San Juan 14:27 - Li Santil hu

²⁷ La̱in tincanab li tuktu̱quil usilal e̱riqꞌuin nak tinxic. Li tuktu̱quil usilal li tinqꞌue e̱re moco joꞌ ta li nequeꞌxqꞌue li cuanqueb saꞌ ruchichꞌochꞌ. La̱in tinqꞌue xtuktu̱quilal le̱ chꞌo̱l. Mexcꞌoxlac chi moco texxucuak.

Q'eqchi Bible

²⁷ “Li tuqtuukil usilal ninkanab' eerik'in, lintuqtuukil usilal nink'e eere; ink'a' nink'e eere kama' naxk'e li ruuchich'och'. Misachk eech'ool chi k'oxlak, chi moko chexxiwaq.

San Juan 14:27 ပူးပေါင်းရင်းမြစ်များ

Filipenses 4:7

Ut li Dios ta̱qꞌuehok e̱re li tuktu̱quil usilal. Aꞌan kꞌaxal lokꞌ chiru chixjunil li cꞌaꞌru nakacꞌoxla la̱o. Ut li tuktu̱quil usilal li naxqꞌue li Dios tixcꞌojob le̱ chꞌo̱l ut tixtukub le̱ cꞌaꞌux xban nak junajex chic riqꞌuin li Cristo.

San Juan 16:33

Xinye e̱re li cꞌaꞌak re ru aꞌin re nak texcua̱nk cuiqꞌuin ut ta̱cua̱nk e̱riqꞌuin li tuktu̱quilal. Saꞌ li ruchichꞌochꞌ te̱cꞌul li raylal. Abanan cacuubresihomak le̱ chꞌo̱l xban nak la̱in ac xinnumta saꞌ xbe̱n li nataklan saꞌ ruchichꞌochꞌ, chan li Jesús reheb lix tzolom.

Isaías 41:10

Joꞌcan nak mexxucuac xban nak la̱in cua̱nkin e̱riqꞌuin. Mexcꞌoxlac. La̱in le̱ Dios. La̱in ninqꞌuehoc e̱metzꞌe̱u ut la̱in nintenkꞌan e̱re. La̱in tin-ilok e̱re chi junelic riqꞌuin xnimal incuanquil ut riqꞌuin inti̱quilal.

2 Ts 3:16

Aꞌ taxak li Ka̱cuaꞌ Jesucristo li naqꞌuehoc tuktu̱quil usilal, chiqꞌuehok e̱re li tuktu̱quilal chi junelic riqꞌuin yalak cꞌaꞌru nequecꞌul. Aꞌ taxak li Ka̱cuaꞌ Jesucristo chicua̱nk e̱riqꞌuin che̱junilex.

Colosenses 3:15

Junajakex taxak saꞌ le̱ pa̱ba̱l xban nak sicꞌbil e̱ru xban li Dios. Chicua̱nk li tuktu̱quilal saꞌ le̱ chꞌo̱l li naxqꞌue li Cristo re nak texcua̱nk saꞌ xya̱lal. Ut junelic chebantioxi chiru li Dios li usilal xba̱nu e̱re.

2 Timoteo 1:7

Ma̱cuaꞌ li xucuac li xkama̱tani chak riqꞌuin li Dios. Kacuanquil ban xkama̱tani riqꞌuin. Li Dios nocoxtenkꞌa chixra̱baleb li kas ki̱tzꞌin ut aꞌan naqꞌuehoc ke li cha̱bil naꞌleb.

Romanos 15:13

Li Dios aꞌan li kayoꞌon. Aꞌan taxak chiqꞌuehok xsahil e̱chꞌo̱l chi nabal ut tixqꞌue ajcuiꞌ e̱re li tuktu̱quil usilal xban nak nequexpa̱ban. Xban nak cuan xcuanquil li Santil Musikꞌej e̱riqꞌuin, cauhak taxak e̱chꞌo̱l chi oybeni̱nc.

Números 6:26

Aꞌ taxak li Ka̱cuaꞌ chi-ilok e̱re riqꞌuin lix rahom ut chixqꞌue taxak li tuktu̱quil usilal e̱re.

