San Juan 15:16 - Li Santil hu

¹⁶ Ma̱cuaꞌ la̱ex xexsicꞌoc cuu la̱in. La̱in ban xinsicꞌoc e̱ru la̱ex ut xexinxakab chixba̱nunquil li ti̱quilal. Le̱ ti̱quilal incꞌaꞌ ta̱osokꞌ. Ta̱cua̱nk ban chi junelic. Ut lin Yucuaꞌ tixqꞌue e̱re chixjunil li te̱tzꞌa̱ma saꞌ incꞌabaꞌ la̱in.

Q'eqchi Bible

¹⁶ “Moko laa'ex ta xexsik'ok wu; laa'in b'an xinsik'ok eeru ut xexinxaqab' re texxik ut chi'uuchinq leepaab'aal, ut li taaruuchin leepaab'aal wanq chi junelik. Chi jo'kan chixjunil li teetz'aama chiru li Yuwa'b'ej sa' ink'ab'a', taak'eemanq eere.

San Juan 15:16 ပူးပေါင်းရင်းမြစ်များ

San Juan 15:19

Cui ta la̱ex incꞌaꞌ xine̱pa̱b la̱in, raro̱kex raj xbaneb li incꞌaꞌ nequeꞌpa̱ban. Abanan la̱ex ma̱cuaꞌex chic jun saꞌ xya̱nkeb xban nak la̱in xinsicꞌoc e̱ru. Joꞌcan nak xicꞌ nequex-ileꞌ xbaneb.

Efesios 2:10

Li Dios coxyoꞌobtesi ut quixqꞌue ke li acꞌ yuꞌam saꞌ xcꞌabaꞌ li Jesucristo re nak cha̱bilak li kayuꞌam xban nak ac joꞌcan cꞌu̱banbil chak xban li Dios junxil re nak cha̱bilak li kayehom kaba̱nuhom.

San Lucas 6:13

Nak ac xsake̱u quixbokeb lix tzolom ut quixsicꞌ ruheb li cablaju saꞌ xya̱nkeb ut quixqꞌueheb chokꞌ apóstol. Aꞌaneb aꞌin li apóstol li quixsicꞌ ruheb:

Gálatas 1:15

Nak toj ma̱jiꞌ ninyoꞌla, xban xnimal rusilal, li Dios ac xsicꞌ chak cuu re tincꞌanjelak chiru.

1 Juan 4:19

La̱o nakara li Dios xban nak aꞌan xrahoc ke xbe̱n cua.

Hechos 22:14

Ut quixye cuiꞌchic cue, “Li Dios li queꞌxlokꞌoni chak li kaxeꞌto̱nil yucuaꞌ, aꞌan quisicꞌoc chak a̱cuu re nak ta̱nau ut ta̱ba̱nu li cꞌaꞌru naraj aꞌan. Aꞌan naraj nak ta̱cuil ru li jun li Ti̱c Xchꞌo̱l ut ta̱cuabi li cꞌaꞌru tixye a̱cue.

2 Timoteo 2:2

Li xya̱lal li xincꞌut cha̱cuu chiruheb nabaleb li cristian, aꞌan ajcuiꞌ chajultica chiruheb li cui̱nk li ti̱queb xchꞌo̱leb re nak eb aꞌan chic teꞌcꞌutuk re chiruheb jalaneb chic.

San Juan 13:18

Incꞌaꞌ yo̱quin chi a̱tinac che̱rix che̱junilex. La̱in ninnau chanru le̱ naꞌleb xban nak la̱in xinsicꞌoc e̱ru. Abanan tento nak ta̱tzꞌaklok ru li tzꞌi̱banbil saꞌ li Santil Hu li naxye chi joꞌcaꞌin: Li jun li nacuaꞌac cuochben, aꞌan li ta̱tzꞌekta̱na̱nk cue.

