San Juan 15:11 - Li Santil hu

¹¹ La̱in ninye e̱re aꞌin re nak textzꞌako̱nk riqꞌuin lix sahil inchꞌo̱l la̱in. Cui te̱ba̱nu li cꞌaꞌru ninye e̱re, numtajenakak xsahil e̱chꞌo̱l la̱ex.

Q'eqchi Bible

¹¹ “Xinye a'in eere re naq li xsahilal inch'ool chiwanq eerik'in ut li xsahilal eech'ool tz'aqalaq re ru.

San Juan 15:11 ပူးပေါင်းရင်းမြစ်များ

Romanos 15:13

Li Dios aꞌan li kayoꞌon. Aꞌan taxak chiqꞌuehok xsahil e̱chꞌo̱l chi nabal ut tixqꞌue ajcuiꞌ e̱re li tuktu̱quil usilal xban nak nequexpa̱ban. Xban nak cuan xcuanquil li Santil Musikꞌej e̱riqꞌuin, cauhak taxak e̱chꞌo̱l chi oybeni̱nc.

San Juan 17:13

Anakcuan xic cue a̱cuiqꞌuin. Abanan yo̱quin chixyebal li cꞌaꞌak re ru aꞌin nak toj cuanquin saꞌ ruchichꞌochꞌ re nak ta̱cua̱nk xsahil xchꞌo̱leb aꞌan joꞌ li xsahil inchꞌo̱l la̱in.

San Juan 16:24

Chalen anakcuan toj ma̱cꞌaꞌ nequetzꞌa̱ma saꞌ incꞌabaꞌ. Chextzꞌa̱ma̱nk ut ta̱qꞌuehekꞌ e̱re re nak kꞌaxal cuiꞌchic ta̱sahokꞌ saꞌ e̱chꞌo̱l, chan li Jesús.

1 Juan 1:4

Saꞌ li hu aꞌin nakatakla xyebal e̱re re nak chitzꞌaklok ru lix sahil e̱chꞌo̱l che̱junilex, joꞌ ajcuiꞌ lix sahil kachꞌo̱l la̱o.

1 Pedro 1:8

Nequera li Cristo usta incꞌaꞌ nequeril ru. Nequepa̱b li Cristo, usta incꞌaꞌ e̱rilom ru. Kꞌaxal cuiꞌchic numtajenak xsahil saꞌ e̱chꞌo̱l chixpa̱banquil. Ut incꞌaꞌ nequetau junak a̱tin re xchꞌolobanquil lix sahil e̱chꞌo̱l xban nak kꞌaxal lokꞌ.

2 Juan 1:12

Cuan raj chic nabal tinye e̱re, abanan incꞌaꞌ nacuaj xtzꞌi̱banquil saꞌ li hu aꞌin. La̱in nacuaj xic e̱riqꞌuin re nak toa̱tinak ut takil xsahil kachꞌo̱l chi kibil kib.

San Juan 16:33

Xinye e̱re li cꞌaꞌak re ru aꞌin re nak texcua̱nk cuiqꞌuin ut ta̱cua̱nk e̱riqꞌuin li tuktu̱quilal. Saꞌ li ruchichꞌochꞌ te̱cꞌul li raylal. Abanan cacuubresihomak le̱ chꞌo̱l xban nak la̱in ac xinnumta saꞌ xbe̱n li nataklan saꞌ ruchichꞌochꞌ, chan li Jesús reheb lix tzolom.

2 Corintios 1:24

Moco yo̱co ta xminbal e̱ru saꞌ le̱ pa̱ba̱l. Ac cau e̱chꞌo̱l saꞌ le̱ pa̱ba̱l. Yo̱co ban che̱tenkꞌanquil re nak sahak e̱chꞌo̱l saꞌ le̱ pa̱ba̱l.

1 Ts 5:16

Junelic chisahokꞌ saꞌ e̱chꞌo̱l.

San Lucas 15:32

Abanan tento nak toninkꞌei̱k anakcuan ut ta̱sahokꞌ saꞌ kachꞌo̱l xban nak la̱ cui̱tzꞌin chanchan camenak nak xcuan; abanan xsukꞌi cuiꞌchic chi yoꞌyo. Quisach ut xtauman cuiꞌchic, chan li yucuaꞌbej.

