San Juan 18:37 - Li Santil hu

³⁷ Laj Pilato quixye re: —La̱at rey chi joꞌcanan.— Li Jesús quixye re: —Ya̱l li xaye nak la̱in rey. Aꞌan aj e nak quinchal chi yoꞌla̱c arin saꞌ ruchichꞌochꞌ re xchꞌolobanquil lix ya̱lal. Ut chixjunileb li nequeꞌraj xnaubal lix ya̱lal, nequeꞌrabi li cꞌaꞌru ninye, chan.

Q'eqchi Bible

³⁷ Toja' naq laj Pilaat kixye re: —Ma laa'at rey chi jo'kanan? Kichaq'ok li Jesus ut kixye: —Laa'at nakaye naq laa'in rey. A'in aj e naq kinyo'laak ut a'in aj e naq kinchalk sa' li ruuchich'och': re tin'aatinaq chirix li yaal. Chixjunil li na'okenk chirix li yaal, narab'i li xyaab' inkux.

San Juan 18:37 ပူးပေါင်းရင်းမြစ်များ

San Juan 8:47

Cui ta la̱ex ralal xcꞌajol li Dios, nequepa̱b raj li cꞌaꞌru naxye. Abanan la̱ex ma̱cuaꞌex ralal xcꞌajol li Dios. Joꞌcan nak incꞌaꞌ nequeraj rabinquil li cꞌaꞌru naxye, chan li Jesús.

1 Juan 4:6

Abanan la̱o ralal xcꞌajol li Dios. Ut eb li nequeꞌpa̱ban re li Dios nocoeꞌrabi. Ut eb li incꞌaꞌ nequeꞌpa̱ban re li Dios incꞌaꞌ nequeꞌraj kabinquil. Riqꞌuin aꞌan nacꞌutun ani cuan li Santil Musikꞌej riqꞌuin ut ani cuan xmusikꞌ laj balakꞌ riqꞌuin.

San Juan 8:14

Li Jesús quixye reheb: —Cuan xcuanquil li ninye usta yo̱quin chi a̱tinac chicuix la̱in xban nak tzꞌakal ya̱l li ninye. La̱ex incꞌaꞌ nequenau bar xinchal chak, chi moco nequenau bar tinxic. Caꞌaj cuiꞌ la̱in ninnaꞌoc re bar xinchal chak ut bar tinxic.

1 Juan 3:19

Cui nakara li kaherma̱n, nakanau nak la̱o tzꞌakal ralal xcꞌajol li Dios, ut cau kachꞌo̱l chixpa̱banquil li Dios.

San Juan 14:6

Li Jesús quixye re: —La̱in aj cꞌamol be che̱ru. La̱in ninchꞌolob lix ya̱lal li Dios ut la̱in ninqꞌuehoc junelic yuꞌam. Ma̱ ani ta̱ru̱k ta̱oc riqꞌuin lin Yucuaꞌ cui incꞌaꞌ tinixpa̱b la̱in.

Isaías 55:4

La̱in xinxakaban re aꞌan chi cꞌamoc be chiruheb ut chi takla̱nc saꞌ xbe̱neb li tenamit ut chixcꞌutbal li cua̱tin chiruheb.

San Juan 7:17

—Li ani ta̱ajok xba̱nunquil li cꞌaꞌru naraj li Dios, aꞌan tixnau ma re li Dios li tijleb li yo̱quin chixcꞌutbal malaj ut yal incꞌaꞌux injunes.

1 Pedro 1:22

Saꞌ xcꞌabaꞌ li Santil Musikꞌej chꞌajobresinbil le̱ ra̱m riqꞌuin nak nequepa̱b li tzꞌakal ya̱l. Riqꞌuin aꞌin naru te̱raheb li herma̱n ut incꞌaꞌ te̱ra e̱rib chi yal xcab rix e̱chꞌo̱l. Te̱ra ban e̱rib chi tzꞌakal.

1 Timoteo 6:13

Saꞌ xcꞌabaꞌ li Dios li naqꞌuehoc yuꞌam, la̱in nintzꞌa̱ma cha̱cuu nak ta̱ba̱nu la̱ taklanquil. Ut nintzꞌa̱ma ajcuiꞌ cha̱cuu saꞌ xcꞌabaꞌ li Jesucristo li quichꞌoloban xya̱lal chi ma̱cꞌaꞌ xxiu chiru laj Poncio Pilato.

San Lucas 23:3

Laj Pilato quixye re li Jesús: —¿Ma la̱at lix reyeb laj judío? Li Jesús quichakꞌoc ut quixye: —Ya̱l li xaye nak la̱in, chan.

