San Juan 16:11 - Li Santil hu

¹¹ Incꞌaꞌ nequeꞌxtau ru cꞌaꞌru li rakba a̱tin. Cui ta queꞌxtau ru, teꞌxnau raj nak ac tenebanbil li rakba a̱tin saꞌ xbe̱n laj tza li nataklan saꞌ ruchichꞌochꞌ.

Q'eqchi Bible

¹¹ chirix li raqb'a aatin xb'aan naq laj Taqlanel sa' xb'een li ruuchich'och' a'in ak teneb'anb'il chaq tojb'amaak sa' xb'een.

San Juan 16:11 ပူးပေါင်းရင်းမြစ်များ

San Juan 12:31

Anakcuan xcuulac xkꞌehil nak li Dios ta̱rakok a̱tin saꞌ xbe̱neb li cuanqueb saꞌ ruchichꞌochꞌ. Anakcuan ta̱sachekꞌ xcuanquil laj tza li nataklan saꞌ ruchichꞌochꞌ.

1 Juan 3:8

Li ani yo̱ chi ma̱cobc, aꞌan re laj tza xban nak laj tza aꞌan aj ma̱c chalen chak saꞌ xticlajic li ruchichꞌochꞌ. Aꞌan aj e nak col-e̱lk li Ralal li Dios re xsachbal xcꞌanjel laj tza.

Hebreos 2:14

Ya̱l nak la̱o ut li Jesucristo junaj li kachoxahil Yucuaꞌ. Li Jesucristo quitzꞌejcualoꞌ joꞌ la̱o. Quicuan xquiqꞌuel. Quicuan xbakel ut xtibel. Li Jesucristo quicam. Riqꞌuin lix camic, li Ka̱cuaꞌ Jesucristo quixsach xcuanquil laj tza, xban nak saꞌ xcꞌabaꞌ laj tza nak cuan li ca̱mc.

Colosenses 2:15

Nak quicam chiru li cruz li Jesucristo, li Dios quirisi xcuanquileb li nequeꞌtaklan ut quirisi ajcuiꞌ xcuanquileb li ma̱us aj musikꞌej. Ut quixcꞌut xxuta̱neb nak quinumta saꞌ xbe̱neb.

2 Corintios 4:4

Incꞌaꞌ nequeꞌxtau ru xban nak laj tza naramoc re lix ya̱lal chiruheb li incꞌaꞌ nequeꞌpa̱ban. Naxba̱nu aꞌan re nak incꞌaꞌ teꞌxtau ru lix ya̱lal li colba-ib li nacꞌutuc chiku lix lokꞌal li Cristo, ut lix lokꞌal li Dios.

San Juan 14:30

Incꞌaꞌ chic ta̱ru̱k tina̱tinak chi nabal e̱riqꞌuin xban nak yo̱ chi cha̱lc li nataklan saꞌ li ruchichꞌochꞌ, usta aꞌan ma̱cꞌaꞌ xcuanquil saꞌ inbe̱n la̱in.

Apocalipsis 1:7

Qꞌuehomak retal. Aꞌan ta̱cha̱lk chak saꞌ li chok ut chixjunileb teꞌilok re. Teꞌril ajcuiꞌ eb li queꞌcamsin re. Chixjunileb li cuanqueb saꞌ ruchichꞌochꞌ teꞌyotꞌekꞌ xchꞌo̱l ut teꞌya̱bak xban li raylal li teꞌxcꞌul. Joꞌcan taxak chicꞌulma̱nk.

2 Pedro 3:7

Li choxa ut li ruchichꞌochꞌ li cuanqueb anakcuan, cuanqueb saꞌ xnaꞌaj yal riqꞌuin ra̱tin li Dios. Yo̱queb chiroybeninquil nak teꞌcꞌatekꞌ xban li xam saꞌ xkꞌehil li rakba a̱tin nak teꞌsachekꞌ li incꞌaꞌ useb xnaꞌleb.

Hebreos 9:27

Chixjunil li tenamit jun sut ajcuiꞌ teꞌca̱mk ut li Ka̱cuaꞌ Dios ta̱rakok a̱tin saꞌ xbe̱neb.

Hebreos 6:2

Ac nequenau xya̱lal li cubi haꞌ. Nequenau xya̱lal li xqꞌuebal li kukꞌ saꞌ xbe̱neb laj pa̱banel. Ac nequenau nak teꞌcuacli̱k cuiꞌchic chi yoꞌyo li camenak. Ut nequenau ajcuiꞌ nak ta̱cuulak xkꞌehil nak ta̱rakekꞌ a̱tin chi junaj cua saꞌ xbe̱neb li ma̱jiꞌ nequeꞌpa̱ban.

Efesios 2:2

Xeba̱nu chak li ma̱usilal saꞌ ruchichꞌochꞌ ut xeqꞌue e̱rib chi takla̱c xban laj tza li nataklan saꞌ xbe̱neb li ma̱us aj musikꞌej. Aꞌan li nataklan saꞌ xbe̱neb li nequeꞌkꞌetoc ra̱tin li Dios.

