San Juan 18:20 - Li Santil hu

²⁰ Li Jesús quixye re: —Junelic xinchꞌolob lix ya̱lal chiruheb li tenamit saꞌ eb li cab li nequeꞌxchꞌutub cuiꞌ ribeb laj judío ut saꞌ li templo. Ma̱cꞌaꞌ xinye reheb chi mukmu.

Q'eqchi Bible

²⁰ Kichaq'ok li Jesus ut kixye reheb': —Laa'in xin'aatinak chi kutankil chiruheb' li tenamit; junelik xeb'intzol sa' li ch'utleb'aal kab'l ut sa' rochoch li Yos, b'arwi' neke'ch'utlaak chixjunileb' laj Judiiy, ut maak'a' xinye chi muqmu.

San Juan 18:20 ပူးပေါင်းရင်းမြစ်များ

San Juan 7:26

Qꞌuehomak retal. Cuan arin ut yo̱ chi a̱tinac chiruheb chixjunileb li tenamit ut ma̱cꞌaꞌ nequeꞌxye re. Ma̱re xeꞌxnau nak aꞌan li Cristo.

San Mateo 4:23

Ut li Jesús quixbeni chixjunil li naꞌajej Galilea. Yo̱ chixcꞌutbal lix ya̱lal saꞌ eb li cab li nequeꞌxchꞌutub cuiꞌ ribeb laj judío. Quixchꞌolob xya̱lal li cha̱bil esilal chirix lix cuanquilal li Dios. Ut yo̱ chixqꞌuirtesinquil chixjunil li qꞌuila pa̱y ru chi yajel ut li raylal.

Isaías 48:16

Cha̱lkex cuiqꞌuin ut cherabihak li tinye e̱re. Chalen saꞌ xticlajic incꞌaꞌ xina̱tinac e̱riqꞌuin riqꞌuin a̱tin chꞌaꞌaj xtaubal ru. Cuanquin e̱riqꞌuin nak yo̱ chi cꞌulma̱nc chixjunil aꞌin. Li nimajcual Dios ut li Santil Musikꞌej queꞌtaklan chak cue.—

San Lucas 21:37

Rajlal cutan li Jesús naxchꞌolob xya̱lal chiruheb saꞌ li templo ut nak na-ecuu, naxic saꞌ li tzu̱l Olivos chixnumsinquil li kꞌojyi̱n.

San Juan 7:4

Ma̱ ani junak tixba̱nu lix cꞌanjel chi mukmu cui naraj nak ta̱naꞌli̱k ru. Cui ta̱ba̱nu li milagro aꞌin, cꞌutbesi la̱ cꞌanjel chiruheb chixjunileb, chanqueb.

San Lucas 4:15

Yo̱ chixchꞌolobanquil lix ya̱lal saꞌ eb li cab li nequeꞌxchꞌutub cuiꞌ ribeb laj judío. Ut chixjunileb yo̱queb chixqꞌuebal xlokꞌal.

San Mateo 26:55

Ut saꞌ li ho̱nal aꞌan li Jesús quixye reheb li qꞌuila tenamit, —¿Ma la̱in ta biꞌ aj e̱lkꞌ nak xexchal chinchapbal riqꞌuin cheꞌ ut riqꞌuin chꞌi̱chꞌ? Rajlal cutan nincꞌojla saꞌ e̱ya̱nk che̱tzolbal saꞌ li rochoch li Dios ut incꞌaꞌ quine̱chap aran.

San Mateo 9:35

Ut li Jesús yo̱ xbeninquil saꞌ eb li tenamit junju̱nk ut saꞌ eb ajcuiꞌ li cꞌaleba̱l. Quixcꞌut lix ya̱lal chiruheb saꞌ li cab li nequeꞌxchꞌutub cuiꞌ ribeb laj judío ut quixchꞌolob xya̱lal lix nimajcual cuanquilal li Dios chiruheb. Ut yo̱ chixqꞌuirtesinquil chixjunil li qꞌuila pa̱y chi yajel ut li raylal.

Isaías 45:19

La̱in incꞌaꞌ nina̱tinac chi mukmu chi moco quinmuk chiruheb li cristian li cꞌaꞌru nacuaj. Chi moco quinye reheb li ralal xcꞌajol laj Jacob nak tineꞌxsicꞌ bar incꞌaꞌ ta̱ru̱k tineꞌxtau. La̱in li Ka̱cuaꞌ. Saꞌ ti̱quilal nina̱tinac ut junelic ninye li ya̱l, chan.

