San Juan 19:11 - Li Santil hu

¹¹ Li Jesús quixye re: —Ma̱cꞌaꞌ raj a̱cuanquil saꞌ inbe̱n cui ta incꞌaꞌ qꞌuebil a̱cue xban li Dios. Ut li jun li xkꞌaxtesin cue saꞌ a̱cuukꞌ re nak tatrakok a̱tin saꞌ inbe̱n, aꞌan kꞌaxal cuiꞌchic nim xma̱c cha̱cuu la̱at, chan.

Q'eqchi Bible

¹¹ Kichaq'ok li Jesus ut kixye: —Maak'a' raj aawankil sa' inb'een, wi ta ink'a' k'eeb'il chaq aawe taqe'q; jo'kan naq q'axal nim xmaak li xq'axtesink we sa' laawuq'.

San Juan 19:11 ပူးပေါင်းရင်းမြစ်များ

Romanos 13:1

Chexpa̱ba̱nk chiruheb li nequeꞌtaklan saꞌ xbe̱n li tenamit. Ma̱ ani cuan xcuanquil chi takla̱nc cui incꞌaꞌ ta qꞌuebil re xban li Dios. Eb li cuanqueb xcuanquil saꞌ xbe̱n li tenamit, aꞌ li Dios quixakaban reheb.

San Juan 3:27

Quichakꞌoc laj Juan ut quixye: —Junak cui̱nk ma̱cꞌaꞌ cꞌaꞌru tixba̱nu chi incꞌaꞌ ta qꞌuebil re xban li Dios.

Hechos 2:23

Li Jesús quikꞌaxtesi̱c saꞌ e̱rukꞌ la̱ex xban nak ac joꞌcan chak saꞌ xchꞌo̱l li Dios nak joꞌcan tixcꞌul. Ut la̱ex quechap ut quekꞌaxtesi saꞌ rukꞌeb li cui̱nk li incꞌaꞌ useb xnaꞌleb. Ut eb aꞌan queꞌxcamsi chiru cruz.

Daniel 4:17

Aꞌan aꞌin li tenebanbil saꞌ xbe̱n xbaneb li santil ángel li nequeꞌcꞌacꞌalen, re nak chixjunileb teꞌxqꞌue retal nak li nimajcual Dios nim xcuanquil saꞌ xbe̱neb li nequeꞌtaklan saꞌ ruchichꞌochꞌ. Aꞌan naqꞌuehoc xcuanquileb li ani naraj aꞌan, ut naxqꞌueheb xcuanquil li ma̱cꞌaꞌeb xcuanquil.” Joꞌcan quixye cue li ángel.

Hechos 3:13

Li Dios li queꞌxlokꞌoni chak laj Abraham, laj Isaac ut laj Jacob joꞌqueb ajcuiꞌ li kaxeꞌto̱nil yucuaꞌ, aꞌan quiqꞌuehoc xcuanquil li Jesucristo laj cꞌanjel chiru. Ut la̱ex quekꞌaxtesi aꞌan re laj Pilato. Ut nak laj Pilato quiraj raj rachꞌabanquil, la̱ex incꞌaꞌ queraj.

San Juan 7:30

Ut queꞌraj raj xchapbal re nak teꞌxqꞌue saꞌ tzꞌalam. Abanan incꞌaꞌ ajcuiꞌ queꞌxchap xban nak toj ma̱jiꞌ nacuulac xkꞌehil nak ta̱chapekꞌ.

Santiago 1:17

Xban nak chixjunil li cꞌaꞌak re ru tzꞌakal cha̱bil aꞌ li Dios saꞌ choxa naqꞌuehoc chak ke. Li Dios quiyi̱ban re li nacutanobresin ru li choxa. Li Dios ma̱cuaꞌ joꞌ li sakꞌe namoy ru. Li Dios incꞌaꞌ naxjal lix naꞌleb. Aꞌan ban chi junelic.

