San Juan 16:2 - Li Santil hu

² Tex-isi̱k saꞌ li cab li nequeꞌxchꞌutub cuiꞌ ribeb laj judío. Ta̱cuulak xkꞌehil nak eb li teꞌcamsi̱nk e̱re teꞌxcꞌoxla nak yo̱queb chi cꞌanjelac chiru li Dios nak teꞌxba̱nu chi joꞌcan.

Q'eqchi Bible

² Tex'isiiq sa'eb' li ch'utleb'aal kab'l. Ut taawulaq ajwi' xhonal naq yalaq ani taakamsinq eere tixk'oxla naq yo chi xloq'oninkil ru li Yos.

San Juan 16:2 ပူးပေါင်းရင်းမြစ်များ

San Juan 9:22

Queꞌxye chi joꞌcan lix naꞌ xyucuaꞌ xban nak queꞌxucuac xbaneb li nequeꞌtaklan saꞌ xya̱nkeb laj judío xban nak ac cꞌu̱banbil ru xbaneb cui ani tixye nak li Jesús, aꞌan li Cristo, li jun aꞌan incꞌaꞌ chic ta̱cꞌulekꞌ saꞌ li cab li nequeꞌxchꞌutub cuiꞌ ribeb laj judío.

San Mateo 10:28

Mexxucuac chiruheb laj camsinel xban nak li a̱mej incꞌaꞌ naru teꞌxcamsi. Aꞌ li te̱xucua ru, aꞌan li Ka̱cuaꞌ li cuan xcuanquil chixcamsinquil li tibelej ut chixtaklanquil li a̱mej saꞌ xbalba.

Apocalipsis 6:9

Nak li Jun li chanchan carner quixte li roꞌ sello, quicuil nak cuanqueb rubel li artal li queꞌcamsi̱c xban nak queꞌpa̱ban ut xban nak queꞌxchꞌolob xya̱lal li ra̱tin li Dios.

San Juan 12:42

Cuanqueb nabaleb laj judío queꞌxpa̱b nak li Jesús, aꞌan li Mesías. Saꞌ xya̱nkeb aꞌan cuanqueb junju̱nk li nequeꞌtaklan. Abanan incꞌaꞌ queꞌxye resil nak queꞌpa̱ban xban nak queꞌxucuac xbaneb laj fariseo. Incꞌaꞌ queꞌraj nak teꞌisi̱k saꞌ li cab li nequeꞌxchꞌutub cuiꞌ ribeb laj judío.

San Lucas 6:22

Us xak e̱re la̱ex nak xicꞌ tex-ilekꞌ saꞌ incꞌabaꞌ la̱in li Cꞌajolbej. Us xak e̱re la̱ex nak tex-isi̱k saꞌ xya̱nkeb ut texhobekꞌ saꞌ incꞌabaꞌ la̱in ut ta̱yehekꞌ e̱re nak incꞌaꞌ us e̱naꞌleb.

Isaías 66:5

Abihomak li cꞌaꞌru naxye li Ka̱cuaꞌ e̱re la̱ex li nequexxucuac nak nequerabi li ra̱tin li Dios. —Nequextzꞌekta̱na le̱ ras e̱ri̱tzꞌin, li xicꞌ nequeꞌiloc e̱re, inban la̱in ut nequexhob nak nequeꞌxye, “Lokꞌoninbilak taxak li Ka̱cuaꞌ. Chisahokꞌ taxak e̱chꞌo̱l riqꞌuin”. Xuta̱nal teꞌe̱lk eb li nequeꞌyehoc re chi joꞌcaꞌin.

1 Corintios 4:13

Nak nocohobeꞌ incꞌaꞌ nakasume ru. Nequeꞌka̱tina ban saꞌ usilal. Chalen anakcuan tzꞌekta̱nanbilo xbaneb chixjunileb. Ma̱cꞌaꞌ noco-oc cuiꞌ nak nocoeꞌril. Chanchano li mul chiruheb.

Hechos 7:56

Quixye: —Ilomak. Teto li choxa nak nacuil ut li Cꞌajolbej cuan chi xnim ukꞌ li Dios, chan.

San Mateo 24:9

Tojoꞌnak texkꞌaxtesi̱k ut texrahobtesi̱k ut texcamsi̱k. Ut xicꞌ tex-ilekꞌ xbaneb chixjunileb li tenamit saꞌ incꞌabaꞌ la̱in.

