San Juan 17:6 - Li Santil hu

⁶ Eb li xasiqꞌueb ru saꞌ ruchichꞌochꞌ xakꞌaxtesiheb cue. La̱in xincꞌut chiruheb chi tzꞌakal anihat la̱at ut xinchꞌolob lix ya̱lal chiruheb. Ut eb aꞌan xeꞌxba̱nu li cꞌaꞌru xaye reheb.

Q'eqchi Bible

⁶ “Xink'ut anihat laa'at chiruheb' li winq li xawisiheb' sa' ruuchich'och' ut xak'eheb' we. Aaweheb' naq xe'wank ut xak'eheb' we, ut xe'xk'uula laawaatin sa' xch'ooleb'.

San Juan 17:6 ပူးပေါင်းရင်းမြစ်များ

San Juan 17:26

La̱in xincꞌut chiruheb anihat la̱at ut toj tinchꞌolob cuiꞌchic chiruheb re nak teꞌrahok joꞌ nak niquina̱ra la̱at, ut la̱in tincua̱nk riqꞌuineb, chan li Jesús nak quitijoc.

1 Juan 5:20

Ut la̱o nakanau nak li Ralal li Dios quicꞌulun saꞌ ruchichꞌochꞌ. Quixqꞌue kanaꞌleb re xnaubal bar cuan li tzꞌakal Dios. Ut junajo chic riqꞌuin li tzꞌakal Dios xban nak xkapa̱b li Jesucristo li Ralal li Dios. Aꞌan li naqꞌuehoc ke li yuꞌam chi junelic.

San Juan 6:37

Chixjunileb li tixkꞌaxtesi cue li Yucuaꞌbej, tineꞌxpa̱b. Ut li ani napa̱ban cue, la̱in incꞌaꞌ tintzꞌekta̱na.

San Juan 17:24

At inYucuaꞌ, nintzꞌa̱ma cha̱cuu nak chixjunileb li xakꞌaxtesiheb cue teꞌcua̱nk cuiqꞌuin saꞌ li naꞌajej li tincua̱nk cuiꞌ la̱in. Nacuaj nak teꞌril lin lokꞌal li caqꞌue chak cue nak toj ma̱jiꞌ quiyi̱ba̱c li ruchichꞌochꞌ xban nak niquina̱ra.

San Juan 17:2

La̱at xatqꞌuehoc incuanquil saꞌ xbe̱n chixjunil re nak tinqꞌue li junelic yuꞌam reheb li xakꞌaxtesiheb cue.

2 Corintios 4:6

Nak toj kꞌojyi̱n chak ru li ruchichꞌochꞌ, li Dios quixye, “Chicua̱nk li cutan re xcutanobresinquil ru li ruchichꞌochꞌ.” Ut aꞌan ajcuiꞌ li nacutanobresin re li kacꞌaꞌux re nak naru takanau chanru lix lokꞌal li Dios. Ut li Jesucristo naxcꞌut chiku lix lokꞌal li Dios.

San Juan 15:19

Cui ta la̱ex incꞌaꞌ xine̱pa̱b la̱in, raro̱kex raj xbaneb li incꞌaꞌ nequeꞌpa̱ban. Abanan la̱ex ma̱cuaꞌex chic jun saꞌ xya̱nkeb xban nak la̱in xinsicꞌoc e̱ru. Joꞌcan nak xicꞌ nequex-ileꞌ xbaneb.

Apocalipsis 3:8

Aꞌan yo̱ chixyebal e̱re chi joꞌcaꞌin: La̱in ninnau chanru nak cuanquex. La̱in xinte li oqueba̱l che̱ru ut ma̱ ani naru ta̱tzꞌapok re. Ninnau nak incꞌaꞌ cau e̱rib. Abanan incꞌaꞌ xine̱tzꞌekta̱na. Junelic ban nequeba̱nu li cꞌaꞌru ninye.

Hebreos 3:6

Aban li Ka̱cuaꞌ Jesucristo, aꞌan tzꞌakal Ralal li Dios ut cuan xcuanquil chi takla̱nc saꞌ xbe̱neb li ralal xcꞌajol li Dios. La̱o li ralal xcꞌajol li Dios cui caꞌaj cuiꞌ riqꞌuin li Dios nocoyoꞌonin ut cauhak kachꞌo̱l saꞌ li kapa̱ba̱l toj saꞌ rosoꞌjic li cutan.

