San Juan 17:2 - Li Santil hu

² La̱at xatqꞌuehoc incuanquil saꞌ xbe̱n chixjunil re nak tinqꞌue li junelic yuꞌam reheb li xakꞌaxtesiheb cue.

Q'eqchi Bible

² ut, sa' xk'ab'a' li wankil aak'ehom re sa' xb'eeneb' chixjunil li yo'yookeb', tixk'e taxaq xjunelik yu'am chixjunileb' li xak'eheb' re.

San Juan 17:2 ပူးပေါင်းရင်းမြစ်များ

San Juan 6:39

Li cꞌaꞌru naraj lin Yucuaꞌ li quitaklan chak cue, aꞌan nak ma̱ jun reheb li cualal incꞌajol li xkꞌaxtesi cue ta̱sachk chicuu. Tincuaclesiheb ban chicua̱nkeb xyuꞌam saꞌ rosoꞌjiqueb li cutan.

San Juan 6:37

Chixjunileb li tixkꞌaxtesi cue li Yucuaꞌbej, tineꞌxpa̱b. Ut li ani napa̱ban cue, la̱in incꞌaꞌ tintzꞌekta̱na.

Daniel 7:14

Quiqꞌueheꞌ xcuanquilal ut xlokꞌal ut quiqꞌueheꞌ xcuanquil chi takla̱nc re nak chixjunileb li tenamit teꞌcꞌanjelak chiru aꞌ yal chanru li ra̱tinoba̱leb. Ut lix lokꞌal ut lix cuanquilal li jun aꞌan incꞌaꞌ ta̱osokꞌ. Cua̱nk ban chi junelic.

San Juan 17:24

At inYucuaꞌ, nintzꞌa̱ma cha̱cuu nak chixjunileb li xakꞌaxtesiheb cue teꞌcua̱nk cuiqꞌuin saꞌ li naꞌajej li tincua̱nk cuiꞌ la̱in. Nacuaj nak teꞌril lin lokꞌal li caqꞌue chak cue nak toj ma̱jiꞌ quiyi̱ba̱c li ruchichꞌochꞌ xban nak niquina̱ra.

San Mateo 28:18

Li Jesús quinachꞌoc riqꞌuineb ut quixye reheb: —Chixjunil li cuanquil qꞌuebil cue xban li Dios, joꞌ saꞌ choxa joꞌ saꞌ ruchichꞌochꞌ.

1 Juan 5:20

Ut la̱o nakanau nak li Ralal li Dios quicꞌulun saꞌ ruchichꞌochꞌ. Quixqꞌue kanaꞌleb re xnaubal bar cuan li tzꞌakal Dios. Ut junajo chic riqꞌuin li tzꞌakal Dios xban nak xkapa̱b li Jesucristo li Ralal li Dios. Aꞌan li naqꞌuehoc ke li yuꞌam chi junelic.

San Juan 17:9

La̱in incꞌaꞌ yo̱quin chixtzꞌa̱manquil a̱cue nak ta̱tenkꞌaheb li incꞌaꞌ xineꞌxpa̱b. Yo̱quin ban chixtzꞌa̱manquil cha̱cuu nak ta̱tenkꞌaheb lin tzolom li xakꞌaxtesiheb cue xban nak aꞌaneb la̱ cualal a̱cꞌajol.

San Juan 17:6

Eb li xasiqꞌueb ru saꞌ ruchichꞌochꞌ xakꞌaxtesiheb cue. La̱in xincꞌut chiruheb chi tzꞌakal anihat la̱at ut xinchꞌolob lix ya̱lal chiruheb. Ut eb aꞌan xeꞌxba̱nu li cꞌaꞌru xaye reheb.

San Juan 4:14

Aꞌut li teꞌucꞌak re li haꞌ tinqꞌue la̱in, ma̱ jokꞌe chic ta̱chakik reheb. Li haꞌ li tinqꞌue la̱in jalan cuiꞌ. Aꞌan li junelic yuꞌam. Chanchan jun li yuꞌam haꞌ li cuan chi junelic. Ma̱cꞌaꞌ rosoꞌjic, chan li Jesús.

San Juan 3:35

Li Acuabej Dios naxra li Ralal ut quixkꞌaxtesi chixjunil saꞌ rukꞌ aꞌan, ut aꞌan chic yal re saꞌ xbe̱n.

1 Juan 2:25

Li yuꞌam ma̱cꞌaꞌ rosoꞌjic, aꞌan li naxyechiꞌi ke li Jesucristo.

1 Pedro 3:22

Li Jesucristo, aꞌan quitakeꞌ saꞌ choxa ut anakcuan cuan saꞌ xnim ukꞌ li Dios Acuabej xban nak kꞌaxal nim lix cuanquil. Li Cristo cuan xcuanquil saꞌ xbe̱neb li ángel. Ut cuan ajcuiꞌ xcuanquil saꞌ xbe̱neb chixjunileb li musikꞌej li cuanqueb xcuanquil.

