San Juan 17:11 - Li Santil hu

¹¹ Anakcuan la̱in tinxic a̱cuiqꞌuin. Incꞌaꞌ chic tincua̱nk saꞌ ruchichꞌochꞌ. Abanan eb aꞌan toj teꞌcua̱nk saꞌ ruchichꞌochꞌ. At inYucuaꞌ, la̱at Santo. Chacuileb taxak riqꞌuin lix nimal la̱ cuanquilal li xakꞌaxtesiheb cue re nak junajak ruheb joꞌ la̱at ut la̱in junaj ku.

Q'eqchi Bible

¹¹ “Ink'a' chik tinwanq sa' li ruuchich'och', a'ut eb' a'an wankeb' sa' ruuchich'och', ut laa'in xik we aawik'in. At inSantil Yuwa', rik'in xwankil laak'ab'a' chawileb' li xak'eheb' we, re naq junaqeb' a'an jo' naq juno laa'o chiqib'il.

San Juan 17:11 ပူးပေါင်းရင်းမြစ်များ

San Mateo 6:9

Ut la̱ex joꞌcaꞌin nak textijok: At Ka̱cuaꞌ, cuancat saꞌ li santil choxa, lokꞌoninbilak taxak la̱ santil cꞌabaꞌ.

Proverbios 18:10

Kꞌaxal lokꞌ xcꞌabaꞌ li Ka̱cuaꞌ ut kꞌaxal nim xcuanquil. Caꞌaj cuiꞌ riqꞌuin aꞌan nequeꞌxic chixsicꞌbal lix colbaleb li ti̱queb xchꞌo̱l.

Hebreos 9:24

Li Cristo incꞌaꞌ nacꞌanjelac saꞌ junak tabernáculo yi̱banbil xbaneb li cui̱nk. Nacꞌanjelac ban saꞌ choxa. Li tabernáculo quicuan, aꞌan yal retalil li choxa. Li Jesucristo co̱ saꞌ choxa ut anakcuan aran yo̱ chi jaloc a̱tin chikix chiru li Dios.

Efesios 4:4

La̱o li ralal xcꞌajol li Dios chanchan nak jun chi tzꞌejcualej nak cuanco ut jun ajcuiꞌ li Santil Musikꞌej naberesin ke. Jun ajcuiꞌ li kama̱tan li nakayoꞌoni saꞌ comonil, la̱o li sicꞌbil ku.

Filipenses 2:9

Ut xban nak quixba̱nu chi joꞌcan, li Dios quixqꞌue xnimal xlokꞌal. “Ka̱cuaꞌ” quixqꞌue chokꞌ xcꞌabaꞌ xban nak aꞌan li kꞌaxal lokꞌ ut li kꞌaxal nim xcuanquil.

San Juan 17:25

At inYucuaꞌ, la̱at ti̱c a̱chꞌo̱l. Eb li incꞌaꞌ nequeꞌpa̱ban incꞌaꞌ nequeꞌxnau a̱cuu. Abanan la̱in ninnau a̱cuu ut eb lin tzolom nequeꞌxnau chic nak la̱at xattaklan chak cue.

San Juan 13:1

Ac cuulajak naticla li ninkꞌe Pascua. Li Jesús ac naxnau nak cuulac re xkꞌehil lix camic re nak ta̱xic cuiꞌchic riqꞌuin lix Yucuaꞌ saꞌ choxa. Junelic naxraheb li ralal xcꞌajol li teꞌcana̱k saꞌ ruchichꞌochꞌ ut nak ac ca̱mc re quixcꞌutbesi chi tzꞌakal lix rahom chiruheb.

Hebreos 1:3

Li Ralal li Dios, aꞌan nacutanobresin re lix lokꞌal li Acuabej Dios. Ut aꞌan ajcuiꞌ nacꞌutuc chiku chanru lix naꞌleb. Li Ralal li Dios, aꞌan nacu̱tun re li ruchichꞌochꞌ riqꞌuin lix cuanquilal li ra̱tin xban nak aꞌan yal re saꞌ xbe̱n li ruchichꞌochꞌ. Ut nak ac xmayeja rib re risinquil li kama̱c, li Ralal li Dios co̱ saꞌ choxa ut quicꞌojla saꞌ xnim ukꞌ li Dios Acuabej, li kꞌaxal nim xcuanquil.

