San Juan 18:4 - Li Santil hu

⁴ Li Jesús ac naxnau chixjunil li cꞌaꞌru tixcꞌul. Joꞌcan nak quichal ut quixakli chiruheb ut quixye: —¿Ani nequesicꞌ? chan reheb.

Q'eqchi Bible

⁴ Li Jesus naxnaw chixjunil li ok re chi xk'ulb'al; jo'kan naq kiwulak rik'ineb' ut kixye: —Ani nekesik'?

San Juan 18:4 ပူးပေါင်းရင်းမြစ်များ

San Juan 13:1

Ac cuulajak naticla li ninkꞌe Pascua. Li Jesús ac naxnau nak cuulac re xkꞌehil lix camic re nak ta̱xic cuiꞌchic riqꞌuin lix Yucuaꞌ saꞌ choxa. Junelic naxraheb li ralal xcꞌajol li teꞌcana̱k saꞌ ruchichꞌochꞌ ut nak ac ca̱mc re quixcꞌutbesi chi tzꞌakal lix rahom chiruheb.

San Juan 18:7

Ut li Jesús quixye cuiꞌchic reheb: —¿Ani nequesicꞌ?— Queꞌchakꞌoc ut queꞌxye re: —Li Jesús laj Nazaret, aꞌan li yo̱co chixsicꞌbal.—

Hechos 2:28

La̱in ninnau nak la̱at nacatcꞌutuc chicuu chanru nak tintau li junelic yuꞌam. Xban nak la̱at cuancat cuiqꞌuin, junelic sa saꞌ inchꞌo̱l. Ut caꞌaj cuiꞌ a̱cuiqꞌuin cuan li sahil chꞌo̱lejil. (Sal. 16:8-11)

Salmos 27:3

Usta tineꞌxsut jun tu̱bak chi soldado, la̱in incꞌaꞌ tinxucuak. Usta teꞌoc chi pletic cuiqꞌuin, la̱in cauhak inchꞌo̱l riqꞌuin li Dios.

San Juan 19:28

Chirix chic aꞌan quixnau li Jesús nak ac xtzꞌakloc ru chixjunil. Re nak ta̱tzꞌaklok ru li tzꞌi̱banbil saꞌ li Santil Hu, li Jesús quixye: —Ta̱chakik cue, chan.

San Juan 13:11

Li Jesús ac naxnau ani li ta̱kꞌaxtesi̱nk re saꞌ rukꞌeb li xicꞌ nequeꞌiloc re. Joꞌcan nak quixye nak cuan jun saꞌ xya̱nkeb incꞌaꞌ ti̱c xchꞌo̱l.

San Juan 6:64

Abanan toj cuanqueb ajcuiꞌ saꞌ e̱ya̱nk li incꞌaꞌ nequeꞌpa̱ban, chan li Jesús. Chalen saꞌ xticlajic li Jesús quixnau aniheb li incꞌaꞌ teꞌpa̱ba̱nk re. Ut quixnau ajcuiꞌ ani li ta̱kꞌaxtesi̱nk re saꞌ rukꞌeb li xicꞌ queꞌiloc re.

San Lucas 24:44

Ut quixye reheb: —Li cꞌaꞌru xincꞌul, aꞌan ajcuiꞌ li quinserakꞌi chak e̱re nak toj cuanquin chak saꞌ e̱ya̱nk. Tento nak ta̱tzꞌaklok ru chixjunil li tzꞌi̱banbil chak retalil chicuix saꞌ lix chakꞌrab laj Moisés, joꞌ ajcuiꞌ saꞌ lix hu eb li profeta ut saꞌ ajcuiꞌ li Salmos, chan reheb.

