San Juan 14:31 - Li Santil hu

³¹ La̱in yo̱quin chixba̱nunquil chixjunil li quixye cue lin Yucuaꞌ re nak chixjunileb li cuanqueb saꞌ ruchichꞌochꞌ teꞌxqꞌue retal nak la̱in ninra li Yucuaꞌbej. Anakcuan yoꞌkeb. E̱lko saꞌ li naꞌajej aꞌin, chan li Jesús.

Q'eqchi Bible

³¹ ab'anan tento tixnaw li ruuchich'och' naq ninra li Yuwa'b'ej ut ninb'aanu li xinxtaqla wi' chaq. Xaqlinqex anaqwan ut elqo arin.

San Juan 14:31 ပူးပေါင်းရင်းမြစ်များ

San Juan 10:18

Ma̱ ani ta̱qꞌuehok cue chi camsi̱c cui incꞌaꞌ nacuaj la̱in. Xban nak la̱in nacuaj, tinkꞌaxtesi cuib chi camsi̱c. Cuan incuanquil chixkꞌaxtesinquil lin yuꞌam. Ut cuan ajcuiꞌ incuanquil chixcꞌulbal cuiꞌchic lin yuꞌam. Aꞌan aꞌin li quixye cue lin Yucuaꞌ nak tento tinba̱nu, chan li Jesús.

Filipenses 2:8

Ut nak quicuan saꞌ ruchichꞌochꞌ quixcubsi rib ut quixba̱nu li quiraj li Dios toj retal nak quicam chiru li cruz.

San Juan 12:49

Li cꞌaꞌru yo̱quin chixyebal, aꞌan tzꞌakal ya̱l xban nak moco injunes ta yo̱quin chi a̱tinac. Li Yucuaꞌbej li quitaklan chak cue, aꞌan li nayehoc cue cꞌaꞌru tinye.

San Juan 4:34

Li Jesús quixye reheb: —La̱in nasahoꞌ inchꞌo̱l nak ninba̱nu li cꞌaꞌru naraj li quitaklan chak cue ut tinchoy xba̱nunquil lix cꞌanjel. Aꞌan ru̱chil li cua chokꞌ cue la̱in, chan.

San Lucas 12:50

Abanan tento tincꞌul jun li cubi haꞌ xbe̱n cua. Ut li cubi haꞌ, aꞌan li nimla raylal li tincꞌul. Ut yo̱kin chiroybeninquil li ho̱nal aꞌan chi ra saꞌ inchꞌo̱l toj ta̱cuulak xkꞌehil nak ta̱cꞌulma̱nk.

San Juan 15:9

La̱in nequexinra la̱ex joꞌ nak ninxra lin Yucuaꞌ la̱in. Chexcua̱nk cuiqꞌuin re nak texinra chi junelic.

Salmos 40:8

At inDios, nacuulac chicuu xba̱nunquil li cꞌaꞌru nacacuaj. Junelic cuan saꞌ inchꞌo̱l la̱ chakꞌrab.

San Juan 18:11

Li Jesús quixye re laj Pedro: —Xoc la̱ chꞌi̱chꞌ saꞌ xnaꞌaj. ¿Ma incꞌaꞌ ta biꞌ tento nak tincꞌul li raylal aꞌin? ¿Ma incꞌaꞌ ta biꞌ aꞌan aj e nak xinixtakla chak lin Yucuaꞌ? chan.

San Juan 12:27

Li Jesús quixye ajcuiꞌ: —Anakcuan kꞌaxal ra saꞌ inchꞌo̱l. ¿Ma ta̱ru̱k ta biꞌ tinye re li Dios, “At inYucuaꞌ, china̱col chiru li raylal aꞌin”? La̱in incꞌaꞌ tinye chi joꞌcan xban nak aꞌan aj e nak xinchal saꞌ ruchichꞌochꞌ.

San Mateo 26:39

Ut quibe̱c chic caꞌchꞌin li Jesús ut quixhupub rib saꞌ chꞌochꞌ ut quitijoc. Ut quixye: —At inYucuaꞌ, cui ta naxqꞌue rib, incꞌaꞌ raj tincꞌul li raylal aꞌin. Abanan chi-uxma̱nk li cꞌaꞌru nacacuaj la̱at ut ma̱cuaꞌ li nacuaj la̱in.—

San Mateo 26:46

Cuaclinkex anakcuan, yoꞌkeb; cueꞌ chak li ta̱kꞌaxtesi̱nk cue saꞌ rukꞌeb li xicꞌ nequeꞌiloc cue, chan.

Isaías 50:5

Li Ka̱cuaꞌ Dios quiqꞌuehoc innaꞌleb ut la̱in incꞌaꞌ quincacuubresi inchꞌo̱l, chi moco quinkꞌetkꞌeti cuib chiru.

San Juan 13:1

Ac cuulajak naticla li ninkꞌe Pascua. Li Jesús ac naxnau nak cuulac re xkꞌehil lix camic re nak ta̱xic cuiꞌchic riqꞌuin lix Yucuaꞌ saꞌ choxa. Junelic naxraheb li ralal xcꞌajol li teꞌcana̱k saꞌ ruchichꞌochꞌ ut nak ac ca̱mc re quixcꞌutbesi chi tzꞌakal lix rahom chiruheb.