San Juan 16:33

Xinye e̱re li cꞌaꞌak re ru aꞌin re nak texcua̱nk cuiqꞌuin ut ta̱cua̱nk e̱riqꞌuin li tuktu̱quilal. Saꞌ li ruchichꞌochꞌ te̱cꞌul li raylal. Abanan cacuubresihomak le̱ chꞌo̱l xban nak la̱in ac xinnumta saꞌ xbe̱n li nataklan saꞌ ruchichꞌochꞌ, chan li Jesús reheb lix tzolom.

San Juan 14:20

Toj saꞌ li cutan aꞌan la̱ex te̱qꞌue retal nak li Yucuaꞌbej cuan cuiqꞌuin ut la̱in cuanquin riqꞌuin aꞌan. Junaj ku chi kibil kib. Ut la̱ex cua̱nkex cuiqꞌuin ut la̱in cua̱nkin e̱riqꞌuin.

San Judas 1:1

La̱in laj Judas, laj cꞌanjel chiru li Jesucristo. La̱in ri̱tzꞌin laj Jacobo. Nintzꞌi̱ba li hu aꞌin reheb laj pa̱banel, li bokbileb ut raro̱queb xban li Dios Acuabej ut colbileb xban li Jesucristo.

1 Juan 5:19

Ut nakanau nak la̱o ralal xcꞌajol li Dios. Abanan li jun chꞌol chic li ma̱jiꞌ nequeꞌpa̱ban re li Dios, eb aꞌan cuanqueb rubel xcuanquil laj tza.

Santiago 4:4

La̱ex chanchanex li nequeꞌxmux ru lix sumlajic xban nak la̱ex nequera ru li ma̱c. Ma̱cuaꞌ li Dios nequecꞌoxla. Cui la̱ex nequera ru li cua̱nc saꞌ lix ma̱usilal li ruchichꞌochꞌ xicꞌ yo̱quex chirilbal li Dios.

Hechos 3:21

Abanan tento nak cua̱nk chak aran saꞌ choxa toj ta̱cuulak xkꞌehil nak ta̱tzꞌaklok ru chixjunil joꞌ queꞌxchꞌolob xya̱lal li santil profeta junxilaj joꞌ quiyeheꞌ reheb xban li Dios.

San Juan 13:3

Li Jesús naxnau nak qꞌuebil re lix cuanquil xban li Dios ut aꞌan yal re saꞌ xbe̱n chixjunil. Naxnau nak riqꞌuin li Dios quichal chak ut riqꞌuin ajcuiꞌ li Dios ta̱xic.

Isaías 64:2

Cuben chak ut cꞌut la̱ cuanquil chiruheb li xicꞌ nequeꞌiloc a̱cue. Ut eb li xni̱nkal ru tenamit sicsotkeb teꞌcana̱k cha̱cuu. Chanchan nak naloch li xam ut nacuokxin li haꞌ xban xtikcual.

Salmos 79:9

At Dios, la̱at aj Colol ke. Choa̱tenkꞌa taxak ut choa̱col. Chacuy chasach taxak li kama̱c re nak ta̱qꞌuehekꞌ a̱lokꞌal.

Apocalipsis 4:8

Cuan cuakitk xiqꞌueb li junju̱nk. Nabal li xnakꞌeb ru cuan xcaꞌ pacꞌalil. Chi kꞌek chi cutan yo̱queb chixyebal: Santo, santo, santo. Lokꞌoninbil taxak ru li Ka̱cuaꞌ Dios li kꞌaxal nim xcuanquil, li ac cuan ajcuiꞌ chak saꞌ xticlajic, li cuan anakcuan ut li cua̱nk chi junelic.

