San Juan 15:8 - Li Santil hu

⁸ Nequeqꞌue xlokꞌal lin Yucuaꞌ riqꞌuin li cha̱bilal nequeba̱nu. Cui yo̱kex chixba̱nunquil li cꞌaꞌru naraj li Dios, la̱exak tzꞌakal intzolom.

Q'eqchi Bible

⁸ Rik'in a'in naxk'ul xloq'al linYuwa', naq q'axal chi'uuchinq leepaab'aal ut laa'exaq tz'aqal intzolom.

San Juan 15:8 ပူးပေါင်းရင်းမြစ်များ

San Juan 8:31

Li Jesús quia̱tinac riqꞌuineb laj judío li queꞌpa̱ban re. Quixye reheb: —Cui la̱ex te̱ba̱nu li cꞌaꞌru ninye e̱re, la̱exak tzꞌakal intzolom.

San Mateo 5:16

Joꞌcan ajcuiꞌ la̱ex. La̱ex lix cutan saken li ruchichꞌochꞌ. Chicꞌutu̱nk biꞌ le̱ cha̱bilal chiruheb le̱ ras e̱ri̱tzꞌin re nak eb aꞌan teꞌxqꞌue retal li us nequeba̱nu ut teꞌxqꞌue xlokꞌal le̱ Yucuaꞌ li cuan saꞌ choxa.

Filipenses 1:11

Ut riqꞌuin li cha̱bilal li qꞌuebil e̱re xban li Jesucristo, nequeqꞌue xlokꞌal li Dios.

San Juan 15:5

La̱in joꞌ li xto̱nal li uvas ut la̱ex joꞌ li rukꞌ. Cui cua̱nkex cuiqꞌuin ut la̱in cua̱nkin e̱riqꞌuin, la̱ex texcua̱nk saꞌ ti̱quilal ut texqꞌui̱k saꞌ le̱ pa̱ba̱l. Yal e̱junes ma̱cꞌaꞌ naru te̱ba̱nu.

1 Pedro 4:11

Cui ani cuan xma̱tan chi a̱tinac, chixyehak ra̱tin li Dios. Cui ani naraj cꞌanjelac, chi cꞌanjelac aꞌ yal chanru lix cacuilal qꞌuebil re xban li Dios. Riqꞌuin chixjunil li cꞌaꞌak re ru ta̱uxma̱nk, nimanbilak taxak xcꞌabaꞌ li Dios saꞌ xcꞌabaꞌ li Jesucristo. Aꞌan laj e̱chal re li nimajcual cuanquilal ut lokꞌoninbilak taxak chi junelic kꞌe cutan. Joꞌcan taxak.

San Juan 13:35

Cui te̱ra e̱rib che̱ribil e̱rib, chixjunileb teꞌxnau nak la̱ex intzolom, chan li Jesús.

Isaías 60:21

Chixjunileb li tenamit ti̱cakeb chic xchꞌo̱leb. Eb aꞌan teꞌre̱chani chi junelic lix naꞌajeb li quinqꞌue reheb. Chanchanakeb jun li cheꞌ aubil aran. Aꞌaneb li cualal incꞌajol li quebinyi̱b chak re nak teꞌxcꞌutbesi lin lokꞌal.

1 Corintios 10:31

La̱in tinye e̱re lix ya̱lal. Chixjunil li cꞌaꞌru te̱tzaca ut chixjunil li cꞌaꞌru te̱ba̱nu, cheba̱nuhak re xqꞌuebal xlokꞌal li Ka̱cuaꞌ Dios.