San Juan 6:70

Quixye li Jesús: —¿Ma ma̱cuaꞌ ta biꞌ la̱in xinsicꞌoc e̱ru la̱ex li cablaju? La̱in xinsicꞌoc e̱ru ut jun saꞌ e̱ya̱nk xkꞌaxtesi rib re laj tza, chan.

1 Pedro 3:15

Cheqꞌuehak ban xlokꞌal li Ka̱cuaꞌ Jesucristo chi anchal e̱chꞌo̱l ut chekꞌaxtesihak e̱rib saꞌ rukꞌ. Chenauhak xsumenquil li teꞌraj patzꞌoc e̱re chirix le̱ pa̱ba̱l. Ac cua̱nk saꞌ le̱ chꞌo̱l cꞌaꞌru te̱sumeheb cuiꞌ. Ut chesumehakeb saꞌ xya̱lal ut saꞌ tu̱lanil.

Salmos 71:18

At inDios, mina̱canab injunes anakcuan nak ac ti̱xin chic ut sak chic injolom xban nak tento tinye resil la̱ cuanquilal reheb li tenamit aꞌin ut reheb li alal cꞌajolbej li teꞌyoꞌla̱k mokon.

1 Juan 4:10

Li tzꞌakal rahoc, aꞌan aꞌin: ma̱cuaꞌo la̱o xorahoc re li Dios. Aꞌan ban quirahoc ke la̱o xban nak quixtakla chak li Ralal chi ca̱mc re xtojbal rix li kama̱c.

Proverbios 11:30

Li ti̱quilal naqꞌuehoc yuꞌam. Li ani cuan xnaꞌleb naxchꞌolob xya̱lal re nak jalaneb chic teꞌxtau li junelic yuꞌam.

Hechos 1:24

Ut queꞌoc chi tijoc ut queꞌxye: —At Ka̱cuaꞌ, la̱at nacanau chanru li ra̱m li junju̱nk. Joꞌcan nak nakatzꞌa̱ma cha̱cuu nak ta̱cꞌutbesi chiku ani reheb li cuib aꞌin ta̱sicꞌ ru re ta̱cana̱k chi cꞌanjelac chokꞌ re̱kaj laj Judas.

Isaías 27:6

Saꞌ eb li cutan teꞌcha̱lk eb laj Israel li ralal xcꞌajol laj Jacob teꞌnabalokꞌ saꞌ ruchichꞌochꞌ ut teꞌcua̱nk yalak bar. Us teꞌe̱lk riqꞌuin li cꞌaꞌru teꞌxba̱nu. Chanchanakeb li cheꞌ li naxchap xxeꞌ chi us ut nabal li ru naxqꞌue.

1 Pedro 3:2

Ma̱re teꞌpa̱ba̱nk le̱ be̱lom nak teꞌxqꞌue retal nak neque-oxlokꞌiheb ut cha̱bil e̱naꞌleb.

Romanos 15:4

Chixjunil li cꞌaꞌak re ru quitzꞌi̱ba̱c chak najter saꞌ li Santil Hu, re katzolbal nak quitzꞌi̱ba̱c chak. Nocoxtenkꞌa re nak incꞌaꞌ ta̱chꞌina̱nk li kachꞌo̱l ut naxcꞌojob li kachꞌo̱l re nak takacuy roybeninquil nak ta̱tzꞌaklok ru li kacolbal.

Hechos 9:15

Ut li Ka̱cuaꞌ quixye re: —Ayu xban nak li cui̱nk aꞌan sicꞌbil ru inban re xyebal resil li colba-ib saꞌ incꞌabaꞌ la̱in reheb li cuanqueb saꞌ xcuanquil ut reheb ajcuiꞌ li ma̱cuaꞌeb aj judío joꞌqueb ajcuiꞌ li ralal xcꞌajol laj Israel.

San Mateo 21:22

Ut chixjunil li cꞌaꞌru te̱tzꞌa̱ma nak textijok, cui te̱pa̱b nak te̱cꞌul, ta̱qꞌuehekꞌ e̱re.

