —¡Qꞌuehomak chiru cruz! ¡Qꞌuehomak chiru cruz! Ut laj Pilato quixye reheb: —¿Ma te̱raj nak tinqꞌue chiru cruz le̱ rey? chan. Eb li xbe̱nil aj tij queꞌxye: —Jun ajcuiꞌ li karey cuan. Aꞌan li Acuabej César, chanqueb.

Q'eqchi Bible

¹⁵ Ut eb' a'an ke'xjap re: —Isi chiqu, isi chiqu! K'e chiru krus! chankeb'. Kixye laj Pilaat reheb': —Ma a' leerey tink'e chiru krus? Ke'chaq'ok li xb'eenileb' aj tij ut ke'xye: —Maak'a' qarey, ka'ajwi' laj César.

San Juan 19:15 ပူးပေါင်းရင်းမြစ်များ

San Lucas 23:18

Ut chixjunileb li tenamit queꞌxye chi junajeb xya̱b xcuxeb: —¡Camsi aꞌan, ut achꞌab laj Barrabás! chanqueb.

Hechos 22:22

Ut nak li tenamit queꞌrabi nak ta̱xic riqꞌuineb li ma̱cuaꞌeb aj judío, cꞌajoꞌ nak queꞌpoꞌ. Incꞌaꞌ chic queꞌxcuy rabinquil xban nak yo̱ xjoskꞌileb. Ut japjo̱queb reheb chixyebal: —Camsihomak li cui̱nk aꞌin. Incꞌaꞌ us nak yoꞌyo̱k, chanqueb.

Hechos 21:36

Li qꞌuila tenamit yo̱queb chi xic chirixeb ut japjo̱queb re chixyebal: —¡Camsihomak li cui̱nk aꞌan! chanqueb.

San Juan 19:6

Eb li nequeꞌcꞌacꞌalen saꞌ li templo ut eb li xbe̱nil aj tij queꞌril li Jesús ut queꞌxjap reheb ut queꞌxye: —¡Qꞌue chiru cruz! ¡Qꞌue chiru cruz! chanqueb. Ut laj Pilato quixye reheb: —Cꞌamomak la̱ex ut qꞌuehomak chiru cruz cui te̱raj. La̱in ma̱ jun lix ma̱c xintau, chan.

Génesis 49:10

La̱at, Judá, ma̱ ani ta̱ru̱k ta̱isi̱nk re saꞌ la̱ cuukꞌ li xukꞌ li retalil la̱ cuanquil joꞌ ajcuiꞌ saꞌ rukꞌeb la̱ cualal a̱cꞌajol. Ma̱ ani ta̱isi̱nk re le̱ cuanquilal toj tol-e̱lk laj e̱chal re li xukꞌ, li jun li yechiꞌinbil chak xban li Dios. Ut aꞌan chic ta̱pa̱ba̱k xbaneb chixjunileb li cuanqueb saꞌ ruchichꞌochꞌ.

San Juan 18:31

Laj Pilato quixye reheb: —Cꞌamomak la̱ex ut rakomak a̱tin saꞌ xbe̱n joꞌ naxye saꞌ le̱ chakꞌrab la̱ex, chan. Eb laj judío queꞌxye re: —Moco qꞌuebil ta kalese̱ns la̱o aj judío nak takacamsi junak cristian, chanqueb.

San Mateo 22:17

Ye biꞌ ke cꞌaꞌru nacacꞌoxla chirix li naꞌleb aꞌin. ¿Ma us xqꞌuebal li toj re laj César li Acuabej malaj incꞌaꞌ? chanqueb.

Hechos 13:28

Usta incꞌaꞌ queꞌxtau xma̱c, queꞌxtzꞌa̱ma chiru laj Pilato nak tixqꞌue chi camsi̱c li Jesús.