San Juan 18:1 - Li Santil hu

¹ Nak quirakeꞌ chi tijoc li Jesús, qui-el saꞌ li naꞌajej aꞌan rochbeneb lix tzolom. Co̱eb jun pacꞌal li haꞌ Cedrón xcꞌabaꞌ bar cuan cuiꞌ jun si̱r li acui̱mk.

Q'eqchi Bible

¹ Naq kiraqe'k chi xyeeb'al a'in, li Jesus kiq'axonk rochb'eeneb' li xtzolom junpak'al li ha' Sedrón xk'ab'a', b'arwi' wank jun siir li awimq; ut aran kox'okaq rochb'eeneb' li xtzolom.

San Juan 18:1 ပူးပေါင်းရင်းမြစ်များ

San Marcos 14:32

Li Jesús quicuulac rochbeneb lix tzolom saꞌ li naꞌajej Getsemaní xcꞌabaꞌ. Li Jesús quixye reheb lix tzolom: —Cana̱kex arin. Xic cue chi tijoc la̱in.—

San Mateo 26:36

Li Jesús quicuulac rochbeneb lix tzolom saꞌ li naꞌajej Getsemaní. Ut quixye reheb lix tzolom: —Cꞌojlankex cuan arin roybeninquil nak tinxic chi tijoc toj leꞌ, chan.

2 Samuel 15:23

Chixjunileb li tenamit li yo̱queb chi iloc re queꞌya̱bac chi cau nak co̱ li rey David rochbeneb li cristian li yo̱queb chi ochbeni̱nc re. Chixjunileb queꞌnumeꞌ jun pacꞌal li haꞌ Cedrón, ut li rey quinumeꞌ ajcuiꞌ. Eb li tenamit queꞌco̱eb chi ubej nak yo̱queb chi xic saꞌ li chaki chꞌochꞌ.

San Juan 18:26

Jun lix mo̱s li xyucuaꞌil aj tij rechꞌalal li cui̱nk li quiyoqꞌueꞌ xxic xban laj Pedro, quixye re: —La̱at xcomoneb. ¿Ma incꞌaꞌ ta biꞌ xcuil nak a̱cuochben aran saꞌ li xnaꞌaj li acui̱mk? chan.

San Juan 14:31

La̱in yo̱quin chixba̱nunquil chixjunil li quixye cue lin Yucuaꞌ re nak chixjunileb li cuanqueb saꞌ ruchichꞌochꞌ teꞌxqꞌue retal nak la̱in ninra li Yucuaꞌbej. Anakcuan yoꞌkeb. E̱lko saꞌ li naꞌajej aꞌin, chan li Jesús.

Jeremías 31:40

Joꞌ ajcuiꞌ chixjunil li ru takꞌa li nequeꞌmukeꞌ cuiꞌ li camenak ut nequeꞌcuteꞌ cuiꞌ lix chahil, joꞌ eb ajcuiꞌ li cꞌaleba̱l li cuan cuiꞌ li nimaꞌ Cedrón, ut nacuulac ajcuiꞌ toj saꞌ li xuc li cuan cuiꞌ li oqueba̱l li nequeꞌnumeꞌ cuiꞌ li cacua̱y. Chixjunil li naꞌajej aꞌan santobresinbilak chicuu la̱in li Ka̱cuaꞌ. Ut li tenamit incꞌaꞌ chic ta̱sachekꞌ ru chi moco ta̱juqꞌuekꞌ, chan li Dios.

2 Crónicas 30:14

Ut queꞌrisiheb li artal li queꞌxlokꞌoni cuiꞌ li jalanil dios aran Jerusalén ut queꞌrisi ajcuiꞌ li artal li queꞌxcꞌat cuiꞌ li pom ut quilajeꞌxcut saꞌ li nimaꞌ aran Cedrón.

2 Crónicas 15:16

Lix Maaca lix naꞌchin laj Asa quixyi̱b jun lix dios Asera. Joꞌcan nak laj Asa quirisi xcuanquil chokꞌ reina. Quixjor li yi̱banbil dios li quixyi̱b lix naꞌchin ut quixcꞌat chire li haꞌ Cedrón.

2 Reyes 23:12

Ut quixjucꞌ ajcuiꞌ eb li artal li queꞌcuan saꞌ xbe̱n cab nachꞌ riqꞌuin li naꞌajej li quicuan cuiꞌ laj Acaz, li queꞌyi̱ba̱c xbaneb lix reyeb laj Judá. Ut quixtakla ajcuiꞌ xjucꞌbal li cuib chi artal li queꞌyi̱ba̱c xban laj Manasés li queꞌcuan saꞌ li cuib chi neba̱l re lix templo li Ka̱cuaꞌ. Queꞌrisi aran ut queꞌxjor ut li xcꞌaj quicuteꞌ saꞌ li nimaꞌ Cedrón.