Salmos 145:4

At nimajcual Dios, ta̱qꞌuehekꞌ a̱lokꞌal chi junelic kꞌe cutan xban li cꞌaꞌru calaja̱ba̱nu. Eb li naꞌbej yucuaꞌbej teꞌxye reheb li ralal xcꞌajol li cꞌaꞌru caba̱nu riqꞌuin la̱ cuanquil. Ut eb aꞌan teꞌxye resil reheb li ralal xcꞌajoleb li teꞌcua̱nk mokon.

2 Timoteo 1:11

Li Dios quixakaban cue chi cꞌanjelac chokꞌ apóstol ut chokꞌ aj tzolol reheb li ma̱cuaꞌeb aj judío re nak tinye resil li colba-ib reheb.

1 Corintios 10:11

Li cꞌaꞌru queꞌxcꞌul li kaxeꞌto̱nil yucuaꞌ aꞌan tzꞌi̱banbil retalil saꞌ li Santil Hu re nak la̱o takaqꞌue retal ut incꞌaꞌ takaba̱nu joꞌ queꞌxba̱nu eb aꞌan xban nak cuulac re li rosoꞌjic li cutan.

Romanos 9:21

Aꞌ yal re laj pacꞌonel chanru nak tixyi̱b li tixpacꞌ. Cui naraj naru tixyi̱b cuib chi ucꞌal riqꞌuin junaj chi seb. Naru tixpacꞌ junak secꞌ cha̱bil, sicꞌbil ru lix cꞌanjel, ut li jun chic ma̱re re ta̱cꞌanjelak re yalak cꞌaꞌru.

Santiago 3:18

Li qꞌuebileb xnaꞌleb xban li Dios cuanqueb saꞌ usilal ut nequeꞌxtenkꞌa ajcuiꞌ li ras ri̱tzꞌin chi cua̱nc saꞌ usilal.

Hebreos 11:4

Xban lix pa̱ba̱l laj Abel, quixqꞌue jun xmayej cha̱bil chiru li quixqꞌue laj Caín. Xban lix pa̱ba̱l, li Dios quixye nak ti̱c xchꞌo̱l ut quixcꞌul lix mayej. Usta camenak chic laj Abel, aban toj cuan retalil chokꞌ ke la̱o chanru nak quipa̱ban chiru li Dios.

Tito 1:5

Xatincanab aran saꞌ li tenamit Creta re nak ta̱cꞌu̱b ru li cꞌaꞌru toj yi̱ba̱c naraj ut re nak ta̱xakabeb li teꞌcꞌamok be chiruheb laj pa̱banel saꞌ li junju̱nk chi tenamit. Joꞌ xinye a̱cue, joꞌcan ta̱ba̱nu.

Colosenses 1:6

Chanru nak xerabi resil li colba-ib la̱ex, joꞌcan ajcuiꞌ nak yo̱queb chirabinquil saꞌ chixjunil li ruchichꞌochꞌ. Nabal yo̱queb chi jalac lix naꞌlebeb joꞌ nak xjala le̱ naꞌleb la̱ex chalen nak xerabi resil li colba-ib ut quetau ru chi tzꞌakal li rusilal li Dios.

Romanos 1:5

Saꞌ xcꞌabaꞌ li Ka̱cuaꞌ Jesucristo qꞌuebilin chokꞌ apóstol xban li Dios re xchꞌolobanquil xya̱lal chiruheb li tenamit yalak bar re nak teꞌxpa̱b li Jesucristo ut teꞌxba̱nu li cꞌaꞌru naraj.

Hechos 10:41

Incꞌaꞌ quixcꞌutbesi rib chiruheb chixjunileb. Caꞌaj cuiꞌ chiruheb li quisiqꞌueꞌ ruheb junxil xban li Dios. La̱o cocuaꞌac ut co-ucꞌac riqꞌuin nak ac xcuacli cuiꞌchic chi yoꞌyo saꞌ xya̱nkeb li camenak.