San Juan 8:26

Nabal li cꞌaꞌak re ru naru tinye raj e̱re re xrakbal a̱tin saꞌ e̱be̱n. Li ani quitaklan chak cue, aꞌan ti̱c xchꞌo̱l ut naxye li ya̱l. Li cꞌaꞌru xcꞌut chicuu li quitaklan chak cue, aꞌan li ninye e̱re la̱ex li cuanquex saꞌ ruchichꞌochꞌ, chan.

San Juan 8:2

Cuulajak chic nak toj ekꞌela co̱ cuiꞌchic saꞌ li templo. Li qꞌuila tenamit queꞌcuulac riqꞌuin. Ut nak quicꞌojla, qui-oc cuiꞌchic chixchꞌolobanquil lix ya̱lal chiruheb.

San Juan 7:28

Nak li Jesús yo̱ chixchꞌolobanquil lix ya̱lal saꞌ li templo, quixye chi cau xya̱b xcux: —Ya̱l nak nequenau cuu. Ut nequenau bar intenamit. Abanan incꞌaꞌ nequenau chi tzꞌakal bar xinchal chak. La̱in incꞌaꞌ xintakla chak cuib yal injunes. Li Dios, li ti̱c xchꞌo̱l, aꞌan li xtaklan chak cue. La̱ex incꞌaꞌ nequenau ru aꞌan.

San Juan 7:14

Nak ac yo̱ li ninkꞌe li Jesús co̱ saꞌ li templo ut qui-oc chixchꞌolobanquil lix ya̱lal chiruheb li cuanqueb aran.

San Mateo 26:65

Nak quirabi aꞌan, li xyucuaꞌileb laj tij quixpej li rakꞌ xban xjoskꞌil ut quixye: —Aꞌan xjuntakꞌe̱ta rib riqꞌuin li Dios. ¿Cꞌaꞌ chic ru aj e nak toj teꞌxye ke cꞌaꞌru lix ma̱c? Ac xerabi nak xjuntakꞌe̱ta rib riqꞌuin li Dios.

Hechos 26:26

Li rey Agripa naxnau chixjunil li cꞌaꞌak re ru aꞌin. Joꞌcan nak yo̱quin chi a̱tinac chiru chi ma̱cꞌaꞌ inxiu. Aꞌan naxnau chixjunil aꞌin xban nak moco quicꞌulman ta chi mukmu, chan.

San Mateo 24:26

Cui ut nequeꞌxye e̱re, “Leꞌ saꞌ li chaki chꞌochꞌ cuan li Cristo,” mexxic chirilbal. Cui ut nequeꞌxye e̱re, “Arin cuan saꞌ cab,” me̱pa̱b li cꞌaꞌru teꞌxye.

Salmos 40:9

At Ka̱cuaꞌ, la̱in xinye chiruheb chixjunileb la̱ cualal a̱cꞌajol chanru lix ti̱quilal la̱ chꞌo̱l. La̱at nacanau nak incꞌaꞌ nincanab xyebal la̱ cuesilal.

Salmos 22:22

Tinserakꞌi la̱ cuesilal yalak bar reheb chixjunileb li cuech tenamitil. Tinqꞌue a̱lokꞌal chiruheb li nequeꞌxchꞌutub ribeb cha̱lokꞌoninquil.

San Marcos 8:32

Quixye chi tzꞌakal li cꞌaꞌru tixcꞌul. Nak quirabi aꞌan laj Pedro quirisi xjunes li Jesús ut qui-oc chixkꞌusbal ut quixye re: —Ma̱ye chi joꞌcan Ka̱cuaꞌ.—

San Juan 6:59

Chixjunil li cꞌaꞌak re ru aꞌin li Jesús quixye reheb nak yo̱ chixcꞌutbal lix ya̱lal chiruheb aran Capernaum saꞌ li cab li nequeꞌxchꞌutub cuiꞌ ribeb laj judío.

San Juan 18:21

¿Cꞌaꞌut nak nacapatzꞌ cue la̱in? Patzꞌ reheb li nequeꞌabin cue. Eb aꞌan naru nequeꞌxye e̱re cꞌaꞌru xinye, chan li Jesús.