San Juan 16:28 - Li Santil hu

²⁸ La̱in riqꞌuin lin Yucuaꞌ xinchal chak. Ut anakcuan tincanab li ruchichꞌochꞌ ut tinxic cuiꞌchic riqꞌuin lin Yucuaꞌ, chan li Jesús.

Q'eqchi Bible

²⁸ Kin'elk chaq rik'in li Yuwa'b'ej ut kinchalk sa' ruuchich'och'; anaqwan tinkanab' li ruuchich'och' ut tinsutq'iiq wi' chik rik'in li Yuwa'b'ej”.

San Juan 16:28 ပူးပေါင်းရင်းမြစ်များ

San Juan 13:1

Ac cuulajak naticla li ninkꞌe Pascua. Li Jesús ac naxnau nak cuulac re xkꞌehil lix camic re nak ta̱xic cuiꞌchic riqꞌuin lix Yucuaꞌ saꞌ choxa. Junelic naxraheb li ralal xcꞌajol li teꞌcana̱k saꞌ ruchichꞌochꞌ ut nak ac ca̱mc re quixcꞌutbesi chi tzꞌakal lix rahom chiruheb.

San Juan 13:3

Li Jesús naxnau nak qꞌuebil re lix cuanquil xban li Dios ut aꞌan yal re saꞌ xbe̱n chixjunil. Naxnau nak riqꞌuin li Dios quichal chak ut riqꞌuin ajcuiꞌ li Dios ta̱xic.

San Juan 8:14

Li Jesús quixye reheb: —Cuan xcuanquil li ninye usta yo̱quin chi a̱tinac chicuix la̱in xban nak tzꞌakal ya̱l li ninye. La̱ex incꞌaꞌ nequenau bar xinchal chak, chi moco nequenau bar tinxic. Caꞌaj cuiꞌ la̱in ninnaꞌoc re bar xinchal chak ut bar tinxic.

San Juan 16:5

Li Jesús quixye ajcuiꞌ: —Anakcuan xic cuiꞌchic cue riqꞌuin li quitaklan chak cue. Ut ma̱ jun e̱re napatzꞌoc cue bar xic cue.

San Juan 17:5

At inYucuaꞌ, chaqꞌue ta cuiꞌchic lin lokꞌal li quicuan nak toj cuanquin chak a̱cuiqꞌuin nak toj ma̱jiꞌ naticla chak li ruchichꞌochꞌ.

San Juan 16:16

Chi se̱b incꞌaꞌ chic te̱ril cuu. Abanan mokon chic te̱ril cuiꞌchic cuu, chan li Jesús.

San Juan 14:28

Ac xinye e̱re nak tinxic, ut tincha̱lk cuiꞌchic. Cui ya̱l nak niquine̱ra, ta̱sahokꞌ raj saꞌ e̱chꞌo̱l nak tinxic riqꞌuin lin Yucuaꞌ, xban nak aꞌan kꞌaxal nim xcuanquil chicuu la̱in.

San Lucas 24:51

Nak yo̱ chirosobtesinquileb, quirisi rib saꞌ xya̱nkeb ut quicꞌameꞌ takecꞌ saꞌ choxa.

San Juan 17:13

Anakcuan xic cue a̱cuiqꞌuin. Abanan yo̱quin chixyebal li cꞌaꞌak re ru aꞌin nak toj cuanquin saꞌ ruchichꞌochꞌ re nak ta̱cua̱nk xsahil xchꞌo̱leb aꞌan joꞌ li xsahil inchꞌo̱l la̱in.

San Juan 17:11

Anakcuan la̱in tinxic a̱cuiqꞌuin. Incꞌaꞌ chic tincua̱nk saꞌ ruchichꞌochꞌ. Abanan eb aꞌan toj teꞌcua̱nk saꞌ ruchichꞌochꞌ. At inYucuaꞌ, la̱at Santo. Chacuileb taxak riqꞌuin lix nimal la̱ cuanquilal li xakꞌaxtesiheb cue re nak junajak ruheb joꞌ la̱at ut la̱in junaj ku.

San Lucas 9:51

Nak ac cuulac re xkꞌehil nak li Jesús ta̱cꞌamekꞌ cuiꞌchic xban li Dios saꞌ choxa, quixcacuubresi xchꞌo̱l chi xic Jerusalén.

San Juan 8:42

Li Jesús quixye reheb: —Cui ta ya̱l nak li Dios e̱yucuaꞌ, niquine̱ra raj la̱in xban nak riqꞌuin li Dios quinchal chak. Cuanquin arin saꞌ e̱ya̱nk. Incꞌaꞌ quintakla chak cuib injunes. Aꞌ li Dios, aꞌan li quitaklan chak cue.

San Juan 16:10

Incꞌaꞌ nequeꞌxtau ru cꞌaꞌru li ti̱quilal. Cui ta queꞌxtau ru teꞌxnau raj nak la̱in ti̱c inchꞌo̱l. Xban nak ti̱c inchꞌo̱l, tinxic riqꞌuin li Dios ut incꞌaꞌ chic te̱ril cuu.

San Juan 16:30

Anakcuan nakaqꞌue retal nak la̱at nacanau chixjunil li cꞌaꞌak re ru. Moco toj ta ta̱yehekꞌ a̱cue. Joꞌcan nak nakapa̱b nak la̱at riqꞌuin li Dios xatchal chak, chanqueb.