San Juan 18:36 - Li Santil hu

³⁶ Li Jesús quixye re: —Lin cuanquil la̱in ma̱cuaꞌ re saꞌ ruchichꞌochꞌ. Cui ta la̱in tintakla̱nk arin saꞌ ruchichꞌochꞌ, eb li nequeꞌta̱ken cue teꞌpletik raj re incolbal chiruheb li nequeꞌcꞌamoc be chiruheb laj judío. Abanan lin cuanquil la̱in ma̱cuaꞌ re saꞌ ruchichꞌochꞌ, chan.

Q'eqchi Bible

³⁶ Kichaq'ok li Jesus ut kixye: —Lin'awab'ejihom maawa' re li ruuchich'och' a'in. Wi ta re li ruuchich'och' a'in lin'awab'ejihom, xe'yalok raj eb' laj k'anjel chiwu re naq ink'a' xinq'axtesiik sa' ruq'eb' laj Judiiy; ab'anan lin'awab'ejihom moko aj arin ta.

San Juan 18:36 ပူးပေါင်းရင်းမြစ်များ

Romanos 14:17

Lix cuanquilal li Dios incꞌaꞌ nakatau riqꞌuin cꞌaꞌru nakatzaca chi moco riqꞌuin li cꞌaꞌru nakucꞌ; natauman ban riqꞌuin li ti̱quilal, li tuktu̱quil usilal ut li sahil chꞌo̱lejil li naxqꞌue ke li Santil Musikꞌej.

San Juan 6:15

Li Jesús quixnau nak teꞌraj xpuersinquil ru re nak ta̱oc chokꞌ rey. Joꞌcan nak qui-el saꞌ xya̱nkeb ut co̱ xjunes saꞌ li tzu̱l.

Daniel 7:14

Quiqꞌueheꞌ xcuanquilal ut xlokꞌal ut quiqꞌueheꞌ xcuanquil chi takla̱nc re nak chixjunileb li tenamit teꞌcꞌanjelak chiru aꞌ yal chanru li ra̱tinoba̱leb. Ut lix lokꞌal ut lix cuanquilal li jun aꞌan incꞌaꞌ ta̱osokꞌ. Cua̱nk ban chi junelic.

Daniel 2:44

Ut saꞌ eb li cutan aꞌan li Dios cuan saꞌ choxa tixxakab jun chic li kꞌaxal nim xcuanquil ut ma̱ ani ta̱ru̱k ta̱numta̱k saꞌ xbe̱n. Aꞌan ta̱sachok re chixjunileb li cuanqueb xcuanquil ut ma̱cꞌaꞌak rosoꞌjic aꞌan.

1 Timoteo 6:13

Saꞌ xcꞌabaꞌ li Dios li naqꞌuehoc yuꞌam, la̱in nintzꞌa̱ma cha̱cuu nak ta̱ba̱nu la̱ taklanquil. Ut nintzꞌa̱ma ajcuiꞌ cha̱cuu saꞌ xcꞌabaꞌ li Jesucristo li quichꞌoloban xya̱lal chi ma̱cꞌaꞌ xxiu chiru laj Poncio Pilato.

San Mateo 26:53

¿Ma incꞌaꞌ nacanau nak naru tintzꞌa̱ma chiru lin Yucuaꞌ ut aꞌan tixtakla raj chak anakcuan anakcuan qꞌuila okꞌob chi ángel chincolbal?

Zacarías 9:9

Chisahokꞌ taxak saꞌ le̱ chꞌo̱l la̱ex li cuanquex saꞌ li tenamit Sión. Chexbicha̱nk xban xsahil le̱ chꞌo̱l, la̱ex li cuanquex Jerusalén xban nak yo̱ chak chi cha̱lc le̱ rey. Aꞌan ti̱c xchꞌo̱l ut tu̱lan. Aꞌan laj Colonel. Cꞌojcꞌo chak chirix jun chꞌina bu̱r. Chirix jun chꞌina ral bu̱r yo̱ chak chi cha̱lc.

San Lucas 12:14

Aꞌut li Jesús quixye re: —At cui̱nk, la̱in incꞌaꞌ xakabanbilin chi rakoc a̱tin saꞌ e̱be̱n chi moco xakabanbilin chixjachinquil le̱ jun cablal.—

San Juan 8:15

La̱ex nequexrakoc a̱tin joꞌ nequeraj la̱ex e̱junes. La̱in ma̱ ani saꞌ aj be̱n yo̱quin chi rakoc a̱tin.

San Juan 18:35

Laj Pilato quixye re: —¿Ma la̱in ta biꞌ aj judío? Eb la̱ cuech tenamitil rochbeneb li xbe̱nil aj tij, aꞌaneb li xeꞌkꞌaxtesin a̱cue saꞌ cuukꞌ. Ye cue cꞌaꞌru a̱ma̱c, chan.