San Juan 19:13 - Li Santil hu

¹³ Nak laj Pilato quirabi li queꞌxye, quixcꞌam li Jesús chirix cab. Quicꞌojla saꞌ li naꞌajej li narakoc cuiꞌ a̱tin. Li cꞌojleba̱l aꞌan cuan saꞌ xbe̱n li tusbil pec. Cꞌajoꞌ xchꞌinaꞌusal. Gabata xcꞌabaꞌ li naꞌajej aꞌan saꞌ li a̱tinoba̱l hebreo.

Q'eqchi Bible

¹³ Naq laj Pilaat kirab'i eb' li aatin a'in, kixk'am li Jesus chirix kab'l ut kixk'e chi k'ojlaak sa' li raqleb'aal aatin, sa' li na'ajej “Pekunb'il Neb'aal” xk'ab'a', Gabatá nayeemank re sa' aatinob'aal hebreo.

San Juan 19:13 ပူးပေါင်းရင်းမြစ်များ

San Mateo 27:19

Nak laj Pilato cꞌojcꞌo saꞌ lix naꞌaj li narakoc cuiꞌ a̱tin, li rixakil quixtakla xyebal re: —Ma̱cꞌaꞌ ta̱ba̱nu re li cui̱nk aꞌan xban nak ma̱cꞌaꞌ xma̱c. Saꞌ xcꞌabaꞌ aꞌan nak kꞌaxal ra xinmatqꞌue chi kꞌek, chan.

Hechos 4:19

Ut queꞌchakꞌoc laj Pedro ut laj Juan ut queꞌxye reheb: —Cꞌoxlahomak chi us bar cuan li us chiru li Dios. ¿Ma us nak texkapa̱b la̱ex malaj ut us nak takapa̱b li Dios?

San Juan 19:8

Nak quirabi li queꞌxye, kꞌaxal cuiꞌchic quixucuac laj Pilato.

San Lucas 12:5

La̱in tinye e̱re ani li tento te̱xucua ru. Chexucua̱k ru li Dios li naru ta̱risi xyuꞌam li junju̱nk ut cuan xcuanquil chixtaklanquil li a̱mej saꞌ xbalba. Aꞌan li tento te̱xucua ru.

Amós 4:7

—La̱in incꞌaꞌ chic xinqꞌue li hab nak oxib po chic ma̱ nacuulac xkꞌehil li kꞌoloc. Xinqꞌue li hab saꞌ jun li tenamit ut saꞌ li jun chic incꞌaꞌ xinqꞌue. Saꞌ jun li cꞌaleba̱l xinqꞌue li hab ut saꞌ li jun chic xchakic li acui̱mk xban nak incꞌaꞌ xinqꞌue li hab.

Isaías 57:11

Li Ka̱cuaꞌ quixye e̱re: —¿Cꞌaꞌut nak nequexxucuac xbaneb li yi̱banbil dios ut nequelokꞌoniheb? ¿Cꞌaꞌut nak xecanab inlokꞌoninquil xbaneb ut ninsach saꞌ e̱chꞌo̱l? Usta incꞌaꞌ xine̱lokꞌoni, aban chalen chak junxil yo̱quin chixcuybal. Joꞌcan nak incꞌaꞌ niquine̱xucua.

Eclesiastés 5:8

Misach e̱chꞌo̱l chirilbal nak saꞌ junak tenamit yo̱k xba̱nunquil raylal reheb li nebaꞌ. Nabal raylal nequeꞌxba̱nu ut incꞌaꞌ nequeꞌrakoc a̱tin saꞌ ti̱quilal xban nak li cuan saꞌ xcuanquil taklanbil xban li nim xcuanquil chiru aꞌan. Ut li jun, li nim xcuanquil, taklanbil ajcuiꞌ xban jun chic kꞌaxal nim xcuanquil.

Proverbios 29:25

Li xxucuanquil ru li cui̱nk, aꞌan chanchan jun li raꞌal. Abanan li ani cꞌojcꞌo xchꞌo̱l riqꞌuin li Dios, aꞌan ta̱colekꞌ.

San Juan 5:2

Saꞌ li tenamit Jerusalén bar cuan cuiꞌ li oqueba̱l li nequeꞌrocsi cuiꞌ li carner, cuan jun li haꞌ Betesda xcꞌabaꞌ saꞌ ra̱tinoba̱leb laj hebreo. Aran cuan o̱b li muheba̱l.

Jeremías 38:19

Li rey Sedequías quixye re laj Jeremías: —La̱in yo̱ inxiu xbaneb laj judío li xeꞌxkꞌaxtesi ribeb saꞌ xya̱nkeb laj Babilonia. Ma̱re anchal eb laj Babilonia tineꞌxkꞌaxtesi saꞌ rukꞌeb laj judío ut eb aꞌan tineꞌxrahobtesi, chan.

San Juan 19:17

Li Jesús yo̱ chixpakonquil lix cruz nak co̱ saꞌ li naꞌajej Xbakel Xjolom Camenak xcꞌabaꞌ. Saꞌ li a̱tinoba̱l hebreo Gólgota xcꞌabaꞌ.

San Juan 19:20

Nabaleb laj judío queꞌril li retalil li quitzꞌi̱ba̱c, xban nak li naꞌajej li quiqꞌueheꞌ cuiꞌ chiru cruz li Jesús nachꞌ cuan riqꞌuin li tenamit. Li retalil tzꞌi̱banbil saꞌ eb li a̱tinoba̱l hebreo, griego ut latín.