San Lucas 15:9

Ut nak tixtau, tixchꞌutubeb li rami̱g ut eb li rech cabal ut tixye reheb: “Chisahokꞌ saꞌ kachꞌo̱l cuochbenex xban nak xintau lin tumin li quisach chicuu,” chaꞌak.

Filipenses 1:25

Ninnau chi tzꞌakal nak naru texintenkꞌa. Joꞌcan nak ninnau nak tincua̱nk saꞌ e̱ya̱nk re e̱tenkꞌanquil. Texintenkꞌa re nak sahak saꞌ e̱chꞌo̱l nak yo̱kex chi qꞌui̱c saꞌ le̱ pa̱ba̱l.

Efesios 5:18

Mexcala chic xban nak napoꞌoc chꞌo̱lej. Chinujak ban le̱ chꞌo̱l riqꞌuin li Santil Musikꞌej.

San Juan 3:29

Junak cui̱nk xic re chi sumla̱c cuan li ixakilbej riqꞌuin. Ut li rami̱g cuan aran ut nasahoꞌ saꞌ xchꞌo̱l chirabinquil li naxye li be̱lomej. Li Cristo, aꞌan joꞌ jun li be̱lomej ut la̱in yal joꞌ jun li rami̱g. La̱in nasahoꞌ saꞌ inchꞌo̱l nak yo̱queb chi xic li cristian riqꞌuin xban nak aꞌan li tzꞌakal aj Colonel.

San Lucas 15:5

Ut nak tixtau, ta̱sahokꞌ saꞌ xchꞌo̱l ut tixqꞌue saꞌ xbe̱n xtel,

San Lucas 15:23

Ut cꞌamomak chak li chꞌina cuacax, li chꞌolaninbil chi us. Camsihomak ut toninkꞌei̱k,

Jeremías 32:41

Ta̱sahokꞌ saꞌ inchꞌo̱l chixba̱nunquil usilal reheb. Ut tinqꞌueheb chi cua̱nc saꞌ li naꞌajej aꞌin. Relic chi ya̱l tinba̱nu aꞌin chi anchal inchꞌo̱l ut chi anchal inmetzꞌe̱u.

Isaías 53:11

Nabal li raylal quixcꞌul nak toj yoꞌyo saꞌ ruchichꞌochꞌ. Abanan ta̱qꞌuehekꞌ cuiꞌchic lix sahil xchꞌo̱l ut tixnau nak cuan rajbal nak quixcꞌul li raylal. Laj cꞌanjel chiru li Dios ti̱c xchꞌo̱l ut aꞌan tixtoj rix lix ma̱queb nabal ut saꞌ xcꞌabaꞌ aꞌan li Dios tixcuy tixsacheb lix ma̱queb.

Sofonías 3:17

Li Ka̱cuaꞌ le̱ Dios cuan e̱riqꞌuin. Aꞌan nim xcuanquil ut aꞌan ta̱colok e̱re. Li Ka̱cuaꞌ sahak xchꞌo̱l e̱riqꞌuin ut riqꞌuin xnimal xrahom tixqꞌue e̱re li acꞌ yuꞌam. Ut ta̱bicha̱nk xban xsahil saꞌ xchꞌo̱l.

Jeremías 33:9

Cꞌajoꞌ nak ta̱sahokꞌ saꞌ inchꞌo̱l chirilbal li tenamit Jerusalén. Ut eb li jalan tenamit li cuanqueb saꞌ ruchichꞌochꞌ teꞌxqꞌue inlokꞌal ut teꞌxnima cuu. Nak teꞌrabi resil li us li yo̱quin chixba̱nunquil reheb, teꞌxucuak. Ut teꞌsach xchꞌo̱leb chirabinquil chanru nak xinqꞌueheb cuiꞌchic chi cua̱nc saꞌ tuktu̱quil usilal lin tenamit.

Isaías 62:4

Incꞌaꞌ chic ta̱yehekꞌ “tzꞌekta̱nanbil” reheb, chi moco ta̱yehekꞌ reheb nak sachbil ru lix naꞌajeb. Ta̱yehekꞌ ban reheb “Hefzi-bá” ut ta̱yehekꞌ “Beula” re lix chꞌochꞌeb xban nak li Ka̱cuaꞌ quisahoꞌ saꞌ xchꞌo̱l riqꞌuineb ut aꞌan chanchanak jun li be̱lomej li naxra lix chꞌochꞌ.