Hebreos 1:2

Aban anakcuan ma̱cuaꞌeb chic li profeta nequeꞌyehoc re li ra̱tin li Dios. Aꞌ chic li Dios Cꞌajolbej. Saꞌ xcꞌabaꞌ aꞌan, li Dios quixyi̱b li ruchichꞌochꞌ ut chixjunil li cꞌaꞌak re ru cuan. Chixjunil li quixyi̱b quicana saꞌ rukꞌ li Dios Cꞌajolbej.

San Mateo 11:27

Ut quixye reheb li tenamit: —Chixjunil li cꞌaꞌak re ru xkꞌaxtesi saꞌ cuukꞌ lin Yucuaꞌ. Ma̱ ani nanaꞌoc cuu la̱in li Cꞌajolbej, caꞌaj cuiꞌ li Acuabej Dios. Ma̱ ani nanaꞌoc ru li Acuabej Dios, caꞌaj cuiꞌ la̱in li Cꞌajolbej. Ut ta̱naꞌekꞌ ajcuiꞌ ru xbaneb li ani tincꞌut cuiꞌ lix ya̱lal, la̱in li Cꞌajolbej.

San Judas 1:21

Chenauhak nak nequexra li Dios ut incꞌaꞌ chicuiba̱nk e̱chꞌo̱l. Cheroybenihak nak tol-e̱lk li Ka̱cuaꞌ Jesucristo ut riqꞌuin lix nimal ruxta̱n tixqꞌue le̱ yuꞌam chi junelic.

1 Juan 1:2

Quicꞌutbesi̱c chiku li naqꞌuehoc yuꞌam. Quikil ru aꞌan. Joꞌcan nak nakachꞌolob xya̱lal che̱ru chirix aꞌan, li naqꞌuehoc yuꞌam chi junelic. Aꞌan li cuan chak riqꞌuin li Acuabej Dios. Aꞌan quixcꞌutbesi rib chiku.

1 Timoteo 1:16

Usta la̱in kꞌaxalin aj ma̱c nak quincuan, abanan li Jesucristo quiruxta̱na cuu re nak tixcꞌutbesi nak kꞌaxal nim lix cuyum re xcuybal xsachbal li ma̱c. Quixcꞌut chiruheb lix nimal lix cuyum nak quixcuy inma̱c la̱in. Aꞌan quiraj nak la̱in tincꞌamok be chiruheb li ani teꞌpa̱ba̱nk re li Jesucristo ut teꞌxcꞌul li junelic yuꞌam.

Filipenses 2:10

Li Dios quixba̱nu aꞌan re nak chixjunileb teꞌxcuikꞌib rib chixlokꞌoninquil li Ka̱cuaꞌ Jesucristo nak teꞌrabi lix cꞌabaꞌ. Teꞌxcuikꞌib ribeb chixlokꞌoninquil chixjunileb li cuanqueb saꞌ choxa ut li cuanqueb saꞌ ruchichꞌochꞌ joꞌqueb ajcuiꞌ li camenakeb.

Efesios 1:20

Ut aꞌan ajcuiꞌ lix nimal xcuanquil li quicuaclesin re li Cristo chi yoꞌyo saꞌ xya̱nkeb li camenak ut quixcꞌojob saꞌ xnim ukꞌ li Dios aran saꞌ li santil choxa ut quixqꞌue xcuanquil.

1 Corintios 15:25

Li Cristo cua̱nk xcuanquil chi takla̱nc toj retal tixqꞌueheb rubel rok chixjunileb li xicꞌ nequeꞌiloc re.

Romanos 6:23

Lix tojbal rix li ma̱c, aꞌan li ca̱mc. Aban li ma̱tan naxqꞌue ke li Dios, aꞌan li junelic yuꞌam saꞌ xcꞌabaꞌ li Ka̱cuaꞌ Jesucristo laj Colol ke.

Salmos 110:1

Li Dios quixye re li Ka̱cuaꞌ: —Tatcꞌojla̱k saꞌ innim ukꞌ toj retal tincanabeb rubel la̱ cuok li xicꞌ nequeꞌiloc a̱cue, chan.

San Juan 6:27

Mixic e̱chꞌo̱l caꞌaj cuiꞌ riqꞌuin xsicꞌbal li tzacae̱mk li na-osoꞌ. Cheqꞌuehak ban e̱chꞌo̱l chixsicꞌbal li tzacae̱mk li incꞌaꞌ nalaj na-osoꞌ. Aꞌan li junelic yuꞌam li ninqꞌue la̱in li Cꞌajolbej. Aꞌan aj e nak quixqꞌue incuanquil ut quinixtakla chak li Yucuaꞌbej, chan li Jesús.

San Mateo 25:46

Ut eb aꞌan teꞌxic saꞌ li tojba ma̱c chi junelic. Abanan li ti̱queb xchꞌo̱l cua̱nkeb xyuꞌam chi junelic.—