Isaías 61:3

Quinixtakla chixqꞌuebal li sahil chꞌo̱lejil reheb li teꞌya̱bak aran Sión re nak incꞌaꞌ chic rahak saꞌ xchꞌo̱leb. Tinqꞌueheb xlokꞌal chokꞌ re̱kaj li cha. Tinqꞌue li sahil chꞌo̱lejil chokꞌ re̱kaj li rahil chꞌo̱lejil. Tebinqꞌue chi bicha̱nc chokꞌ re̱kaj li ya̱bac. Chanchanakeb li cheꞌ li kꞌaxal cau xban nak chꞌolaninbileb xban li Ka̱cuaꞌ ut teꞌxba̱nu li ti̱quilal. Ut li Ka̱cuaꞌ ta̱qꞌuehekꞌ xlokꞌal riqꞌuin li teꞌxba̱nu.

1 Corintios 6:20

Lokꞌbilex chic chi terto e̱tzꞌak. Joꞌcan nak ti̱cak le̱ yuꞌam ut chelokꞌoni li Dios xban nak rehex chic.

San Lucas 6:35

Joꞌcan ut nak cherahakeb li ani xicꞌ nequeꞌiloc e̱re. Cheba̱nuhak usilal reheb. Ut cheqꞌuehak chi toꞌ re li cꞌaꞌru tixpatzꞌ e̱re chi incꞌaꞌ te̱roybeni re̱kaj. Cui te̱ba̱nu aꞌan, kꞌaxal nim le̱ kꞌajca̱munquil li ta̱qꞌuehekꞌ e̱re ut la̱exak li ralal xcꞌajol li nimajcual Dios. Aꞌan kꞌaxal nim xcuyum saꞌ xbe̱neb li incꞌaꞌ useb xnaꞌleb li incꞌaꞌ nequeꞌxnau bantioxi̱nc.

Hageo 1:8

Joꞌcan nak ayukex saꞌ li qꞌuicheꞌ ut sicꞌomak chak li cheꞌ ut yi̱bomak cuiꞌchic lin santil templo ut la̱in ta̱sahokꞌ saꞌ inchꞌo̱l ut aran tinlokꞌoni̱k, chan li Ka̱cuaꞌ.

1 Pedro 2:12

Cha̱bilak taxak le̱ naꞌleb chiruheb li ma̱jiꞌ nequeꞌpa̱ban. Usta yo̱keb chixyebal nak incꞌaꞌ us le̱ naꞌleb, aban cui te̱ba̱nu li us, teꞌxqꞌue retal ut teꞌxnima xlokꞌal li Dios nak ta̱cuulak xkꞌehil li rakba a̱tin.

Tito 2:10

Incꞌaꞌ cheꞌrelkꞌa li cꞌaꞌru reheb lix patroneb. Cheꞌxba̱nuhak ban lix cꞌanjel chi cha̱bil ut chi anchalakeb xchꞌo̱l re nak ta̱qꞌuehekꞌ xlokꞌal li resilal li Dios li kaColonel riqꞌuin chixjunil li teꞌxba̱nu.

Tito 2:5

Teꞌxcꞌut chiruheb nak cha̱bilakeb xnaꞌleb, ti̱cakeb lix chꞌo̱leb ut teꞌril lix jun cablal chi us. Cha̱bilakeb ut cheꞌpa̱ba̱nk chiru lix be̱lomeb. Cheꞌcua̱nk saꞌ xya̱lal re nak incꞌaꞌ ta̱sachma̱nk xcuanquil li colba-ib qꞌuebil ke xban li Dios.

San Mateo 5:44

Abanan la̱in tinye e̱re, cherahak li xicꞌ na-iloc e̱re. Chetzꞌa̱ma usilal saꞌ xbe̱neb li nequeꞌhoboc e̱re. Cheba̱nuhak li us reheb li xicꞌ nequeꞌiloc e̱re ut chextijok chirix li nequeꞌba̱nun ma̱usilal e̱re ut nequeꞌrahobtesin e̱re.

San Mateo 9:8

Nak li qꞌuila tenamit queꞌril li quicꞌulman, queꞌxucuac ut queꞌxqꞌue xlokꞌal li Dios li quiqꞌuehoc chak xcuanquil li Jesús chi qꞌuirtesi̱nc ut chi cuyuc ma̱c.