San Juan 15:7

Cui la̱ex cua̱nkex cuiqꞌuin ut te̱ba̱nu li cꞌaꞌru xinye e̱re, ta̱qꞌuehekꞌ e̱re chixjunil li cꞌaꞌru te̱tzꞌa̱ma.

Salmos 22:22

Tinserakꞌi la̱ cuesilal yalak bar reheb chixjunileb li cuech tenamitil. Tinqꞌue a̱lokꞌal chiruheb li nequeꞌxchꞌutub ribeb cha̱lokꞌoninquil.

Éxodo 9:16

Abanan la̱in incꞌaꞌ xinqꞌue li yajel aꞌan saꞌ e̱be̱n xban nak xcuaj xcꞌutbal lin cuanquil che̱ru. Ut re ajcuiꞌ nak te̱ye cuesilal saꞌ ruchichꞌochꞌ.

Apocalipsis 2:13

La̱in ninnau chanru nak cuanquex. La̱in ninnau nak cuan xcuanquil laj tza saꞌ li tenamit li cuanquex cuiꞌ. Abanan la̱ex toj yo̱quex chinlokꞌoninquil. Incꞌaꞌ xecanab inpa̱banquil usta quicamsi̱c laj Antipas xban nak quixye cuesilal aran saꞌ le̱ tenamit li cuan rubel xcuanquil laj tza.

Hebreos 2:12

Quixye chi joꞌcaꞌin: At inYucuaꞌ, tinchꞌolob a̱cuesilal chiruheb lin herma̱n. Saꞌ xya̱nkeb li chꞌutchꞌu̱queb tinbicha la̱ lokꞌal. (Sal. 22:22)

2 Timoteo 1:13

Chicua̱nk saꞌ a̱chꞌo̱l li tijleb li tzꞌakal ya̱l li xincꞌut cha̱cuu. Ut chicua̱nk la̱ pa̱ba̱l ut chatrahok xban nak rehat chic li Cristo.

Colosenses 3:16

Li ra̱tin li Cristo chicana̱k saꞌ e̱chꞌo̱l chi junelic re nak cua̱nk e̱naꞌleb. Chetzolak e̱rib che̱ribil e̱rib ut chetenkꞌa e̱rib che̱ribil e̱rib saꞌ le̱ pa̱ba̱l. Chexbicha̱nk re xlokꞌoninquil li Dios. Chexbicha̱nk joꞌ naxcꞌut che̱ru li Santil Musikꞌej ut junelic chexbantioxi̱nk chiru li Dios.

Romanos 11:2

Li Ka̱cuaꞌ Dios incꞌaꞌ quixtzꞌekta̱na lix tenamit, li quixsiqꞌueb ru junxil chokꞌ ralal xcꞌajol. ¿Ma incꞌaꞌ nequenau cꞌaꞌru tzꞌi̱banbil saꞌ li Santil Hu chirix laj Elías nak quitijoc chiru li Dios chixjitbaleb laj Israel? Quixye:

Hechos 13:48

Nak queꞌrabi li cꞌaꞌru quixye laj Pablo, li ma̱cuaꞌeb aj judío queꞌsahoꞌ saꞌ xchꞌo̱leb ut queꞌxqꞌue xcuanquil li ra̱tin li Dios. Queꞌpa̱ban li joꞌ qꞌuial li quixye li Dios nak ta̱cua̱nk xyuꞌameb chi junelic.

San Juan 18:9

Quixye chi joꞌcan re nak ta̱tzꞌaklok ru li quixye nak quitijoc: At inYucuaꞌ, ma̱ jun reheb li cakꞌaxtesiheb cue xsach chicuu.

San Juan 17:16

La̱in ma̱cuaꞌin xcomoneb li cuanqueb saꞌ ruchichꞌochꞌ. Joꞌcan ajcuiꞌ eb aꞌan. Ma̱cuaꞌeb chic xcomoneb li incꞌaꞌ nequeꞌpa̱ban.

San Juan 17:14

La̱in xinchꞌolob xya̱lal la̱ cua̱tin chiruheb. Joꞌcan nak xicꞌ nequeꞌileꞌ xbaneb li incꞌaꞌ nequeꞌpa̱ban. Xicꞌ nequeꞌileꞌ xban nak moco xcomoneb ta chic ut moco juntakꞌe̱t ta chic lix naꞌlebeb. Joꞌcan ajcuiꞌ la̱in. Moco la̱in ta xcomoneb li cuanqueb saꞌ ruchichꞌochꞌ.

