San Juan 15:14 - Li Santil hu

¹⁴ Cui te̱ba̱nu li cꞌaꞌru ninye e̱re, la̱exak li raro̱kex inban.

Q'eqchi Bible

¹⁴ Laa'ex li wamiiw wi nekeb'aanu li nekexintaqla wi'.

San Juan 15:14 ပူးပေါင်းရင်းမြစ်များ

San Mateo 12:50

Chixjunileb li teꞌba̱nu̱nk re li naraj lin Yucuaꞌ li cuan saꞌ choxa, aꞌaneb li cui̱tzꞌin, aꞌaneb li cuanab ut aꞌaneb lin naꞌ, chan.

1 Juan 5:3

Aꞌan aꞌin lix ra̱bal li Dios: nak takapa̱b lix chakꞌrab. Moco chꞌaꞌaj ta xpa̱banquil lix chakꞌrab.

Santiago 2:23

Ut quicꞌulman joꞌ naxye saꞌ li Santil Hu: Laj Abraham quixpa̱b li Dios ut riqꞌuin aꞌan li Dios quixye nak ti̱c xchꞌo̱l. Ut xban aꞌan nayeman nak laj Abraham raro xban li Dios.

San Juan 14:21

Li ani naxcꞌul lin chakꞌrab ut naxba̱nu li naxye, aꞌan li narahoc cue. Li ani narahoc cue naraheꞌ ajcuiꞌ xban lin Yucuaꞌ. Ut la̱in tinra ajcuiꞌ aꞌan ut tincꞌutbesi cuib chiru, chan li Jesús reheb lix tzolom.

San Juan 14:15

Cui niquine̱ra, cheba̱nuhak joꞌ xexinchakꞌrabi cuiꞌ.

San Lucas 12:4

Ex cuami̱g, la̱in ninye e̱re nak mexxucuac chiruheb li ani teꞌraj camsi̱nc e̱re xban nak ma̱cꞌaꞌ naru teꞌxba̱nu riqꞌuin le̱ ra̱m.

San Juan 13:17

Ac nequenau chic xya̱lal. Us xak e̱re cui la̱ex te̱ba̱nu li cꞌaꞌru xetzol cuiqꞌuin.

Isaías 41:8

Abanan la̱ex aj Israel, la̱ex li texcꞌanjelak chicuu. La̱ex li ralalex xcꞌajol laj Jacob li sicꞌbil ru inban. La̱ex ralalex cꞌajol laj Abraham li ninra.

San Juan 2:5

Lix naꞌ li Jesús quixye reheb li yo̱queb chi cꞌanjelac: —Cheba̱nuhak li cꞌaꞌru tixye e̱re, chan.

San Juan 14:28

Ac xinye e̱re nak tinxic, ut tincha̱lk cuiꞌchic. Cui ya̱l nak niquine̱ra, ta̱sahokꞌ raj saꞌ e̱chꞌo̱l nak tinxic riqꞌuin lin Yucuaꞌ, xban nak aꞌan kꞌaxal nim xcuanquil chicuu la̱in.

2 Crónicas 20:7

At kaDios, ¿ma ma̱cuaꞌ ta biꞌ la̱at cat-isin reheb li cuanqueb saꞌ li naꞌajej aꞌin nak yo̱queb chi oc arin eb laj Israel la̱ tenamit? Ut caqꞌue li naꞌajej aꞌin reheb re teꞌcua̱nk chi junelic xban nak eb aꞌan ralal xcꞌajol laj Abraham li raro a̱ban.

Cantares 5:1

At xsum cua̱m, la̱in nacatinra. La̱in xin-oc saꞌ lix naꞌaj li cuacui̱mk. Yo̱quin chixsicꞌbal li mirra ut li sununquil ban. Yo̱quin chixloubal li xyaꞌal cab ut yo̱quin chirucꞌbal li vino ut li leche. Cuaꞌinkex, ex kas ki̱tzꞌin, ut ucꞌankex, la̱ex li nequexkara. Tzacahomak li joꞌ qꞌuial te̱raj.

Proverbios 18:24

Cuan amigo incꞌaꞌ chꞌaꞌaj nak nequeꞌxyoꞌob junak chꞌaꞌajquilal. Abanan cuan li tzꞌakal amigo kꞌaxal cuiꞌchic cha̱bil chiru junak asbej.

Éxodo 7:6

Laj Moisés ut laj Aarón queꞌxba̱nu chi tzꞌakal re ru li quiyeheꞌ reheb xban li Ka̱cuaꞌ Dios.

Li xHu LIX RUT 3:6

Ut lix Rut co̱ saꞌ li naꞌajej li bar yo̱queb cuiꞌ chirisinquil saꞌ rix li cebada. Ut quixba̱nu chixjunil li quiyeheꞌ re xban lix Noemí.

1 Reyes 4:5

Laj Azarías li ralal laj Natán, aꞌan li kꞌaxal nim xcuanquil saꞌ xbe̱neb li nequeꞌtaklan. Ut laj Zabud, aꞌan jun chic ralal laj Natán, aꞌan li quiqꞌuehoc xnaꞌleb li rey ut tzꞌakal rami̱g.

2 Reyes 18:6

Chi anchal xchꞌo̱l quixpa̱b li Dios ut ma̱ jun sut quixkꞌet li ra̱tin. Quixba̱nu ban chixjunil li quixye saꞌ li chakꞌrab li quiqꞌueheꞌ re laj Moisés xban li Ka̱cuaꞌ.

Jeremías 32:23

Queꞌre̱chani li naꞌajej ut queꞌxyal xsahil. Abanan incꞌaꞌ queꞌxba̱nu li cꞌaꞌru caye reheb, chi moco queꞌxba̱nu li naxye saꞌ la̱ chakꞌrab. Incꞌaꞌ queꞌxba̱nu li cꞌaꞌru cataklaheb cuiꞌ. Joꞌcan nak la̱at caqꞌue chixjunil li raylal aꞌin saꞌ xbe̱neb.

Ezequiel 12:7

Ut quinba̱nu joꞌ quixye cue li Ka̱cuaꞌ. Saꞌ li cutan aꞌan quinyi̱b li cꞌaꞌru cue re tincꞌam joꞌ naxba̱nu junak nak yo̱ chi e̱lelic. Ut nak oc re li kꞌojyi̱n, la̱in quinhop riqꞌuin cuukꞌ li tzꞌac ut quin-el saꞌ li tenamit. Ut chiruheb chixjunileb quinqꞌue li cui̱k saꞌ xbe̱n intel ut co̱in.