1 Pedro 1:5

Xban nak nocopa̱ban, li Dios li kꞌaxal nim xcuanquil nocoril chi junelic re nak tocolekꞌ. Li colba-ib aꞌin ta̱cꞌutbesi̱k chi tzꞌakal re ru saꞌ rosoꞌjic li cutan.

Gálatas 3:28

Anakcuan ut moco jalan ta chic laj griego chiruheb laj judío, chi moco jalan ta li mo̱s chiru li patrón, chi moco jalan ta li cui̱nk, chi moco jalan ta li ixk. Junaj ban chic ku saꞌ xcꞌabaꞌ li Jesucristo.

1 Corintios 1:10

Ex inherma̱n, saꞌ xcꞌabaꞌ li Ka̱cuaꞌ Jesucristo nintzꞌa̱ma che̱ru nak junajak le̱ naꞌleb. Ma̱cꞌaꞌak li jachoc ib saꞌ e̱ya̱nk. Junajak ban le̱ cꞌaꞌux ut junajak le̱ chꞌo̱l.

Romanos 12:5

Joꞌcan ajcuiꞌ la̱o aj pa̱banel. Junajo chi tzꞌejcualej nak cuanco riqꞌuin li Cristo. Nabalo, abanan junajo saꞌ li kapa̱ba̱l. Ut chikajunilo kachaꞌal kib chi kibil kib.

Romanos 9:17

Joꞌcaꞌin nak tzꞌi̱banbil saꞌ li Santil Hu li a̱tin li quixye li Dios re laj faraón: Xatinxakab chokꞌ xreyeb laj Egipto re nak ta̱cꞌutu̱nk lin cuanquilal a̱ban. Chi joꞌcan ta̱yema̱nk cuesilal yalak bar saꞌ chixjunil li ruchichꞌochꞌ. (Ex. 9:16)

San Juan 16:28

La̱in riqꞌuin lin Yucuaꞌ xinchal chak. Ut anakcuan tincanab li ruchichꞌochꞌ ut tinxic cuiꞌchic riqꞌuin lin Yucuaꞌ, chan li Jesús.

San Juan 7:33

Li Jesús quixye reheb: —Toj ma̱jiꞌ tine̱chap. Toj tincua̱nk chic caꞌchꞌinak saꞌ e̱ya̱nk, tojoꞌnak tinsukꞌi̱k cuiꞌchic riqꞌuin li quitaklan chak cue.

San Mateo 10:16

Chenauhak nak la̱in tintakla̱nk e̱re saꞌ xya̱nkeb li xicꞌ nequeꞌiloc e̱re. Chanchanakex li carner saꞌ xya̱nkeb laj xoj. Se̱bak e̱chꞌo̱l joꞌcakex li cꞌantiꞌ ut ti̱cak e̱chꞌo̱l joꞌcakex li paloma.

San Mateo 5:48

Ti̱cak biꞌ e̱chꞌo̱l joꞌ le̱ Yucuaꞌ li cuan saꞌ li choxa ti̱c xchꞌo̱l.

Ezequiel 20:44

La̱ex aj Israel te̱qꞌue retal nak la̱in li Ka̱cuaꞌ ninba̱nu usilal e̱re. Ma̱cuaꞌ xban nak cha̱bilex nak ninba̱nu usilal e̱re. Xeba̱nu ban li ma̱usilal. Ninba̱nu usilal e̱re re nak ta̱qꞌuehekꞌ xlokꞌal lin cꞌabaꞌ, chan li nimajcual Dios.

Ezequiel 20:22

Abanan incꞌaꞌ quinsach ruheb nak incꞌaꞌ quicuaj nak ta̱isi̱k xlokꞌal lin cꞌabaꞌ chiruheb li xni̱nkal ru tenamit li queꞌiloc re nak quicuisiheb chak laj Israel Egipto.

Ezequiel 20:9

Abanan incꞌaꞌ quinba̱nu xban nak chiruheb laj Egipto la̱in quinye reheb laj Israel nak tincuisiheb Egipto. Incꞌaꞌ quicuaj nak ta̱isi̱k lin lokꞌal.