San Marcos 15:2

Laj Pilato quixye re li Jesús: —¿Ma la̱at lix reyeb laj judío?— Li Jesús quichakꞌoc ut quixye re: —Ya̱l li xaye nak la̱in.—

1 Juan 5:20

Ut la̱o nakanau nak li Ralal li Dios quicꞌulun saꞌ ruchichꞌochꞌ. Quixqꞌue kanaꞌleb re xnaubal bar cuan li tzꞌakal Dios. Ut junajo chic riqꞌuin li tzꞌakal Dios xban nak xkapa̱b li Jesucristo li Ralal li Dios. Aꞌan li naqꞌuehoc ke li yuꞌam chi junelic.

San Juan 3:32

Ut li cꞌaꞌru quiril ut quirabi, aꞌan li naxchꞌolob xya̱lal. Abanan moco qꞌuiheb ta li nequeꞌpa̱ban re li cꞌaꞌru naxye.

San Mateo 26:64

Ut li Jesús quixye re: —Ya̱l li xaye la̱at. Ut tinye ajcuiꞌ e̱re nak chalen anakcuan tine̱ril la̱in li Cꞌajolbej nak cꞌojcꞌo̱kin saꞌ xnim ukꞌ li nimajcual Dios ut tine̱ril ajcuiꞌ nak yo̱kin chak chi cha̱lc cuiꞌchic saꞌ li chok saꞌ choxa, chan.

San Mateo 27:11

Queꞌxcꞌam li Jesús ut queꞌxxakab chiru laj Pilato li acuabej. Ut laj Pilato quixpatzꞌ re: —¿Ma la̱at lix Reyeb laj judío?— Li Jesús quichakꞌoc ut quixye re: —Ya̱l li xaye nak la̱in.—

Apocalipsis 3:14

Ut li Cꞌajolbej quixye cuiꞌchic cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Laodicea ut ta̱ye re: Li ani naxcꞌabaꞌin “Amén”, li junelic ti̱c xchꞌo̱l chixyebal li ya̱l, li ac cuan chak nak quiyi̱ba̱c chak li ruchichꞌochꞌ ut chixjunil li cꞌaꞌak re ru cuan, naxye e̱re chi joꞌcaꞌin:

Apocalipsis 1:4

La̱in laj Juan. Yo̱quin chi tzꞌi̱bac e̱riqꞌuin la̱ex li cuukub chꞌu̱talex chi aj pa̱banel li cuanquex aran Asia. Aꞌ taxak li usilal ut li tuktu̱quilal chicua̱nk e̱riqꞌuin li naxqꞌue li Dios li ac cuan chak saꞌ xticlajic, li cuan anakcuan, ut li cua̱nk chi junelic, ut li naxqꞌue li Santil Musikꞌej li cuan cuiꞌ lix lokꞌlaj cꞌojariba̱l li Ka̱cuaꞌ.

1 Juan 3:14

Cui nakara li kaherma̱n, aꞌan retalil nak cua̱nk kacolbal chiru xcuanquil li ca̱mc ut qꞌuebil kayuꞌam chi junelic. Li ani incꞌaꞌ naxra lix herma̱n, aꞌan toj cuan rubel xcuanquil li ca̱mc.

San Lucas 22:70

Ut chixjunileb queꞌxye re: —¿Ma la̱at li Ralal li Dios chi joꞌcanan? Ut li Jesús quichakꞌoc ut quixye: —Ya̱l li xeye nak la̱in, chan.

San Marcos 14:62

Ut li Jesús quixye: —La̱in. Ut saꞌ jun cutan tine̱ril la̱in li Cꞌajolbej nak cꞌojcꞌo̱kin saꞌ xnim ukꞌ li nimajcual Dios ut te̱ril ajcuiꞌ nak yo̱kin chak chi cha̱lc saꞌ li chok saꞌ choxa, chan.

San Juan 1:14

Li Jesucristo quitzꞌejcualoꞌ ut tzꞌakal cui̱nk nak quicuan arin saꞌ kaya̱nk. Cꞌajoꞌ li rusilal ut aꞌan naxcꞌut lix ya̱lal. Aꞌan li Ralal li Dios li junaj chi ribil ut la̱o xkil lix lokꞌal.

San Juan 1:17

Li Dios quixqꞌue li chakꞌrab re laj Moisés re nak tixcꞌut chiku. Aban lix ya̱lal chirix li Dios ut li rusilal quixcꞌutbesi chiku li Jesucristo.

San Juan 8:45

La̱in ninye e̱re lix ya̱lal. Joꞌcan nak incꞌaꞌ niquine̱pa̱b.

San Juan 8:46

¿Ma cuan junak saꞌ e̱ya̱nk ta̱ru̱k tixye nak cuan inma̱c la̱in? Cui ninye li ya̱l, ¿cꞌaꞌut nak incꞌaꞌ niquine̱pa̱b?

1 Juan 2:21

Moco xban ta nak incꞌaꞌ nequenau lix ya̱lal nak nintzꞌi̱bac e̱riqꞌuin. La̱ex nequenau lix ya̱lal ut nequenau ajcuiꞌ nak ma̱ jun ticꞌtiꞌ na-el saꞌ li tzꞌakal ya̱l.