La̱in li oqueba̱l. Chixjunileb li nequeꞌpa̱ban cue la̱in, teꞌcolekꞌ ut la̱in tin-ilok reheb. Chanchaneb li carner li nequeꞌoc ut nequeꞌel ut nequeꞌxtau lix cuaheb.
Li Jesús naxnau nak qꞌuebil re lix cuanquil xban li Dios ut aꞌan yal re saꞌ xbe̱n chixjunil. Naxnau nak riqꞌuin li Dios quichal chak ut riqꞌuin ajcuiꞌ li Dios ta̱xic.
Li Yucuaꞌbej li quitaklan chak cue, aꞌan naraj nak chixjunileb li teꞌxqꞌue retal nak la̱in li Cꞌajolbej ut tineꞌxpa̱b ta̱cua̱nk xyuꞌameb chi junelic. Ut la̱in tincuaclesiheb ut tinqꞌue xyuꞌameb saꞌ rosoꞌjiqueb li cutan, chan li Jesús.
Li ani napa̱ban re li Cꞌajolbej cuan xyuꞌam chi junelic. Ut li ani incꞌaꞌ napa̱ban re li Cꞌajolbej incꞌaꞌ ta̱cua̱nk xyuꞌam chi junelic. Cuan ban li tojba ma̱c saꞌ xbe̱n, chan laj Juan.
Li ani ta̱raj cꞌanjelac chicuu, tento tinixta̱ke ut tixba̱nu li cꞌaꞌru ninye. Bar cua̱nkin la̱in, aran ajcuiꞌ ta̱cua̱nk aꞌan. Ut lin Yucuaꞌ ta̱qꞌuehok xlokꞌal li ani ta̱cꞌanjelak chicuu, chan li Jesús reheb.