Daniel 4:25

La̱at tatyolesi̱k saꞌ la̱ naꞌaj. Tat-isi̱k saꞌ xya̱nkeb li tenamit. Saꞌ pim tatcua̱nk saꞌ xya̱nkeb li xul. Ut pim ta̱cuaꞌ joꞌ li bo̱yx ut tattꞌakresi̱k xban li xchuꞌque. Cuukub chihab tatcua̱nk saꞌ pim. Riqꞌuin aꞌin ta̱qꞌue retal nak li nimajcual Dios, aꞌan li kꞌaxal nim xcuanquil saꞌ xbe̱neb li cuanqueb xcuanquil saꞌ ruchichꞌochꞌ ut aꞌan yal re li ani naraj xqꞌuebal xcuanquil.

San Mateo 6:13

Ut moa̱qꞌue taxak chi a̱le̱c. Choa̱col ban chiru li incꞌaꞌ us. A̱cue li nimajcual cuanquil, li lokꞌoni̱c ut li lokꞌal chi junelic kꞌe cutan. Joꞌcan taxak.

Santiago 4:17

Li naxnau xba̱nunquil li us, ut incꞌaꞌ naxba̱nu, aꞌan ma̱c naxba̱nu.

Romanos 11:36

Chixjunil li cꞌaꞌ re ru cuan, riqꞌuin li Dios nachal chak. Li Dios quiyi̱ban re chixjunil ut aꞌan aj e̱chal re chixjunil. Lokꞌoninbil taxak li Ka̱cuaꞌ Dios chi junelic kꞌe cutan. Joꞌcan taxak.

Hechos 4:28

Joꞌcaꞌin queꞌxba̱nu xban nak ac joꞌcan chak saꞌ a̱chꞌo̱l la̱at. Ut ac yebil chak a̱ban nak joꞌcan ta̱cꞌulma̱nk.

San Mateo 27:2

Queꞌxcꞌam li Jesús chi bacꞌbo ut queꞌxkꞌaxtesi saꞌ rukꞌ laj Pilato li acuabej.

Salmos 62:11

Moco yal jun sut ta ajcuiꞌ quicuabi nak quixye li Dios nak caꞌaj cuiꞌ aꞌan li kꞌaxal nim xcuanquil.

San Marcos 14:44

Ut laj Judas quixye reheb nak tixqꞌue jun retalil chanru nak tixkꞌaxtesi li Jesús. Ac quixye reheb: —Li ani tincuutzꞌ ru, aꞌan li te̱chap ut te̱cꞌam.—

Daniel 5:21

Qui-isi̱c saꞌ xya̱nkeb li tenamit ut lix naꞌleb chanchan chic xnaꞌleb li xul. Quicuan saꞌ pim saꞌ xya̱nkeb li bu̱r re li qꞌuicheꞌ, ut quixcuaꞌ li pim joꞌqueb li bo̱yx. Quitꞌakresi̱c xban li xchuꞌque toj quixqꞌue retal nak li nimajcual Dios aꞌan li kꞌaxal nim xcuanquil saꞌ xbe̱neb chixjunileb li cuanqueb xcuanquil xban nak aꞌan naxqꞌue xcuanquil li ani naraj.

Daniel 4:32

—Tat-isi̱k saꞌ xya̱nkeb li tenamit ut saꞌ pim chic tatcua̱nk saꞌ xya̱nkeb li xul. Cuukub chihab ta̱cuaꞌ li pim joꞌqueb li bo̱yx. Tatcua̱nk saꞌ pim toj ta̱qꞌue retal nak li nimajcual Dios, aꞌan li kꞌaxal nim xcuanquil saꞌ xbe̱neb li cuanqueb xcuanquil saꞌ ruchichꞌochꞌ. Ut aꞌan naxqꞌue xcuanquil li ani naraj xqꞌuebal xcuanquil, chan li ángel.