1 Timoteo 2:7

Ut la̱in li taklanbilin xban li Dios chixyebal resil lix ya̱lal aꞌin chiruheb li ma̱cuaꞌeb aj judío. Taklanbilin chixyebal resil re nak teꞌxnau cꞌaꞌru li ya̱l ut teꞌpa̱ba̱nk. Moco ticꞌtiꞌ ta li yo̱quin chixyebal. Tzꞌakal ya̱l nak xakabanbilin chixyebal li resilal reheb.

Colosenses 1:23

Abanan tento nak texpa̱ba̱nk chi tzꞌakal ut cauhak e̱chꞌo̱l riqꞌuin li Dios saꞌ le̱ pa̱ba̱l. Me̱canab xyoꞌoninquil li yechiꞌinbil e̱re saꞌ xcꞌabaꞌ li colba-ib xban nak la̱ex ac nequenau nak saꞌ e̱cꞌabaꞌ quicam li Jesucristo. Ut li resil li ac xerabi la̱ex yo̱queb chirabinquil saꞌ chixjunil li ruchichꞌochꞌ. La̱in laj Pablo, tenebanbil saꞌ inbe̱n xyebal resilal li colba-ib.

Miqueas 5:7

Ut eb laj Israel li incꞌaꞌ teꞌosokꞌ saꞌ li ple̱t teꞌxtenkꞌa nabal chi tenamit. Chanchanakeb li xchuꞌque li naxqꞌue chak li Ka̱cuaꞌ. Chanchanakeb li hab li natꞌakresin re li acui̱mk. Incꞌaꞌ teꞌyoꞌoni̱nk chi moco cauhakeb xchꞌo̱l riqꞌuin cui̱nk. Riqꞌuin ban li Dios cꞌojcꞌo̱keb xchꞌo̱l.

Génesis 18:18

Laj Abraham, aꞌan li ta̱oc chokꞌ xxeꞌto̱nil yucuaꞌeb li qꞌuila tenamit ut eb aꞌan nimak xcuanquileb. Chixjunileb li tenamit saꞌ ruchichꞌochꞌ teꞌxcꞌul li usilal saꞌ xcꞌabaꞌ laj Abraham.

Romanos 1:13

Ex herma̱n, nacuaj nak te̱nau nak nabal sut nincꞌoxla raj xic e̱riqꞌuin, abanan toj ma̱jiꞌ naru ninxic. Ma̱re cuan raj teꞌpa̱ba̱nk aran nak teꞌrabi ra̱tin li Dios li tinchꞌolob xya̱lal chiruheb joꞌ nak queꞌpa̱ban chak chicuu saꞌ eb li tenamit quinnumeꞌ cuiꞌ chak.

Hechos 1:8

La̱ex te̱cꞌul le̱ cuanquil nak ta̱cha̱lk li Santil Musikꞌej e̱riqꞌuin. La̱ex chic texchꞌoloba̱nk resilal chicuix la̱in arin Jerusalén, aran Judea ut Samaria. Joꞌ ajcuiꞌ yalak bar jun sut saꞌ ruchichꞌochꞌ te̱chꞌolob lix ya̱lal, chan.

San Mateo 7:7

Nak ta̱paltok cꞌaꞌru e̱re, chextzꞌa̱ma̱nk chiru li Dios ut aꞌan tixqꞌue e̱re; chesicꞌak ut te̱tau, chebokak ut li puerta ta̱tehekꞌ che̱ru.

San Juan 15:5

La̱in joꞌ li xto̱nal li uvas ut la̱ex joꞌ li rukꞌ. Cui cua̱nkex cuiqꞌuin ut la̱in cua̱nkin e̱riqꞌuin, la̱ex texcua̱nk saꞌ ti̱quilal ut texqꞌui̱k saꞌ le̱ pa̱ba̱l. Yal e̱junes ma̱cꞌaꞌ naru te̱ba̱nu.