2 Reyes 23:6

Quixtakla ajcuiꞌ risinquil saꞌ lix templo li Ka̱cuaꞌ lix jalam u̱ch lix Asera. Queꞌrisi Jerusalén ut queꞌxcꞌam toj saꞌ li ru takꞌa re Cedrón ut aran queꞌxcꞌat. Ut lix chahil queꞌxcut saꞌ xbe̱neb lix mukleba̱l li tenamit.

1 Reyes 15:13

Ut quirisi xcuanquil chokꞌ reina lix Maaca lix naꞌ xban nak quixyi̱b jun lix dios Asera. Laj Asa quixjor lix dios ut quixcꞌat chire li haꞌ Cedrón.

Génesis 3:23

Joꞌcan nak li Dios quirisiheb saꞌ li naꞌajej Edén ut quixqꞌue chixtrabajinquil ru li chꞌochꞌ li quipaqꞌueꞌ cuiꞌ.

San Marcos 14:26

Ut nak ac xeꞌrakeꞌ xbichanquil jun li bich, queꞌco̱eb saꞌ li tzu̱l Olivos.

San Mateo 26:30

Nak ac xeꞌrakeꞌ xbichanquil jun li bich re xlokꞌoninquil li Dios, queꞌco̱eb saꞌ li tzu̱l Olivos.

Génesis 2:15

Li Ka̱cuaꞌ Dios quixqꞌue li cui̱nk saꞌ xnaꞌaj li acui̱mk aran Edén re nak aꞌan ta̱ilok re ut tixtrabaji li chꞌochꞌ.

1 Reyes 2:37

Cui tat-e̱lk saꞌ li tenamit ut tatnumekꞌ jun pacꞌal li haꞌ Cedrón, relic chi ya̱l ninye a̱cue nak tatcamsi̱k. Ut la̱at cua̱nk a̱ma̱c cui tatcamsi̱k, chan.

2 Reyes 23:4

Li rey Josías quixtakla laj Hilcías li xbe̱nil aj tij, joꞌqueb ajcuiꞌ li xcabil aj tij ut eb li nequeꞌcꞌacꞌalen re li templo. Quixye reheb nak teꞌrisi saꞌ lix templo li Ka̱cuaꞌ chixjunil li quicꞌanjelac re xlokꞌoninquil laj Baal ut lix Asera. Teꞌrisi ajcuiꞌ chixjunil li quicꞌanjelac re xlokꞌoninquil li sakꞌe, li po ut eb li chahim. Ut li rey Josías quixcꞌat chixjunil chire li tenamit Jerusalén saꞌ li cꞌaleba̱l Cedrón ut quixtakla lix chahil aran Bet-el.

2 Crónicas 29:16

Eb laj tij queꞌoc saꞌ li templo re teꞌxsabesi ut queꞌrisi saꞌ li templo chixjunil li moco xcꞌulub ta cua̱nc aran. Queꞌxcꞌam saꞌ li neba̱l re li templo. Chirix aꞌan eb laj levita chic queꞌcꞌamoc re toj saꞌ li nimaꞌ Cedrón.

Nehemías 2:15

Toj kꞌojyi̱n ajcuiꞌ nak quinnumeꞌ saꞌ li rok haꞌ ut yo̱quin chirilbaleb li tzꞌac li jucꞌbileb. Chirix aꞌan quinsukꞌi cuiꞌchic saꞌ li oqueba̱l li na-iloc saꞌ li ru takꞌa.

Hechos 21:11

Li cui̱nk aꞌan quicuulac chikilbal. Quixchap lix cꞌa̱mal xsaꞌ laj Pablo. Quixbacꞌ li rukꞌ ut li rok riqꞌuin. —Joꞌcaꞌin xcꞌut chicuu li Santil Musikꞌej, chan. —Laj e̱chal re li cꞌa̱mal saꞌ aꞌin ta̱baqꞌuekꞌ li rukꞌ ut li rok xbaneb laj judío aran Jerusalén ut ta̱kꞌaxtesi̱k saꞌ rukꞌeb li ma̱cuaꞌeb aj judío, chan.

Levítico 2:6

Tixjachi ut tixqꞌue li aceite chiru. Aꞌanak jun li mayej cꞌaj.

San Marcos 14:42

Cuaclinkex anakcuan, ut yoꞌkeb chixcꞌulbal li yo̱ chi cha̱lc chi kꞌaxtesi̱nc cue, chan.