San Juan 9:34

Eb aꞌan queꞌchakꞌoc ut queꞌxye re: —La̱at aj ma̱c chalen chak saꞌ a̱yoꞌlajic. ¿Ma nacacꞌoxla nak naru ta̱qꞌue kanaꞌleb la̱o? chanqueb. Ut queꞌrisi li cui̱nk saꞌ xya̱nkeb ut incꞌaꞌ chic queꞌxcꞌul.

Isaías 65:5

Nequeꞌxye reheb li ras ri̱tzꞌin, “Cana̱kat aran. Matjiloc chak cuiqꞌuin. Mina̱mux xban nak santin la̱in,” chanqueb. Cꞌajoꞌ nak nequeꞌxtaksi lin joskꞌil. Chanchaneb li xam li naxnumsi li cutan chi lochlo. Chanchaneb li sib li nachꞌiꞌchꞌiꞌin cue.

Hechos 5:33

Li xyucuaꞌil aj tij ut li cuanqueb rochben, cꞌajoꞌ nak queꞌjoskꞌoꞌ nak queꞌrabi li quixye laj Pedro ut queꞌraj raj xcamsinquileb li apóstol.

San Juan 4:21

Quixye li Jesús re: —At ixk, pa̱b li cꞌaꞌru tinye a̱cue. Ta̱cuulak xkꞌehil nak moco tento ta chic texxic saꞌ li tzu̱l li cuan arin, chi moco Jerusalén re textijok chiru li Dios Acuabej.

Filipenses 3:6

Xinqꞌue inchꞌo̱l chixba̱nunquil chixjunil li chakꞌrab li nequeꞌxba̱nu laj fariseo toj retal nak quinrahobtesiheb laj pa̱banel. Chiruheb laj fariseo ma̱cꞌaꞌ inma̱c xban nak xinba̱nu chixjunil li tzꞌi̱banbil saꞌ li chakꞌrab.

Daniel 11:33

Eb li cuanqueb xnaꞌleb saꞌ xya̱nkeb laj Israel teꞌxchꞌolob lix ya̱lal chiruheb nabal. Abanan cuan teꞌcamsi̱k riqꞌuin chꞌi̱chꞌ, cuan teꞌcꞌatekꞌ, cuan teꞌelkꞌa̱k cꞌaꞌru reheb, ut cuan teꞌchapekꞌ ut teꞌcꞌamekꞌ saꞌ jalan naꞌajej. Abanan incꞌaꞌ najt teꞌrahobtesi̱k.

San Juan 4:23

Ta̱cuulak xkꞌehil, ut anakcuan ajcuiꞌ, nak eb li teꞌxlokꞌoni li Acuabej Dios chi tzꞌakal, teꞌxba̱nu chi anchal xchꞌo̱leb ut chi ya̱l xban nak li Acuabej Dios naraj nak teꞌxlokꞌoni chi tzꞌakal re ru.

San Juan 16:25

Chixjunil li cꞌaꞌak re ru aꞌin xinye e̱re saꞌ jaljo̱quil ru a̱tin. Abanan ta̱cuulak xkꞌehil nak incꞌaꞌ chic tinye e̱re chi jaljo ru. Tinye ban e̱re chi tzꞌakal riqꞌuin a̱tin incꞌaꞌ chꞌaꞌaj xtaubal ru ut tinchꞌolob che̱ru lix ya̱lal chirix lin Yucuaꞌ.

San Juan 16:32

Xcuulac xkꞌehil, ut anakcuan ajcuiꞌ, nak ta̱chaꞌchaꞌi̱k e̱ru che̱junilex. Ac xbe xbe li junju̱nk tixchap ut tine̱canab injunes. Abanan moco injunes ta xban nak lin Yucuaꞌ cua̱nk cuiqꞌuin.

Jueces 6:30

Ut eb li cui̱nk li cuanqueb saꞌ li tenamit aꞌan queꞌxye re laj Joás: —Cꞌam chak la̱ cualal kiqꞌuin. Takacamsi xban nak aꞌan quixjucꞌ lix artal li dios Baal ut quixyocꞌ ajcuiꞌ li cheꞌ re li dios Asera li cuan chixcꞌatk li artal, chanqueb.