San Mateo 26:31

Ut li Jesús quixye reheb: —Che̱junilex la̱ex ta̱chꞌina̱k le̱ chꞌo̱l saꞌ incꞌabaꞌ la̱in ut tine̱canab injunes chiru li kꞌojyi̱n aꞌin joꞌ tzꞌi̱banbil retalil saꞌ li Santil Hu: Tincanab chi camsi̱c laj ilol reheb li carner ut eb li carner teꞌxchaꞌchaꞌi ribeb. (Zac. 13:7)

San Mateo 26:21

Ut nak yo̱queb chi cuaꞌac, li Jesús quixye reheb: —Relic chi ya̱l tinye e̱re nak jun e̱re la̱ex ta̱kꞌaxtesi̱nk cue saꞌ rukꞌeb li xicꞌ nequeꞌiloc cue, chan.

San Mateo 26:2

—La̱ex nequenau nak cuib cutan chic ma̱ nacuulac xkꞌehil li pascua re xninkꞌeinquil chanru nak queꞌcoleꞌ ut queꞌel laj Israel saꞌ li tenamit Egipto. Ut la̱in li Cꞌajolbej tinkꞌaxtesi̱k re nak tinqꞌuehekꞌ chiru cruz.—

San Mateo 16:21

Chalen saꞌ li cutan aꞌan li Jesús quixtiquib xchꞌolobanquil chiruheb lix tzolom nak tento ta̱xic Jerusalén chixcꞌulbal nabal li raylal xbaneb li cui̱nk li xakabanbileb chi cꞌanjelac saꞌ li templo ut xbaneb li xbe̱nil aj tij joꞌ eb ajcuiꞌ laj tzꞌi̱b. Quixye reheb nak ta̱camsi̱k ut nak ta̱cuacli̱k cuiꞌchic chi yoꞌyo saꞌ rox li cutan.

Proverbios 28:1

Eb li incꞌaꞌ useb xnaꞌleb nequeꞌe̱lelic usta ma̱ ani yo̱ chi a̱lina̱nc reheb. Abanan eb li ti̱queb xchꞌo̱l incꞌaꞌ nequeꞌxucuac. Cꞌojcꞌo̱queb ban xchꞌo̱l. Chanchaneb li cakcoj.

Salmos 3:6

Usta sutsu̱quin xbaneb li qꞌuila tenamit, li xicꞌ nequeꞌiloc cue, incꞌaꞌ ninxucuac xbaneb.

Nehemías 6:11

Ut la̱in quinchakꞌoc ut quinye re: —Junak cui̱nk joꞌ la̱in, ¿ma naru ta biꞌ ta̱xucuak chiruheb aꞌan? ¿Ma tinxic ta biꞌ saꞌ li templo chixmukbal cuib yal re xcolbal rix lin yuꞌam? La̱in incꞌaꞌ tin-oc saꞌ li templo chixmukbal cuib, chanquin re.

1 Reyes 18:10

Saꞌ xcꞌabaꞌ li Ka̱cuaꞌ la̱ Dios la̱in ninye a̱cue nak ma̱cꞌaꞌ junak tenamit chi moco junak naꞌajej incꞌaꞌ ta quixtakla cuiꞌ a̱sicꞌbal li rey. Nak xeꞌxye nak ma̱ anihat, li rey quixpuersiheb chixba̱nunquil li juramento re nak teꞌxye li ya̱l.

1 Pedro 4:1

Li Cristo quixcꞌul li raylal ut quirecꞌa tzꞌakal li raylal saꞌ kacꞌabaꞌ la̱o. Joꞌcan nak chikaqꞌue ajcuiꞌ kachꞌo̱l la̱o chixcuybal li raylal. Julticak e̱re nak ma̱cꞌaꞌ chic xcuanquil li ma̱c saꞌ xbe̱neb li nequeꞌxcuy li raylal chi ma̱cꞌaꞌ xma̱queb.

San Juan 18:5

Eb aꞌan queꞌxye: —Yo̱co chixsicꞌbal li Jesús laj Nazaret.— Li Jesús quixye: —La̱in li yo̱quex chinsicꞌbal, chan. Cuan ajcuiꞌ saꞌ xya̱nkeb laj Judas li ta̱kꞌaxtesi̱nk re.