San Juan 16:5 - Li Santil hu

⁵ Li Jesús quixye ajcuiꞌ: —Anakcuan xic cuiꞌchic cue riqꞌuin li quitaklan chak cue. Ut ma̱ jun e̱re napatzꞌoc cue bar xic cue.

Q'eqchi Bible

⁵ A'ut anaqwan xik we rik'in li kitaqlank chaq we ut maajun eere napatz'ok we: «B'ar xik aawe?».

San Juan 16:5 ပူးပေါင်းရင်းမြစ်များ

San Juan 13:36

Laj Simón Pedro quixpatzꞌ re: —At tzolonel, ¿bar xic a̱cue?— Li Jesús quixye re: —Anakcuan incꞌaꞌ naru texxic chicuix bar tinxic cuiꞌ la̱in. Abanan mokon naru texxic li bar xic cuiꞌ cue, chan.

San Juan 7:33

Li Jesús quixye reheb: —Toj ma̱jiꞌ tine̱chap. Toj tincua̱nk chic caꞌchꞌinak saꞌ e̱ya̱nk, tojoꞌnak tinsukꞌi̱k cuiꞌchic riqꞌuin li quitaklan chak cue.

San Juan 16:28

La̱in riqꞌuin lin Yucuaꞌ xinchal chak. Ut anakcuan tincanab li ruchichꞌochꞌ ut tinxic cuiꞌchic riqꞌuin lin Yucuaꞌ, chan li Jesús.

San Juan 17:4

La̱in xinqꞌue a̱lokꞌal arin saꞌ ruchichꞌochꞌ xban nak xinchoy xba̱nunquil li cꞌanjel li xaqꞌue cue re tinba̱nu.

San Juan 16:10

Incꞌaꞌ nequeꞌxtau ru cꞌaꞌru li ti̱quilal. Cui ta queꞌxtau ru teꞌxnau raj nak la̱in ti̱c inchꞌo̱l. Xban nak ti̱c inchꞌo̱l, tinxic riqꞌuin li Dios ut incꞌaꞌ chic te̱ril cuu.

Hebreos 12:2

Kaqꞌuehak kachꞌo̱l chixta̱kenquil li Jesucristo laj cꞌamol be chiku. Aꞌan naqꞌuehoc re li kapa̱ba̱l ut naxtzꞌakobresi ru. Usta xuta̱nal li ca̱mc quixcꞌul chiru li cruz, abanan incꞌaꞌ quixqꞌue saꞌ xchꞌo̱l. Ut quixcuy li raylal saꞌ kacꞌabaꞌ la̱o xban nak lix sahilal xchꞌo̱l quiqꞌueheꞌ re mokon. Ut anakcuan cuan saꞌ choxa saꞌ xnim ukꞌ li Dios.

Hebreos 1:3

Li Ralal li Dios, aꞌan nacutanobresin re lix lokꞌal li Acuabej Dios. Ut aꞌan ajcuiꞌ nacꞌutuc chiku chanru lix naꞌleb. Li Ralal li Dios, aꞌan nacu̱tun re li ruchichꞌochꞌ riqꞌuin lix cuanquilal li ra̱tin xban nak aꞌan yal re saꞌ xbe̱n li ruchichꞌochꞌ. Ut nak ac xmayeja rib re risinquil li kama̱c, li Ralal li Dios co̱ saꞌ choxa ut quicꞌojla saꞌ xnim ukꞌ li Dios Acuabej, li kꞌaxal nim xcuanquil.

San Juan 13:3

Li Jesús naxnau nak qꞌuebil re lix cuanquil xban li Dios ut aꞌan yal re saꞌ xbe̱n chixjunil. Naxnau nak riqꞌuin li Dios quichal chak ut riqꞌuin ajcuiꞌ li Dios ta̱xic.

San Juan 16:16

Chi se̱b incꞌaꞌ chic te̱ril cuu. Abanan mokon chic te̱ril cuiꞌchic cuu, chan li Jesús.

San Juan 14:28

Ac xinye e̱re nak tinxic, ut tincha̱lk cuiꞌchic. Cui ya̱l nak niquine̱ra, ta̱sahokꞌ raj saꞌ e̱chꞌo̱l nak tinxic riqꞌuin lin Yucuaꞌ, xban nak aꞌan kꞌaxal nim xcuanquil chicuu la̱in.

San Juan 6:62

¿Ma ra xerecꞌa nak xinye e̱re chi joꞌcan? ¿Cꞌaꞌ raj ru te̱ba̱nu nak te̱ril nak la̱in li Cꞌajolbej yo̱kin cuiꞌchic chi xic saꞌ choxa li xincuan cuiꞌ chak junxil?

San Juan 17:13

Anakcuan xic cue a̱cuiqꞌuin. Abanan yo̱quin chixyebal li cꞌaꞌak re ru aꞌin nak toj cuanquin saꞌ ruchichꞌochꞌ re nak ta̱cua̱nk xsahil xchꞌo̱leb aꞌan joꞌ li xsahil inchꞌo̱l la̱in.

San Juan 16:17

Cuanqueb lix tzolom yo̱queb chixyebal chi ribileb rib: —¿Cꞌaꞌru xya̱lal nak xye ke nak ta̱xic riqꞌuin lix yucuaꞌ? ¿Cꞌaꞌut nak xye ke nak chi se̱b incꞌaꞌ chic takil ru ut mokon chic takil cuiꞌchic ru?