San Juan 17:4 - Li Santil hu

⁴ La̱in xinqꞌue a̱lokꞌal arin saꞌ ruchichꞌochꞌ xban nak xinchoy xba̱nunquil li cꞌanjel li xaqꞌue cue re tinba̱nu.

Q'eqchi Bible

⁴ “Laa'in xinnima aaloq'al sa' ruuchich'och' rik'in xb'aanunkil chi tz'aqal li k'anjel xak'e chinb'aanu.

San Juan 17:4 ပူးပေါင်းရင်းမြစ်များ

San Juan 4:34

Li Jesús quixye reheb: —La̱in nasahoꞌ inchꞌo̱l nak ninba̱nu li cꞌaꞌru naraj li quitaklan chak cue ut tinchoy xba̱nunquil lix cꞌanjel. Aꞌan ru̱chil li cua chokꞌ cue la̱in, chan.

Hechos 20:24

Abanan la̱in ma̱cꞌaꞌ ninxucua, chi moco ninra lin yuꞌam chokꞌ cue injunes. Abanan nacuaj nak tinchoy lin cꞌanjel chi sa saꞌ inchꞌo̱l. Ut ninnau nak taklanbilin xban li Ka̱cuaꞌ Jesús chixyebal resil li evangelio li quixqꞌue li Dios xban li rusilal.

2 Timoteo 4:7

Xinyal inkꞌe chixba̱nunquil li cha̱bil cꞌanjel. Xinqꞌue inchꞌo̱l chixba̱nunquil chi tzꞌakal li tenebanbil saꞌ inbe̱n xba̱nunquil ut chi anchal inchꞌo̱l xinpa̱ban.

San Juan 19:30

Li Jesús quirucꞌ li vinagre ut quixye: —Anakcuan xtzꞌakloc ru chixjunil.— Quixxulub lix jolom ut quicam.

San Juan 14:31

La̱in yo̱quin chixba̱nunquil chixjunil li quixye cue lin Yucuaꞌ re nak chixjunileb li cuanqueb saꞌ ruchichꞌochꞌ teꞌxqꞌue retal nak la̱in ninra li Yucuaꞌbej. Anakcuan yoꞌkeb. E̱lko saꞌ li naꞌajej aꞌin, chan li Jesús.

San Juan 15:10

Cui te̱ba̱nu li cꞌaꞌru ninye e̱re, la̱in texinra junelic. La̱in xinba̱nu li cꞌaꞌru xye cue lin Yucuaꞌ ut aꞌan junelic niquinixra la̱in.

San Juan 14:13

Chixjunil li te̱tzꞌa̱ma saꞌ incꞌabaꞌ, la̱in tinqꞌue e̱re re nak ta̱nima̱k xlokꞌal li Yucuaꞌbej saꞌ incꞌabaꞌ la̱in.

San Juan 12:28

At inYucuaꞌ, chinima̱k taxak la̱ lokꞌal, chan. Ut li Dios quia̱tinac chak saꞌ choxa ut quixye: —Ac xnima̱c inlokꞌal, ut ta̱nima̱k cuiꞌchic, chan li Dios.

San Juan 9:3

Li Jesús quixye: —Ma̱ ani cuan xma̱c. Chi moco aꞌan, chi moco lix naꞌ xyucuaꞌ. Aꞌan xcꞌul chi joꞌcan yal re nak ta̱cꞌutbesi̱k lix cuanquilal li Dios.

San Juan 5:36

Li cꞌaꞌru quixchꞌolob laj Juan chicuix, aꞌan ya̱l. Abanan riqꞌuin li cꞌaꞌru ninba̱nu, kꞌaxal cuiꞌchic naxcꞌut chi tzꞌakal anihin la̱in. La̱in ninba̱nu li cꞌaꞌru quixye cue li Yucuaꞌbej. Li cꞌaꞌru ninba̱nu la̱in, aꞌan naxcꞌut nak taklanbilin xban li Yucuaꞌbej.

San Lucas 22:37

Relic chi ya̱l ninye e̱re nak tento ta̱tzꞌaklok ru li cꞌaꞌru tzꞌi̱banbil chicuix saꞌ li Santil Hu, li naxye chi joꞌcaꞌin: Quiqꞌueheꞌ saꞌ ajl saꞌ xya̱nkeb li incꞌaꞌ useb xnaꞌleb. Tento nak ta̱cꞌulma̱nk li cꞌaꞌru tzꞌi̱banbil retalil chicuix, chan.

San Juan 19:28

Chirix chic aꞌan quixnau li Jesús nak ac xtzꞌakloc ru chixjunil. Re nak ta̱tzꞌaklok ru li tzꞌi̱banbil saꞌ li Santil Hu, li Jesús quixye: —Ta̱chakik cue, chan.