Jeremías 14:21

Saꞌ xcꞌabaꞌ la̱ rahom, at Ka̱cuaꞌ, moa̱tzꞌekta̱na. Ut ma̱cꞌut xxuta̱n la̱ tenamit li cuan cuiꞌ la̱ lokꞌlaj cꞌojariba̱l. Ma̱cuisi xcuanquil li contrato li caba̱nu kiqꞌuin. Incꞌaꞌ taxak chisachk saꞌ a̱chꞌo̱l.

Jeremías 14:7

Eb li tenamit nequeꞌxye: —Usta ya̱l nak cuan kama̱c ut aꞌan li najitoc ke, abanan choa̱tenkꞌa, at Ka̱cuaꞌ, saꞌ xcꞌabaꞌ la̱ rahom. Nabal sut xatkatzꞌekta̱na ut xoma̱cob cha̱cuu.

Isaías 27:3

Eb laj Israel, aꞌaneb lix naꞌaj lin uvas. La̱in li Ka̱cuaꞌ nin-iloc reheb. Chanchan nintꞌakresi nak nacuileb. Nequeꞌcuil chi kꞌek chi cutan re nak ma̱cꞌaꞌ teꞌxcꞌul.

Apocalipsis 19:12

Lix nakꞌ ru chanchan xam. Nabal li corona cuan saꞌ xjolom ut tzꞌi̱banbil lix cꞌabaꞌ chiru. Abanan ma̱ ani nataꞌoc ru. Caꞌaj cuiꞌ aꞌan.

Apocalipsis 15:4

¿Ma cuan ta biꞌ junak incꞌaꞌ tixxucua a̱cuu? Chixjunileb teꞌxnima a̱cuu, at Ka̱cuaꞌ, xban nak caꞌaj cuiꞌ la̱at ti̱c a̱chꞌo̱l. Chixjunileb li cuanqueb saꞌ li xni̱nkal ru tenamit teꞌcha̱lk ut teꞌxcuikꞌib ribeb cha̱cuu ut tateꞌxlokꞌoni xban nak teꞌxqꞌue retal nak la̱at tatrakok a̱tin saꞌ ti̱quilal.

San Judas 1:24

Ut anakcuan lokꞌoninbil taxak li nimajcual Dios. Aꞌan kꞌaxal nim xcuanquil che̱colbal re nak incꞌaꞌ texma̱cobk. Nim ajcuiꞌ xcuanquil che̱kꞌaxtesinquil saꞌ xnimal xlokꞌal li Dios chi ma̱cꞌaꞌak e̱ma̱c ut chi sa saꞌ e̱chꞌo̱l.

1 Juan 3:12

Mikata̱ke xnaꞌleb laj Caín xban nak aꞌan re laj tza. Aꞌan quixcamsi li ri̱tzꞌin. ¿Cꞌaꞌut nak quixcamsi li ri̱tzꞌin? Xban nak ti̱c xchꞌo̱l li ri̱tzꞌin chiru li Dios ut laj Caín junes ma̱usilal naxba̱nu.

San Juan 17:6

Eb li xasiqꞌueb ru saꞌ ruchichꞌochꞌ xakꞌaxtesiheb cue. La̱in xincꞌut chiruheb chi tzꞌakal anihat la̱at ut xinchꞌolob lix ya̱lal chiruheb. Ut eb aꞌan xeꞌxba̱nu li cꞌaꞌru xaye reheb.

San Juan 17:23

La̱in cua̱nkin riqꞌuineb ut la̱at cua̱nkat cuiqꞌuin re nak junajak chic ruheb chi tzꞌakal kiqꞌuin. Ut xban nak junajak chic ruheb kiqꞌuin, eb li incꞌaꞌ nequeꞌpa̱ban teꞌxqꞌue retal nak la̱at xattaklan chak cue ut teꞌxqꞌue ajcuiꞌ retal nak la̱at nacaraheb joꞌ nak niquina̱ra la̱in.