San Juan 16:22 - Li Santil hu

²² Joꞌcan ajcuiꞌ la̱ex. Anakcuan ra saꞌ e̱chꞌo̱l. Abanan nak te̱ril cuiꞌchic cuu, ta̱sahokꞌ saꞌ e̱chꞌo̱l. Ut ma̱ ani ta̱isi̱nk che̱ru lix sahil e̱chꞌo̱l.

Q'eqchi Bible

²² Jo'kan ajwi' laa'ex ra sa' eech'ool anaqwan, ab'anan tolwil wi' chik eeru ut taasaho'q leech'ool, ut li xsahil eech'ool maa'ani truuq taamaq'oq cheru.

San Juan 16:22 ပူးပေါင်းရင်းမြစ်များ

1 Pedro 1:8

Nequera li Cristo usta incꞌaꞌ nequeril ru. Nequepa̱b li Cristo, usta incꞌaꞌ e̱rilom ru. Kꞌaxal cuiꞌchic numtajenak xsahil saꞌ e̱chꞌo̱l chixpa̱banquil. Ut incꞌaꞌ nequetau junak a̱tin re xchꞌolobanquil lix sahil e̱chꞌo̱l xban nak kꞌaxal lokꞌ.

Hechos 13:52

Ut eb laj pa̱banel cꞌajoꞌ xsahil saꞌ xchꞌo̱leb ut li Santil Musikꞌej cuan riqꞌuineb.

San Juan 16:6

Xrahoꞌ saꞌ e̱chꞌo̱l xban li cꞌaꞌru xinye e̱re.

2 Ts 2:16

Li Ka̱cuaꞌ Jesucristo ut li Dios li kaYucuaꞌ, li narahoc ke, xban xnimal rusilal naxcꞌojob kachꞌo̱l chi junelic ut naxqꞌue xcacuilal kachꞌo̱l chi oybeni̱nc.

Hechos 16:25

Tuktu chic kꞌojyi̱n nak laj Pablo ut laj Silas yo̱queb chi tijoc ut yo̱queb chi bicha̱nc re xlokꞌoninquil li Dios. Ut eb li cuanqueb chi pre̱xil yo̱queb chi abi̱nc.

Isaías 25:9

Saꞌ li cutan aꞌan eb li tenamit teꞌxye: —Relic chi ya̱l li Ka̱cuaꞌ, aꞌan li kaDios. Xkacꞌojob kachꞌo̱l riqꞌuin ut aꞌan xcoloc ke. Aꞌan li Ka̱cuaꞌ li kaDios. Xkapa̱b li Dios ut anakcuan aꞌan xcoloc ke. Joꞌcan nak sa saꞌ kachꞌo̱l, chaꞌakeb.

Salmos 146:2

Tinlokꞌoni li nimajcual Dios joꞌ najtil tincua̱nk. Tinbicha̱nk re xqꞌuebal xlokꞌal li Ka̱cuaꞌ joꞌ najtil tincua̱nk saꞌ ruchichꞌochꞌ.

Hechos 2:46

Rajlal cutan queꞌxchꞌutub ribeb saꞌ li templo chi lokꞌoni̱nc. Ut saꞌ eb li rochoch queꞌcuaꞌac saꞌ comonil chi sa saꞌ xchꞌo̱leb ut chi junaj xchꞌo̱leb.

Hebreos 10:34

La̱ex quiyotꞌeꞌ e̱chꞌo̱l chi rilbal le̱ rech aj pa̱banelil li cuanqueb chi pre̱xil. Ut incꞌaꞌ quirahoꞌ saꞌ le̱ chꞌo̱l nak quimakꞌeꞌ che̱ru li cꞌaꞌru e̱re xban nak nequenau nak saꞌ li choxa cuan e̱ma̱tan kꞌaxal cuiꞌchic lokꞌ. Le̱ ma̱tan li cuan saꞌ choxa incꞌaꞌ nalaj incꞌaꞌ na-osoꞌ.

Hebreos 6:18

Joꞌcan utan nak li cuib chi naꞌleb aꞌin incꞌaꞌ naru xjalbal ru. Aꞌaneb aꞌin: xbe̱n, nak li Dios quixyechiꞌi li ma̱tan; ut xcab, nak quixba̱nu li juramento. Riqꞌuin aꞌan nakanau nak li Dios incꞌaꞌ naticꞌtiꞌic. Joꞌcan nak cauhak taxak li kachꞌo̱l. La̱o xkasicꞌ li kacolbal riqꞌuin li Dios ut nakanau nak take̱chani li quixyechiꞌi ke. Aꞌan li nakayoꞌoni.

Hechos 5:41

Ut eb li apóstol queꞌel chiruheb chi kꞌaxal sa saꞌ xchꞌo̱leb xban nak chiruheb aꞌan lokꞌ xcꞌulbal li raylal saꞌ xcꞌabaꞌ li Jesús.

San Juan 21:7

Ut lix tzolom li Jesús, li raro xban, quixye re laj Pedro: —¡Aꞌan li Ka̱cuaꞌ!— Ut laj Pedro, nak quirabi nak aꞌan li Ka̱cuaꞌ, quixqꞌue cuiꞌchic li rakꞌ chirix xban nak quirisi nak qui-oc chi caribc, ut quixcut rib saꞌ li haꞌ re ta̱xic riqꞌuin li Jesús.

San Juan 14:27

La̱in tincanab li tuktu̱quil usilal e̱riqꞌuin nak tinxic. Li tuktu̱quil usilal li tinqꞌue e̱re moco joꞌ ta li nequeꞌxqꞌue li cuanqueb saꞌ ruchichꞌochꞌ. La̱in tinqꞌue xtuktu̱quilal le̱ chꞌo̱l. Mexcꞌoxlac chi moco texxucuak.

