San Juan 16:21 - Li Santil hu

²¹ Junak ixk yoꞌla̱c re lix cꞌulaꞌal narecꞌa xrahil lix raylal. Abanan nak ac xyoꞌla lix cꞌulaꞌal, nasach saꞌ xchꞌo̱l li raylal li quixcꞌul ut nasahoꞌ saꞌ xchꞌo̱l xban nak ac xyoꞌla lix cꞌulaꞌal.

Q'eqchi Bible

²¹ Li ixq naq ok re chi alank, ra sa' xch'ool xb'aan naq xwulak xhonalil; ab'anan naq ak xwank li xk'uula'al, ink'a' chik najultiko'k re li xnimal xrahilal xb'aan xsahojik sa' xch'ool naq xyo'laak jun li winq sa' ruuchich'och'.

San Juan 16:21 ပူးပေါင်းရင်းမြစ်များ

Salmos 113:9

Naxqꞌueheb ralal xcꞌajol li ixk li incꞌaꞌ nequeꞌqꞌuiresin. Ut naxqꞌueheb xsahil xchꞌo̱l saꞌ li rochocheb. ¡Lokꞌoninbil taxak li Ka̱cuaꞌ!

Isaías 13:8

Nabal li raylal ta̱cha̱lk saꞌ xbe̱neb ut yo̱keb xxiu. Cꞌajoꞌ li raylal li teꞌxcꞌul. Chanchanak li raylal li naxcꞌul li ixk li oc re chi qꞌuira̱c. Teꞌxcaꞌya ribeb ut teꞌsach xchꞌo̱leb chi rilbal li cꞌaꞌru teꞌxcꞌul li jun chꞌol chic ut teꞌxuta̱nak.

1 Ts 5:3

Nak eb li tenamit yo̱keb chixyebal, “Cuanco saꞌ tuktu̱quil usilal ut ma̱cꞌaꞌ cꞌoxlac”, tojoꞌnak ta̱cha̱lk rosoꞌjiqueb saꞌ junpa̱t chi ma̱cꞌaꞌak saꞌ xchꞌo̱leb joꞌ nak nachal xraylal li yaj aj ixk chi ma̱cꞌaꞌ saꞌ xchꞌo̱l. Ut eb aꞌan incꞌaꞌ teꞌcolekꞌ chiru li raylal ta̱cha̱lk saꞌ xbe̱neb.

Miqueas 4:10

Chexya̱bak ut chirahokꞌ saꞌ e̱chꞌo̱l la̱ex li cuanquex Sión joꞌ jun li ixk li oc re chi qꞌuira̱c. Chiyotꞌekꞌ e̱chꞌo̱l xban nak anakcuan tento nak tex-e̱lk saꞌ le̱ tenamit ut texxic chi cua̱nc saꞌ cꞌaleba̱l. Texcꞌamekꞌ aran Babilonia, abanan texcolekꞌ xban nak li Ka̱cuaꞌ ta̱isi̱nk e̱re saꞌ rukꞌeb li xicꞌ nequeꞌiloc e̱re.

Gálatas 4:27

Joꞌcaꞌin tzꞌi̱banbil saꞌ li Santil Hu: Chisahokꞌ taxak saꞌ a̱chꞌo̱l, at ixk, li incꞌaꞌ nacatqꞌuiresin. Jap a̱cue xban xsahil a̱chꞌo̱l la̱at li incꞌaꞌ a̱cuecꞌahom xrahil li ala̱nc, la̱at li tzꞌekta̱nanbilat xban la̱ be̱lom. Chisahokꞌ taxak saꞌ a̱chꞌo̱l xban nak kꞌaxal nabal cuiꞌchic la̱ cualal a̱cꞌajol ta̱cua̱nk chiruheb li ralal xcꞌajol li lokꞌbil mo̱s. (Isa. 54:1)

Génesis 3:16

Ut li Dios quixye re li ixk: —Kꞌaxal cuiꞌchic nabal li raylal tinqꞌue saꞌ a̱be̱n nak cua̱nkat chi yaj aj ixk. Riqꞌuin raylal teꞌyoꞌla̱k la̱ cocꞌal. Ut ta̱cuaj nak cua̱nk la̱ be̱lom a̱cuiqꞌuin ut aꞌan ta̱takla̱nk a̱cue.

Isaías 21:3

Cꞌajoꞌ lin xiu ut ra cuanquin xban li cꞌaꞌru quicuil saꞌ li visión. Chanchan li raylal li naxcꞌul li ixk li oc re chi qꞌuira̱c. Nayotꞌeꞌ inchꞌo̱l xban li cꞌaꞌru quicuabi ut sachso innaꞌleb xban li cꞌaꞌru quicuil.

Isaías 66:7

Lin santil tenamit Sión chanchan jun li ixk xyoꞌla jun lix cꞌulaꞌal te̱lom nak toj ma̱jiꞌ naticla lix raylal.

Miqueas 4:9

¿Cꞌaꞌut nak yo̱quex chixjapbal e̱re anakcuan, la̱ex aj Israel? ¿Ma xban nak xchapeꞌ le̱ rey malaj ut xban nak xcamsi̱c laj qꞌuehol e̱naꞌleb? Le̱ raylal chanchan xraylal li ixk li qꞌuira̱c re.

Li xHu LAJ JOB 11:16

Ta̱sachk saꞌ a̱chꞌo̱l chixjunil li raylal li yo̱cat chixcꞌulbal. Ta̱numekꞌ xrahil a̱chꞌo̱l joꞌ nak nanumeꞌ li haꞌ saꞌ li rok haꞌ.