San Juan 16:1 - Li Santil hu

¹ Yo̱quin chixyebal e̱re chixjunil li cꞌaꞌak re ru aꞌin re nak incꞌaꞌ ta̱chꞌina̱nk e̱chꞌo̱l saꞌ le̱ pa̱ba̱l nak ta̱cha̱lk li raylal saꞌ e̱be̱n.

Q'eqchi Bible

¹ “Xinye a'in eere re naq ink'a' taaluktaaq eech'ool.

San Juan 16:1 ပူးပေါင်းရင်းမြစ်များ

1 Pedro 2:8

Ut tzꞌi̱banbil ajcuiꞌ saꞌ li Santil Hu chi joꞌcaꞌin: Aꞌan ut li pec li queꞌxtich cuiꞌ li rokeb. Aꞌan li pec li natꞌanoc. (Isa. 8:14-15) Li cristian li nequeꞌxtich rokeb chiru, aꞌaneb laj kꞌetol ra̱tin li Dios. Ac chꞌolchꞌo nak teꞌxcꞌul lix tojbal lix ma̱c xban nak nequeꞌxtzꞌekta̱na li Cristo.

San Mateo 13:21

Abanan incꞌaꞌ nacana saꞌ xchꞌo̱leb. Nak nachal junak raylal, malaj chꞌaꞌajquilal saꞌ xbe̱neb xban lix pa̱ba̱leb, incꞌaꞌ nequeꞌxcuy xnumsinquil. Saꞌ junpa̱t nequeꞌchꞌinan xchꞌo̱l.

San Juan 16:4

Ac xinye e̱re chixjunil li cꞌaꞌak re ru aꞌin re nak ta̱julticokꞌ e̱re li cꞌaꞌru xinye e̱re nak yo̱kex chixcꞌulbal li raylal. La̱in incꞌaꞌ quinye chak e̱re junxil nak quintiquib chak lin cꞌanjel xban nak cuanquin e̱riqꞌuin, chan.

San Mateo 24:10

Ut saꞌ eb li cutan aꞌan nabaleb teꞌxcanab lix pa̱ba̱leb. Ut aꞌanakeb chic li teꞌqꞌuehok reheb laj pa̱banel saꞌ raylal. Ut xicꞌ chic teꞌril ribeb.

Romanos 14:21

Li us xba̱nunquil, aꞌan aꞌin: cui nachꞌinan xchꞌo̱l la̱ herma̱n xban nak nacattiꞌoc tib ut nacat-ucꞌac vino, mattiꞌoc tib ut mat-ucꞌac vino. Incꞌaꞌ ta̱ba̱nu li cꞌaꞌak re ru ta̱chꞌina̱nk cuiꞌ xchꞌo̱l la̱ herma̱n re nak incꞌaꞌ ta̱ma̱cobk a̱ban.

San Mateo 13:57

Ut incꞌaꞌ queꞌraj rabinquil ut queꞌxtzꞌekta̱na. Aꞌ ut li Jesús quixye reheb: —Junak profeta qꞌuebil xlokꞌal. Abanan saꞌ lix tenamit ut saꞌ li rochoch incꞌaꞌ qꞌuebil xlokꞌal, chan.

San Mateo 11:6

Us xak reheb li ani incꞌaꞌ ta̱chꞌina̱nk xchꞌo̱l inban, chan li Jesús.

San Juan 15:11

La̱in ninye e̱re aꞌin re nak textzꞌako̱nk riqꞌuin lix sahil inchꞌo̱l la̱in. Cui te̱ba̱nu li cꞌaꞌru ninye e̱re, numtajenakak xsahil e̱chꞌo̱l la̱ex.

Filipenses 1:10

Nintzꞌa̱ma chiru li Dios nak textenkꞌa re nak junelic te̱nau cꞌaꞌru li us ut cꞌaꞌru li incꞌaꞌ us. Ut ti̱cak taxak le̱ chꞌo̱l re nak ma̱ ani ta̱cuechꞌi̱nk e̱rix chalen nak tol-e̱lk cuiꞌchic li Jesucristo.