San Juan 14:1

Misach e̱chꞌo̱l chi cꞌoxlac. Chepa̱b li Dios ut chine̱pa̱b ajcuiꞌ la̱in.

San Juan 4:14

Aꞌut li teꞌucꞌak re li haꞌ tinqꞌue la̱in, ma̱ jokꞌe chic ta̱chakik reheb. Li haꞌ li tinqꞌue la̱in jalan cuiꞌ. Aꞌan li junelic yuꞌam. Chanchan jun li yuꞌam haꞌ li cuan chi junelic. Ma̱cꞌaꞌ rosoꞌjic, chan li Jesús.

San Lucas 24:41

Cꞌajoꞌ nak quisahoꞌ saꞌ xchꞌo̱leb. Abanan toj sachso̱queb xchꞌo̱l. Incꞌaꞌ queꞌxnau ma ya̱l li yo̱queb chirilbal malaj ut incꞌaꞌ. Ut li Jesús quixye reheb: —¿Ma cuan caꞌchꞌinak tzacae̱mk e̱riqꞌuin? chan reheb.

San Lucas 16:25

Ut laj Abraham quixye re: “At cuas cui̱tzꞌin, julticak a̱cue nak toj yoꞌyo̱cat saꞌ ruchichꞌochꞌ nabal a̱biomal ut kꞌaxal sa nak xatcuan. Ut laj Lázaro cꞌajoꞌ li raylal quixcꞌul. Anakcuan cꞌojobanbil xchꞌo̱l laj Lázaro arin ut la̱at kꞌaxal ra cuancat.

San Lucas 10:42

Abanan jun ajcuiꞌ li cꞌaꞌru tento xba̱nunquil ut lix María xsicꞌ ru aꞌan. Li kꞌaxal us xba̱nunquil, aꞌan rabinquil li cꞌaꞌru ninye. Ut ma̱ ani ta̱ramok re chiru xba̱nunquil, chan li Jesús.

San Mateo 28:8

Teꞌxucuak li ixk nak queꞌel saꞌ li mukleba̱l. Abanan quisahoꞌ ajcuiꞌ saꞌ xchꞌo̱leb riqꞌuin li cꞌaꞌru queꞌrabi. Ut co̱eb saꞌ a̱nil chixyebal resil reheb lix tzolom li Jesús.

San Juan 16:20

Relic chi ya̱l ninye e̱re nak eb li incꞌaꞌ nequeꞌpa̱ban cue ta̱sahokꞌ saꞌ xchꞌo̱leb nak tincꞌul li raylal. La̱ex ta̱yotꞌekꞌ e̱chꞌo̱l ut texya̱bak nak tincꞌul chi joꞌcan. Ta̱rahokꞌ saꞌ e̱chꞌo̱l, abanan mokon ta̱sahokꞌ cuiꞌchic saꞌ e̱chꞌo̱l nak te̱ril cuiꞌchic cuu.

San Lucas 19:26

Li rey quixye reheb: —La̱in ninye e̱re nak li ani cuan nabal cꞌaꞌru re, ta̱qꞌuehekꞌ cuiꞌchic nabal re; ut li ani caꞌchꞌin ajcuiꞌ cꞌaꞌru re, ta̱isi̱k chiru, usta caꞌchꞌin ajcuiꞌ li cꞌaꞌru re.

Li xHu LAJ JOB 34:29

Cui li Dios incꞌaꞌ tixqꞌueheb chixtojbal xma̱queb, ¿ani ta biꞌ chic ta̱ru̱k ta̱ba̱nu̱nk re? Ut cui incꞌaꞌ ta̱ril li cꞌaꞌru yo̱queb chixba̱nunquil, ¿ani ta biꞌ chic ta̱ilok re? Aꞌan na-iloc reheb li tenamit joꞌ eb ajcuiꞌ li cristian,

San Juan 16:16

Chi se̱b incꞌaꞌ chic te̱ril cuu. Abanan mokon chic te̱ril cuiꞌchic cuu, chan li Jesús.

Salmos 33:21

Sa li kachꞌo̱l saꞌ xcꞌabaꞌ li Ka̱cuaꞌ ut cau li kachꞌo̱l riqꞌuin.

Jeremías 31:12

Japjo̱keb re xban xsahil xchꞌo̱leb nak yo̱keb chi cha̱lc saꞌ li tzu̱l Sión. Teꞌsahokꞌ saꞌ xchꞌo̱leb xban li usilal tinba̱nu reheb. La̱in li Ka̱cuaꞌ. Tinqꞌueheb lix trigo, li acꞌ vino ut li aceite, joꞌ eb ajcuiꞌ lix carner, ut eb lix queto̱mk. Kꞌaxal us cua̱nkeb. Chanchanakeb li acui̱mk li natꞌakresi̱c chi us. Ma̱cꞌaꞌak chic rahil chꞌo̱lej.

San Juan 14:19

Cuulac re xkꞌehil nak incꞌaꞌ chic teꞌril cuu li incꞌaꞌ nequeꞌpa̱ban cue. Abanan la̱ex te̱ril cuu. Ut xban nak yoꞌyo̱kin la̱in, yoꞌyo̱kex ajcuiꞌ la̱ex.

2 Corintios 6:10

Kꞌaxal ra cuanco, abanan junelic sa saꞌ kachꞌo̱l. Nebaꞌo, abanan nabal nequeꞌxcꞌul xbiomal nak nakachꞌolob chiruheb lix ya̱lal. Ma̱cꞌaꞌ cuan ke arin saꞌ ruchichꞌochꞌ, abanan nakanau nak biomo xban nak cuan li rusilal li Dios kiqꞌuin.