San Juan 16:23 - Li Santil hu

²³ Ta̱cuulak xkꞌehil nak ma̱cꞌaꞌ chic te̱tzꞌa̱ma cue la̱in. Chiru ban chic lin Yucuaꞌ textzꞌa̱ma̱nk. Relic chi ya̱l tinye e̱re nak chixjunil li te̱tzꞌa̱ma chiru lin Yucuaꞌ saꞌ incꞌabaꞌ la̱in, aꞌan tixqꞌue e̱re.

Q'eqchi Bible

²³ “Sa' li kutan a'an maak'a' teetz'aama chiwu. Relik chi yaal ninye eere: li k'aru teetz'aama chiru li Yuwa'b'ej, tixk'e eere sa' ink'ab'a'.

San Juan 16:23 ပူးပေါင်းရင်းမြစ်များ

San Juan 15:7

Cui la̱ex cua̱nkex cuiqꞌuin ut te̱ba̱nu li cꞌaꞌru xinye e̱re, ta̱qꞌuehekꞌ e̱re chixjunil li cꞌaꞌru te̱tzꞌa̱ma.

San Mateo 21:22

Ut chixjunil li cꞌaꞌru te̱tzꞌa̱ma nak textijok, cui te̱pa̱b nak te̱cꞌul, ta̱qꞌuehekꞌ e̱re.

Isaías 65:24

Nak toj ma̱jiꞌ nequeꞌtzꞌa̱man chicuu, la̱in tinqꞌue reheb li cꞌaꞌru teꞌraj. Toj yo̱keb ajcuiꞌ chi a̱tinac nak la̱in tinsume lix tijeb.

San Mateo 7:7

Nak ta̱paltok cꞌaꞌru e̱re, chextzꞌa̱ma̱nk chiru li Dios ut aꞌan tixqꞌue e̱re; chesicꞌak ut te̱tau, chebokak ut li puerta ta̱tehekꞌ che̱ru.

San Juan 16:26

Nak ta̱cuulak xkꞌehil la̱ex chic textzꞌa̱ma̱nk chiru li Yucuaꞌbej saꞌ incꞌabaꞌ la̱in. Incꞌaꞌ chic tento nak la̱in tintzꞌa̱ma̱nk chiru li Yucuaꞌbej che̱rix la̱ex.

San Juan 14:20

Toj saꞌ li cutan aꞌan la̱ex te̱qꞌue retal nak li Yucuaꞌbej cuan cuiqꞌuin ut la̱in cuanquin riqꞌuin aꞌan. Junaj ku chi kibil kib. Ut la̱ex cua̱nkex cuiqꞌuin ut la̱in cua̱nkin e̱riqꞌuin.

Efesios 2:18

Anakcuan chikajunilo, usta la̱o aj judío usta ma̱cuaꞌo aj judío, naru nococuan chi sum a̱tin riqꞌuin li Yucuaꞌbej Dios saꞌ xcꞌabaꞌ li Cristo. Ut li junaj chi Santil Musikꞌej natenkꞌan ke.

1 Juan 2:1

Ex inherma̱n, chanchanex li cualal incꞌajol. Aꞌ cꞌaꞌak re ru aꞌin nintzꞌi̱ba e̱re re nak incꞌaꞌ texma̱cobk. Cui ut cuan junak ta̱ma̱cobk, cuan jun aj jalol a̱tin chikix chiru li Acuabej Dios, aꞌan li Jesucristo li ti̱c xchꞌo̱l.

San Juan 14:5

Laj Tomás quixye re: —At Ka̱cuaꞌ, incꞌaꞌ nakanau bar xic a̱cue. ¿Chan ta cuiꞌ ru nak takanau li be? chan.

San Juan 16:19

Li Jesús quixnau nak queꞌraj xpatzꞌbal re cꞌaꞌru xya̱lal li yo̱ chixyebal. Joꞌcan nak quixye reheb: —¿Ma yo̱quex chixpatzꞌbal che̱ribil e̱rib cꞌaꞌru xya̱lal li xinye? ¿Ma incꞌaꞌ xetau ru nak xinye e̱re nak chi se̱b incꞌaꞌ chic te̱ril cuu ut mokon chic te̱ril cuiꞌchic cuu? ¿Ma aꞌan li te̱raj xnaubal?

San Juan 16:30

Anakcuan nakaqꞌue retal nak la̱at nacanau chixjunil li cꞌaꞌak re ru. Moco toj ta ta̱yehekꞌ a̱cue. Joꞌcan nak nakapa̱b nak la̱at riqꞌuin li Dios xatchal chak, chanqueb.

San Juan 14:22

Laj Judas jun chic, li ma̱cuaꞌ laj Judas Iscariote, quixye re: —Ka̱cuaꞌ, ¿chanru nak ta̱cꞌutbesi a̱cuib chiku la̱o, ut incꞌaꞌ ta̱cꞌutbesi a̱cuib chiruheb li incꞌaꞌ nequeꞌpa̱ban a̱cue? chan.