San Juan 16:32 - Li Santil hu

³² Xcuulac xkꞌehil, ut anakcuan ajcuiꞌ, nak ta̱chaꞌchaꞌi̱k e̱ru che̱junilex. Ac xbe xbe li junju̱nk tixchap ut tine̱canab injunes. Abanan moco injunes ta xban nak lin Yucuaꞌ cua̱nk cuiqꞌuin.

Q'eqchi Bible

³² K'ehomaq reetal, chalk re xhonal (ak xk'ulunk ajwi') naq teecha'cha'i eerib', ak xb'e xb'e li junjunq tixk'am, ut tineekanab' injunes. Ab'an moko injunes ta, xb'aan naq wank wik'in li Yuwa'b'ej.

San Juan 16:32 ပူးပေါင်းရင်းမြစ်များ

Zacarías 13:7

Li nimajcual Dios quixye: —Tincanab chi camsi̱c laj ilol reheb li carner. Tinkꞌaxtesi re ca̱mc li natenkꞌan cue. Ta̱camsi̱k laj ilol reheb li carner ut eb li carner teꞌxchaꞌchaꞌi ribeb. Ut tincꞌut injoskꞌil chiruheb li carner.

San Mateo 26:31

Ut li Jesús quixye reheb: —Che̱junilex la̱ex ta̱chꞌina̱k le̱ chꞌo̱l saꞌ incꞌabaꞌ la̱in ut tine̱canab injunes chiru li kꞌojyi̱n aꞌin joꞌ tzꞌi̱banbil retalil saꞌ li Santil Hu: Tincanab chi camsi̱c laj ilol reheb li carner ut eb li carner teꞌxchaꞌchaꞌi ribeb. (Zac. 13:7)

San Juan 8:29

Li ani quitaklan chak cue, aꞌan cuan cuiqꞌuin. Aꞌan incꞌaꞌ quinixcanab injunes xban nak la̱in junelic ninba̱nu li cꞌaꞌru naraj aꞌan, chan li Jesús.

San Juan 8:16

Abanan cui tinrakok a̱tin, tinba̱nu saꞌ ti̱quilal xban nak incꞌaꞌ ninrakoc a̱tin injunes. Ninba̱nu ban joꞌ naraj lin Yucuaꞌ li quitaklan chak cue.

San Marcos 14:27

Ut li Jesús quixye reheb: —Che̱junilex la̱ex ta̱chꞌina̱k le̱ chꞌo̱l ut tine̱canab injunes chiru a kꞌojyi̱n aꞌin xban nak joꞌcaꞌin tzꞌi̱banbil retalil xbaneb li profeta: Tincanab chi camsi̱c laj ilol reheb li carner ut eb li carner teꞌxchaꞌchaꞌi ribeb.

San Mateo 26:56

Abanan chixjunil aꞌin x-uxman re nak ta̱tzꞌaklok ru li Santil Hu tzꞌi̱banbil xbaneb li profeta. Tojoꞌnak queꞌe̱lelic chixjunileb lix tzolom ut queꞌxcanab xjunes li Jesús.

San Juan 20:10

Ut eb lix tzolom queꞌsukꞌi cuiꞌchic saꞌ li cab li cuanqueb cuiꞌ.

San Juan 16:25

Chixjunil li cꞌaꞌak re ru aꞌin xinye e̱re saꞌ jaljo̱quil ru a̱tin. Abanan ta̱cuulak xkꞌehil nak incꞌaꞌ chic tinye e̱re chi jaljo ru. Tinye ban e̱re chi tzꞌakal riqꞌuin a̱tin incꞌaꞌ chꞌaꞌaj xtaubal ru ut tinchꞌolob che̱ru lix ya̱lal chirix lin Yucuaꞌ.

San Juan 16:2

Tex-isi̱k saꞌ li cab li nequeꞌxchꞌutub cuiꞌ ribeb laj judío. Ta̱cuulak xkꞌehil nak eb li teꞌcamsi̱nk e̱re teꞌxcꞌoxla nak yo̱queb chi cꞌanjelac chiru li Dios nak teꞌxba̱nu chi joꞌcan.

San Juan 4:23

Ta̱cuulak xkꞌehil, ut anakcuan ajcuiꞌ, nak eb li teꞌxlokꞌoni li Acuabej Dios chi tzꞌakal, teꞌxba̱nu chi anchal xchꞌo̱leb ut chi ya̱l xban nak li Acuabej Dios naraj nak teꞌxlokꞌoni chi tzꞌakal re ru.

San Juan 4:21

Quixye li Jesús re: —At ixk, pa̱b li cꞌaꞌru tinye a̱cue. Ta̱cuulak xkꞌehil nak moco tento ta chic texxic saꞌ li tzu̱l li cuan arin, chi moco Jerusalén re textijok chiru li Dios Acuabej.

San Juan 12:23

Li Jesús quixye reheb: —Xcuulac x-o̱ril nak ta̱qꞌuehekꞌ inlokꞌal la̱in li Cꞌajolbej.

San Juan 5:28

Misach e̱chꞌo̱l chirabinquil li yo̱quin chixyebal. Ta̱cuulak xkꞌehil nak chixjunileb li camenak teꞌrabi li cꞌaꞌru tinye.

San Juan 5:25

Chi ya̱l ninye e̱re ta̱cuulak xkꞌehil ut anakcuan ajcuiꞌ xcuulac xcutanquil, nak eb li chanchan camenakeb xban li ma̱c teꞌrabi li cua̱tin la̱in li Cꞌajolbej. Ut li teꞌabi̱nk cue teꞌcua̱nk xyuꞌam chi junelic.

San Marcos 14:50

Ut chixjunileb lix tzolom queꞌe̱lelic ut queꞌxcanab xjunes li Jesús saꞌ rukꞌeb li xicꞌ nequeꞌiloc re.

Hechos 8:1

Laj Saulo quixcꞌul xchꞌo̱l nak queꞌxcamsi laj Esteban. Chalen saꞌ li cutan aꞌan queꞌoc xrahobtesinquileb chixjunileb laj pa̱banel aran Jerusalén ut cꞌajoꞌ li raylal queꞌxcꞌul. Ut chixjunileb quilajeꞌxjeqꞌui rib saꞌ eb li naꞌajej Judea ut Samaria. Caꞌaj chic eb li apóstol queꞌcana Jerusalén.

San Juan 16:31

Li Jesús quixye reheb: —¿Ma ya̱l nak niquine̱pa̱b anakcuan?

San Juan 19:27

Ut quixye re lix tzolom: —Li ixk aꞌin, aꞌan chic la̱ naꞌ.— Ut chalen aꞌan lix tzolom quixcꞌul lix naꞌ li Jesús riqꞌuin saꞌ li rochoch.

Hechos 21:6

Nak corakeꞌ chi tijoc, quikachakꞌrabiheb ut co̱o saꞌ li jucub. Ut eb aꞌan queꞌsukꞌi cuiꞌchic saꞌ li rochocheb.