San Juan 15:19 - Li Santil hu

¹⁹ Cui ta la̱ex incꞌaꞌ xine̱pa̱b la̱in, raro̱kex raj xbaneb li incꞌaꞌ nequeꞌpa̱ban. Abanan la̱ex ma̱cuaꞌex chic jun saꞌ xya̱nkeb xban nak la̱in xinsicꞌoc e̱ru. Joꞌcan nak xicꞌ nequex-ileꞌ xbaneb.

Q'eqchi Bible

¹⁹ Wi ta rehex li ruuchich'och', texxra raj li ruuchich'och' jo' naq naxra li re. Ab'anan moko rehex ta li ruuchich'och', laa'in b'an xinsik'ok eeru ut xexwisi chisa': jo'kan naq xik' nekexril li ruuchich'och'.

San Juan 15:19 ပူးပေါင်းရင်းမြစ်များ

San Juan 15:16

Ma̱cuaꞌ la̱ex xexsicꞌoc cuu la̱in. La̱in ban xinsicꞌoc e̱ru la̱ex ut xexinxakab chixba̱nunquil li ti̱quilal. Le̱ ti̱quilal incꞌaꞌ ta̱osokꞌ. Ta̱cua̱nk ban chi junelic. Ut lin Yucuaꞌ tixqꞌue e̱re chixjunil li te̱tzꞌa̱ma saꞌ incꞌabaꞌ la̱in.

1 Juan 3:12

Mikata̱ke xnaꞌleb laj Caín xban nak aꞌan re laj tza. Aꞌan quixcamsi li ri̱tzꞌin. ¿Cꞌaꞌut nak quixcamsi li ri̱tzꞌin? Xban nak ti̱c xchꞌo̱l li ri̱tzꞌin chiru li Dios ut laj Caín junes ma̱usilal naxba̱nu.

San Lucas 6:32

Cui caꞌaj cuiꞌ li ani narahoc e̱re nequera, ma̱cꞌaꞌ xjalanil li yo̱quex chixba̱nunquil, riqꞌuin li nequeꞌxba̱nu li ma̱jiꞌ nequeꞌpa̱ban xban nak caꞌaj cuiꞌ li ani narahoc reheb nequeꞌxra.

1 Pedro 4:3

Tzꞌakal taxak li ma̱c li xeba̱nu chak. Xeba̱nu joꞌ nequeꞌxba̱nu li incꞌaꞌ nequeꞌpa̱ban chiru li Dios. Junxil nasemsot le̱ chꞌo̱l riqꞌuin li joꞌ ma̱joꞌil naꞌleb. Xeba̱nu chak li cala̱c ut li ninkꞌei̱c. Xeba̱nu chak li numcuaꞌac num ucꞌac. Ut xeba̱nu ajcuiꞌ li tzꞌekbe̱talil aj naꞌleb. Xuta̱nal xeba̱nu chak junxil nak xenima chak ruheb li yi̱banbil dios.

Apocalipsis 12:17

Cꞌajoꞌ nak quijoskꞌoꞌ li dragón saꞌ xbe̱n li ixk. Co̱ chi pletic riqꞌuineb li ralal xcꞌajol, li joꞌ qꞌuial chic queꞌcana. Aꞌaneb li nequeꞌba̱nun re lix chakꞌrab li Dios ut nequeꞌpa̱ban re lix ya̱lal li quixchꞌolob li Jesucristo.

Apocalipsis 12:9

Quicuteꞌ saꞌ ruchichꞌochꞌ xban li Dios li joskꞌ aj dragón. Li dragón, aꞌan li cꞌantiꞌ li ac cuan ajcuiꞌ chak najter. Aꞌan laj tza li nabalakꞌin reheb li cuanqueb saꞌ ruchichꞌochꞌ. Satanás nayeman re. Quicuteꞌ saꞌ ruchichꞌochꞌ laj tza ut queꞌcuteꞌ ajcuiꞌ li ángel li queꞌta̱ken re.

San Mateo 10:22

Ut chixjunileb xicꞌ teꞌilok e̱re saꞌ incꞌabaꞌ. Abanan li ani teꞌcuyuk xcꞌulbal li raylal toj saꞌ rosoꞌjic lix yuꞌam, eb aꞌan teꞌcolekꞌ.

San Mateo 24:9

Tojoꞌnak texkꞌaxtesi̱k ut texrahobtesi̱k ut texcamsi̱k. Ut xicꞌ tex-ilekꞌ xbaneb chixjunileb li tenamit saꞌ incꞌabaꞌ la̱in.

San Juan 6:70

Quixye li Jesús: —¿Ma ma̱cuaꞌ ta biꞌ la̱in xinsicꞌoc e̱ru la̱ex li cablaju? La̱in xinsicꞌoc e̱ru ut jun saꞌ e̱ya̱nk xkꞌaxtesi rib re laj tza, chan.

San Juan 13:18

Incꞌaꞌ yo̱quin chi a̱tinac che̱rix che̱junilex. La̱in ninnau chanru le̱ naꞌleb xban nak la̱in xinsicꞌoc e̱ru. Abanan tento nak ta̱tzꞌaklok ru li tzꞌi̱banbil saꞌ li Santil Hu li naxye chi joꞌcaꞌin: Li jun li nacuaꞌac cuochben, aꞌan li ta̱tzꞌekta̱na̱nk cue.

Santiago 4:4

La̱ex chanchanex li nequeꞌxmux ru lix sumlajic xban nak la̱ex nequera ru li ma̱c. Ma̱cuaꞌ li Dios nequecꞌoxla. Cui la̱ex nequera ru li cua̱nc saꞌ lix ma̱usilal li ruchichꞌochꞌ xicꞌ yo̱quex chirilbal li Dios.