San Juan 16:26 - Li Santil hu

²⁶ Nak ta̱cuulak xkꞌehil la̱ex chic textzꞌa̱ma̱nk chiru li Yucuaꞌbej saꞌ incꞌabaꞌ la̱in. Incꞌaꞌ chic tento nak la̱in tintzꞌa̱ma̱nk chiru li Yucuaꞌbej che̱rix la̱ex.

Q'eqchi Bible

²⁶ Sa' li kutan a'an textz'aamanq sa' ink'ab'a', ut moko tinye ta eere naq laa'in tintz'aamanq chiru li Yuwa'b'ej cherix,

San Juan 16:26 ပူးပေါင်းရင်းမြစ်များ

Romanos 8:34

¿Ani ta̱ru̱k ta̱qꞌuehok reheb laj pa̱banel saꞌ tojba ma̱c? Ma̱ ani xban nak li Jesucristo quicam saꞌ kacꞌabaꞌ ut li Dios quixcuaclesi cuiꞌchic chi yoꞌyo saꞌ xya̱nkeb li camenak. Anakcuan aꞌan cuan saꞌ xnim ukꞌ li Dios ut yo̱ chi a̱tinac chikix chiru li Dios.

San Juan 17:24

At inYucuaꞌ, nintzꞌa̱ma cha̱cuu nak chixjunileb li xakꞌaxtesiheb cue teꞌcua̱nk cuiqꞌuin saꞌ li naꞌajej li tincua̱nk cuiꞌ la̱in. Nacuaj nak teꞌril lin lokꞌal li caqꞌue chak cue nak toj ma̱jiꞌ quiyi̱ba̱c li ruchichꞌochꞌ xban nak niquina̱ra.

San Juan 17:19

Saꞌ xcꞌabaꞌ eb aꞌan xinkꞌaxtesi cuib la̱in chixba̱nunquil li cꞌaꞌru xaye cue. Ut saꞌ xcꞌabaꞌ li ya̱l li xinye eb aꞌan teꞌxkꞌaxtesi ajcuiꞌ ribeb chixba̱nunquil li cꞌaꞌru nacacuaj.

San Juan 17:9

La̱in incꞌaꞌ yo̱quin chixtzꞌa̱manquil a̱cue nak ta̱tenkꞌaheb li incꞌaꞌ xineꞌxpa̱b. Yo̱quin ban chixtzꞌa̱manquil cha̱cuu nak ta̱tenkꞌaheb lin tzolom li xakꞌaxtesiheb cue xban nak aꞌaneb la̱ cualal a̱cꞌajol.

San Juan 16:23

Ta̱cuulak xkꞌehil nak ma̱cꞌaꞌ chic te̱tzꞌa̱ma cue la̱in. Chiru ban chic lin Yucuaꞌ textzꞌa̱ma̱nk. Relic chi ya̱l tinye e̱re nak chixjunil li te̱tzꞌa̱ma chiru lin Yucuaꞌ saꞌ incꞌabaꞌ la̱in, aꞌan tixqꞌue e̱re.

San Juan 14:16

La̱in tintzꞌa̱ma chiru lin Yucuaꞌ nak tixqꞌue e̱re li Santil Musikꞌej. Aꞌan ta̱cꞌojoba̱nk e̱chꞌo̱l ut aꞌan ta̱tenkꞌa̱nk e̱re. Aꞌan ta̱cua̱nk e̱riqꞌuin chi junelic.

San Juan 14:20

Toj saꞌ li cutan aꞌan la̱ex te̱qꞌue retal nak li Yucuaꞌbej cuan cuiqꞌuin ut la̱in cuanquin riqꞌuin aꞌan. Junaj ku chi kibil kib. Ut la̱ex cua̱nkex cuiqꞌuin ut la̱in cua̱nkin e̱riqꞌuin.

San Juan 16:19

Li Jesús quixnau nak queꞌraj xpatzꞌbal re cꞌaꞌru xya̱lal li yo̱ chixyebal. Joꞌcan nak quixye reheb: —¿Ma yo̱quex chixpatzꞌbal che̱ribil e̱rib cꞌaꞌru xya̱lal li xinye? ¿Ma incꞌaꞌ xetau ru nak xinye e̱re nak chi se̱b incꞌaꞌ chic te̱ril cuu ut mokon chic te̱ril cuiꞌchic cuu? ¿Ma aꞌan li te̱raj xnaubal?

San Juan 16:30

Anakcuan nakaqꞌue retal nak la̱at nacanau chixjunil li cꞌaꞌak re ru. Moco toj ta ta̱yehekꞌ a̱cue. Joꞌcan nak nakapa̱b nak la̱at riqꞌuin li Dios xatchal chak, chanqueb.