Romanos 8:6

Cui caꞌaj cuiꞌ li naxrahi ru li kachꞌo̱l nakacꞌoxla, aꞌan naxcꞌam chak li ca̱mc saꞌ kabe̱n. Cui nakaqꞌue kachꞌo̱l chixba̱nunquil li naraj li Santil Musikꞌej, aꞌan naxqꞌue ke li kayuꞌam chi junelic ut naxqꞌue ajcuiꞌ ke li tuktu̱quil usilal.

Jeremías 1:8

Matxucuac chiruheb li tenamit. La̱in cua̱nkin a̱cuiqꞌuin cha̱colbal, chan li Ka̱cuaꞌ Dios.

Gálatas 1:3

Chicua̱nk taxak e̱riqꞌuin li usilal ut li tuktu̱quilal li naxqꞌue li Dios li kaYucuaꞌ ut li naxqꞌue li Ka̱cuaꞌ Jesucristo.

Gálatas 5:22

Abanan li cꞌaꞌru naxqꞌue li Santil Musikꞌej saꞌ li kayuꞌam, aꞌan li rahoc, sahil chꞌo̱lejil, tuktu̱quil usilal, cuyuc, cha̱bilal, usilal, ti̱quil chꞌo̱lej,

Salmos 29:11

Li Ka̱cuaꞌ naxqꞌue xcacuilal xchꞌo̱leb li ralal xcꞌajol. Narosobtesiheb ut naxqꞌue li tuktu̱quil usilal reheb.

Romanos 5:1

Joꞌcan ut nak ti̱cobresinbil chic li kachꞌo̱l chiru li Dios xban li kapa̱ba̱l, ut cuanco chic saꞌ usilal riqꞌuin li Dios xban li Ka̱cuaꞌ Jesucristo.

San Juan 14:1

Misach e̱chꞌo̱l chi cꞌoxlac. Chepa̱b li Dios ut chine̱pa̱b ajcuiꞌ la̱in.

Isaías 9:6

Jun li cꞌulaꞌal xyoꞌla chokꞌ ke. Li Cꞌajolbej xqꞌueheꞌ ke xban li Dios. Ut saꞌ rukꞌ aꞌan cua̱nk li cuanquilal. Ut aꞌan aꞌin li tixcꞌabaꞌin: aj ba̱nuhom sachba chꞌo̱lej, aj qꞌuehol naꞌleb, li nimajcual Dios, li Acuabej Dios chi junelic kꞌe cutan ut aj qꞌuehol tuktu̱quil usilal.

Salmos 112:7

Incꞌaꞌ naxucuac chirabinquil junak esilal incꞌaꞌ us xban nak cꞌojcꞌo xchꞌo̱l ut cau xchꞌo̱l riqꞌuin li Ka̱cuaꞌ.

Romanos 5:10

Nak toj aj ma̱co chak xicꞌ nakil li Dios. Aban li Dios xoxcꞌam saꞌ usilal riqꞌuin saꞌ xcꞌabaꞌ lix camic li Ralal. Ut anakcuan nakanau chic nak cuanco saꞌ usilal riqꞌuin li Dios ut colbilo xban nak li Cristo quicuacli cuiꞌchic chi yoꞌyo.

San Juan 20:21

Li Jesús quixye cuiꞌchic reheb: —Chicua̱nk taxak li tuktu̱quil usilal e̱riqꞌuin. Joꞌ nak xinixtakla chak lin Yucuaꞌ la̱in, joꞌcan ajcuiꞌ nak texintakla la̱ex, chan.

Salmos 56:11

La̱in cau inchꞌo̱l riqꞌuin li Dios. Incꞌaꞌ ninxucuac. ¿Cꞌaꞌ ta cuiꞌ ru ta̱ru̱k tixba̱nu cue li cui̱nk?

Salmos 91:5

Incꞌaꞌ tatxucuak chiru li naseꞌbesin chiru kꞌojyi̱n, chi moco tatxucuak chiruheb li nequeꞌba̱nun raylal chi cutan.

Colosenses 1:20

Xban xcamic li Jesucristo, chixjunil li cuan saꞌ choxa joꞌ ajcuiