San Juan 17:17 - Li Santil hu

¹⁷ Chasantobresiheb taxak riqꞌuin la̱ cua̱tin, xban nak aꞌan li tzꞌakal ya̱l.

Q'eqchi Bible

¹⁷ Chasantob'resiheb' rik'in li yaal: laawaatin a'an li yaal.

San Juan 17:17 ပူးပေါင်းရင်းမြစ်များ

San Juan 15:3

La̱ex chanchanex li cha̱bil rukꞌ li cheꞌ li nau̱chin chi nabal xban nak sabesinbil chic ru. La̱ex ac ti̱c chic le̱ yuꞌam xban lix ya̱lal xinchꞌolob che̱ru.

Salmos 119:160

Chixjunil la̱ cua̱tin li tzꞌi̱banbil saꞌ la̱ chakꞌrab, aꞌan tzꞌakal ya̱l, ti̱c ut cuan chi junelic.

Efesios 5:26

Li Jesucristo quixmayeja rib re xsantobresinquileb laj pa̱banel riqꞌuin nak teꞌxcꞌul li cubi haꞌ saꞌ xcꞌabaꞌ li Cristo ut riqꞌuin li ra̱tin li Dios.

San Juan 17:19

Saꞌ xcꞌabaꞌ eb aꞌan xinkꞌaxtesi cuib la̱in chixba̱nunquil li cꞌaꞌru xaye cue. Ut saꞌ xcꞌabaꞌ li ya̱l li xinye eb aꞌan teꞌxkꞌaxtesi ajcuiꞌ ribeb chixba̱nunquil li cꞌaꞌru nacacuaj.

San Juan 8:32

Te̱nau chic lix ya̱lal. Ut nak acak xenau chic lix ya̱lal, libre chic cua̱nkex, chan.

Santiago 1:21

Joꞌcan ut nak checanabak xba̱nunquil li cꞌaꞌru incꞌaꞌ us ut chixjunil li ma̱usilal. Ut checꞌulak saꞌ xya̱lal li ra̱tin li Dios li qꞌuebil e̱re. Chicana̱k saꞌ e̱chꞌo̱l xban nak li ra̱tin cuan xcuanquil re e̱colbal.

2 Ts 2:13

Ex inherma̱n, tento nak la̱o tobantioxi̱nk chiru li Dios che̱rix la̱ex. Raro̱quex xban li Ka̱cuaꞌ Jesucristo. Li Dios quisicꞌoc chak e̱ru chalen chak saꞌ xticlajic re nak texcolekꞌ xban nak santobresinbilex chic xban li Santil Musikꞌej ut xban nak nequepa̱b li ya̱l.

Salmos 119:11

Junelic ninqꞌue saꞌ inchꞌo̱l la̱ cua̱tin re nak incꞌaꞌ tinma̱cobk cha̱cuu.

Efesios 4:21

La̱ex xerabi li quixye li Cristo ut xetzol lix ya̱lal li quixcꞌut che̱ru.

Salmos 119:9

At inDios, ¿chanru nak ta̱ru̱k teꞌcua̱nk saꞌ ti̱quilal cha̱cuu li toj sa̱jeb? Naru nequeꞌcuan saꞌ ti̱quilal riqꞌuin xba̱nunquil li cꞌaꞌru naxye la̱ cua̱tin.

Salmos 119:104

Riqꞌuin xtzolbal la̱ cua̱tin nintau innaꞌleb ut xicꞌ nacuil li ma̱usilal.

Salmos 12:6

Li ra̱tin li Dios, aꞌan ya̱l ut tzꞌakal re ru. Chanchan li plata sakobresinbil ru cuukub sut saꞌ li xam.

San Lucas 8:15

Ut li iyaj li quitꞌaneꞌ saꞌ cha̱bil chꞌochꞌ, aꞌan retalileb li nequeꞌabin re li ra̱tin li Dios. Nequeꞌxpa̱b li ra̱tin chi anchaleb xchꞌo̱l ut nequeꞌqꞌui saꞌ xpa̱ba̱leb, chan li Jesús.

2 Samuel 7:28

At Ka̱cuaꞌ, la̱at li nimajcual Dios. Ut la̱ cua̱tin tzꞌakal ya̱l. La̱at xatyechiꞌin li usilal aꞌin cue la̱in laj cꞌanjel cha̱cuu.

2 Corintios 3:18

La̱o aj pa̱banel moco tzꞌaptzꞌo ta li kiloba̱l riqꞌuin tꞌicr re xtzꞌapbal xlokꞌal li Dios joꞌ quixba̱nu laj Moisés. Chanchano ban jun lem nak nakacꞌut xlokꞌal li Ka̱cuaꞌ. Ut li Ka̱cuaꞌ aꞌan ajcuiꞌ li Santil Musikꞌej li nocoxjalanobresi ut naxqꞌue kalokꞌal re nak yo̱ko xcꞌutbal xlokꞌal li Cristo.

Hechos 15:9

Moco jalan ta chic li colba-ib li xqꞌue ke la̱o chiru li xqꞌue reheb aꞌan. Quixcuy quixsach lix ma̱queb xban nak xeꞌpa̱ban.

San Lucas 8:11

Aꞌan aꞌin lix ya̱lal li jaljo̱quil ru a̱tin li xinye. Li iyaj, aꞌan retalil li ra̱tin li Dios.

San Juan 8:40

Abanan la̱ex te̱raj incamsinquil xban nak la̱in xinye e̱re lix ya̱lal joꞌ quicꞌutbesi̱c chicuu xban li Dios Acuabej. Laj Abraham incꞌaꞌ quixba̱nu joꞌ yo̱quex la̱ex.

Salmos 119:144

Chixjunil li cꞌaꞌru naxye la̱ chakꞌrab kꞌaxal ti̱c ut cuan chi junelic. Chaqꞌue taxak innaꞌleb re nak ta̱cua̱nk inyuꞌam.