1 Corintios 4:5

Joꞌcan nak mexrakoc a̱tin chirix le̱ ras e̱ri̱tzꞌin. Cheroybeni toj ta̱cuulak xkꞌehil nak tol-e̱lk cuiꞌchic li Ka̱cuaꞌ Jesucristo ut aꞌan tixcꞌutbesi li incꞌaꞌ nanauman anakcuan. Tixcꞌutbesi li cꞌaꞌru nanumeꞌ saꞌ xchꞌo̱l li junju̱nk. Ut li Dios tixqꞌue xlokꞌal li junju̱nk aꞌ yal chanru lix yehom xba̱nuhom.

Hechos 10:42

Ut coxtakla chixchꞌolobanquil xya̱lal ut chixjulticanquil chiruheb li tenamit nak aꞌan qꞌuebil xban li Dios chi rakoc a̱tin saꞌ xbe̱neb chixjunileb, li yoꞌyo̱queb joꞌ ajcuiꞌ li camenakeb.

San Lucas 10:18

Li Jesús quixye reheb: —La̱in quicuil laj tza chanchan rakꞌ ca̱k nak quitꞌaneꞌ chak saꞌ choxa.

San Mateo 12:36

La̱in tinye e̱re nak saꞌ xkꞌehil li rakba a̱tin li junju̱nk tixkꞌaxtesi xcue̱nt chirix chixjunil li joꞌ ma̱joꞌil aj a̱tin quixye.

San Mateo 12:18

Aꞌan aꞌin laj cꞌanjel chicuu, li sicꞌbil ru inban. Aꞌan ninra ut riqꞌuin aꞌan nasahoꞌ lin chꞌo̱l. Tinqꞌue re lin musikꞌ, ut aꞌan ta̱yehok resil li rakba a̱tin li cha̱lc re saꞌ xbe̱neb li tenamit.

Salmos 68:18

At Ka̱cuaꞌ, xattakeꞌ saꞌ la̱ templo aran Sión ut xacꞌameb cha̱cuix li xacue̱chaniheb. Chixjunileb xeꞌxqꞌue a̱lokꞌal. Xeꞌxqꞌue ajcuiꞌ la̱ lokꞌal li xeꞌxkꞌetkꞌeti ribeb cha̱cuu junxil. Ut la̱at tatcua̱nk riqꞌuineb.

Génesis 3:15

Li Dios quixye ajcuiꞌ re li cꞌantiꞌ: —La̱in tinqꞌue raylal saꞌ e̱ya̱nk re nak xicꞌ chic te̱ril e̱rib la̱at ut li ixk. Xicꞌ teꞌril rib la̱ cualal a̱cꞌajol riqꞌuineb li ralal xcꞌajol li ixk. Saꞌ junak cutan la̱at ta̱rahobtesi li rit rok junak reheb li ralal xcꞌajol li ixk, ut aꞌan tixpuqꞌui la̱ jolom.

Romanos 16:20

Ut li Ka̱cuaꞌ Dios, li naqꞌuehoc li tuktu̱quil usilal, aꞌan tixsach xcuanquil laj tza ut textenkꞌa re nak la̱ex chic texnumta̱k saꞌ xbe̱n. Li rusilal li Ka̱cuaꞌ Jesucristo chicua̱nk e̱riqꞌuin.

Romanos 2:16

Xakabanbil li Jesucristo xban li Dios re ta̱rakok a̱tin saꞌ xbe̱neb chixjunileb nak ta̱cuulak xkꞌehil. Li Cristo naxnau chanru lix chꞌo̱l li junju̱nk usta mukmu chiku la̱o. Joꞌcan naxye resilal li colba-ib li ninjultica la̱in.

Hechos 26:18

Chanchan nak ta̱teo̱nk li xnakꞌ ruheb nak ta̱chꞌolob lix ya̱lal chiruheb. Chanchan nak teꞌe̱lk saꞌ li kꞌojyi̱n ut teꞌoc saꞌ cutan nak teꞌxtau ru lix ya̱lal. Teꞌe̱lk rubel xcuanquil laj tza ut teꞌoc rubel xcuanquil li Dios. Riqꞌuin inpa̱banquil la̱in, ta̱cuyekꞌ ta̱sachekꞌ lix ma̱queb, ut ta̱cua̱nk xnaꞌajeb saꞌ xya̱nkeb li sicꞌbileb ru xban li Dios,” chan cue li Ka̱cuaꞌ.

Hechos 24:25

Ut nak laj Pablo yo̱ chixchꞌolobanquil lix ya̱lal li ti̱quilal, li cuyuc ib, ut li rakba a̱tin cha̱lel, quichal xxiu laj Félix. Quixye re laj Pablo. —Anakcuan ayu. Nak tixqꞌue rib chicuu tintakla cuiꞌchic a̱bokbal, chan.

San Juan 16:12

Toj cuan raj nabal chic li tinye e̱re, abanan incꞌaꞌ te̱cuy rabinquil anakcuan.