San Juan 18:3

Joꞌcan nak laj Judas co̱ saꞌ li naꞌajej aꞌan ut quixcꞌam chirix jun chꞌu̱tal li soldado aj Roma. Ut co̱eb ajcuiꞌ chirixeb li nequeꞌcꞌacꞌalen saꞌ li templo. Taklanbileb xbaneb laj fariseo ut li xbe̱nil aj tij. Cuan cuanqueb xxameb saꞌ rukꞌ ut cuan cuanqueb xxameb saꞌ ruꞌuj cheꞌ ut cuanqueb ajcuiꞌ xchꞌi̱chꞌeb.

San Juan 9:41

Li Jesús quixye reheb: —Chanchanex mutzꞌ. Cui ta la̱ex incꞌaꞌ nequenau xya̱lal, ma̱cꞌaꞌ raj e̱ma̱c. Abanan cuan e̱ma̱c xban nak nequeye nak nequenau xya̱lal, chan li Jesús.

San Lucas 22:53

Rajlal cutan cuanquin saꞌ e̱ya̱nk che̱tzolbal saꞌ li templo ut incꞌaꞌ quine̱chap aran. Abanan anakcuan xcuulac xkꞌehil nak te̱ba̱nu li cꞌaꞌru te̱raj la̱ex riqꞌuin xcuanquil laj tza, chan li Jesús.

Daniel 4:35

Chixjunileb li cuanqueb saꞌ ruchichꞌochꞌ ma̱cꞌaꞌeb xcuanquil chiru aꞌan. Li Ka̱cuaꞌ kꞌaxal nim xcuanquil saꞌ xbe̱neb li cuanqueb saꞌ choxa joꞌ ajcuiꞌ saꞌ ruchichꞌochꞌ. Naxba̱nu li cꞌaꞌru naraj aꞌan ut ma̱ ani naru naa̱tinac chirix.

Lamentaciones 3:37

¿Ani ta biꞌ ta̱ru̱k tixye cꞌaꞌru tixcꞌul junak cui moco joꞌcan ta naraj li Dios?

San Mateo 26:65

Nak quirabi aꞌan, li xyucuaꞌileb laj tij quixpej li rakꞌ xban xjoskꞌil ut quixye: —Aꞌan xjuntakꞌe̱ta rib riqꞌuin li Dios. ¿Cꞌaꞌ chic ru aj e nak toj teꞌxye ke cꞌaꞌru lix ma̱c? Ac xerabi nak xjuntakꞌe̱ta rib riqꞌuin li Dios.

Salmos 39:9

Incꞌaꞌ tina̱tinak. Ma̱cꞌaꞌ tinye xban nak la̱at xina̱canab chixcꞌulbal li raylal aꞌin.

1 Crónicas 29:11

At Ka̱cuaꞌ, a̱cue la̱at li cuanquilal, li lokꞌal ut li lokꞌoni̱c. A̱cꞌulub nak ta̱qꞌuehekꞌ a̱lokꞌal ut ta̱nima̱k a̱cuu. Chixjunil li cꞌaꞌru cuan, a̱cue la̱at, joꞌ li cuan saꞌ choxa, joꞌ ajcuiꞌ li cuan saꞌ ruchichꞌochꞌ. A̱cue la̱at li cuanquilal. La̱at li kꞌaxal nim a̱cuanquil saꞌ xbe̱n chixjunil.

San Juan 18:13

Queꞌxcꞌam riqꞌuin laj Anás lix yucuaꞌ li rixakil laj Caifás. Laj Caifás, aꞌan li xbe̱nil aj tij saꞌ li chihab aꞌan.

San Juan 19:10

Laj Pilato quixye re: —¿Cꞌaꞌut nak incꞌaꞌ nacatchakꞌoc? ¿Ma incꞌaꞌ nacanau nak cuan incuanquil cha̱qꞌuebal chiru cruz ut cuan incuanquil cha̱cuachꞌabanquil? chan re li Jesús.