San Juan 15:3

La̱ex chanchanex li cha̱bil rukꞌ li cheꞌ li nau̱chin chi nabal xban nak sabesinbil chic ru. La̱ex ac ti̱c chic le̱ yuꞌam xban lix ya̱lal xinchꞌolob che̱ru.

San Juan 12:28

At inYucuaꞌ, chinima̱k taxak la̱ lokꞌal, chan. Ut li Dios quia̱tinac chak saꞌ choxa ut quixye: —Ac xnima̱c inlokꞌal, ut ta̱nima̱k cuiꞌchic, chan li Dios.

San Juan 6:39

Li cꞌaꞌru naraj lin Yucuaꞌ li quitaklan chak cue, aꞌan nak ma̱ jun reheb li cualal incꞌajol li xkꞌaxtesi cue ta̱sachk chicuu. Tincuaclesiheb ban chicua̱nkeb xyuꞌam saꞌ rosoꞌjiqueb li cutan.

San Juan 1:18

Ma̱ ani qui-iloc ru li Dios. Caꞌaj cuiꞌ li Dios Cꞌajolbej, aꞌan tzꞌakal li cuan chi sum a̱tin riqꞌuin li Dios Acuabej. Ut aꞌan li quicꞌutbesin chiku chanru li Dios.

Proverbios 23:23

Li naꞌleb ut lix ya̱lal ut li kꞌusecꞌ kꞌaxal terto xtzꞌak. Me̱canab chi numecꞌ yal chi joꞌcan.

Proverbios 2:10

Se̱bak chic a̱chꞌo̱l xban nak cua̱nk chic a̱naꞌleb ut sahak chic a̱chꞌo̱l.

Salmos 119:11

Junelic ninqꞌue saꞌ inchꞌo̱l la̱ cua̱tin re nak incꞌaꞌ tinma̱cobk cha̱cuu.

1 Pedro 1:1

La̱in laj Pedro. La̱in x-apóstol li Ka̱cuaꞌ Jesucristo. Yo̱quin chi tzꞌi̱bac e̱riqꞌuin la̱ex, li xejeqꞌui e̱rib saꞌ li junju̱nk chi naꞌajej. Yal numecꞌ yo̱quex xban nak ma̱cuaꞌ e̱tenamit li cuanquex cuiꞌ, la̱ex li cuanquex saꞌ xcue̱nt Ponto, ut saꞌ xcue̱nt Galacia ut Capadocia, joꞌ ajcuiꞌ li cuanquex saꞌ xcue̱nt Asia ut Bitinia.

San Juan 8:51

Relic chi ya̱l ninye e̱re nak li ani tixba̱nu li cꞌaꞌru ninye, li jun aꞌan incꞌaꞌ ta̱ca̱mk, chan.

San Juan 8:52

Eb laj judío queꞌchakꞌoc ut queꞌxye: —Anakcuan nakanau chi tzꞌakal nak cuan ma̱us aj musikꞌej a̱cuiqꞌuin. Laj Abraham quicam ut queꞌcam ajcuiꞌ eb li profeta. Abanan la̱at nacaye nak li ani ta̱ba̱nu̱nk re li cꞌaꞌru nacaye incꞌaꞌ ta̱ca̱mk.

San Juan 17:7

Anakcuan nequeꞌxnau nak chixjunil li cꞌaꞌru xinba̱nu, la̱at xatqꞌuehoc cue chixba̱nunquil.

San Juan 17:12

Nak cuanquin saꞌ xya̱nkeb, riqꞌuin xnimal la̱ cuanquil xincuileb lin tzolom li xakꞌaxtesiheb cue ut ma̱ jun xsach chicuu. Caꞌaj cuiꞌ li jun xsach li ac qꞌuebil chak re sachc. Aꞌin xcꞌulman re nak ta̱tzꞌaklok ru li tzꞌi̱banbil saꞌ li Santil Hu.

Apocalipsis 3:10

La̱ex xecuy xba̱nunquil li xinye e̱re ut incꞌaꞌ xchꞌinan e̱chꞌo̱l saꞌ le̱ pa̱ba̱l. Joꞌcan nak la̱in tincolok e̱re saꞌ xkꞌehil nak ta̱cha̱lk li raylal saꞌ xbe̱neb chixjunileb li cuanqueb saꞌ ruchichꞌochꞌ.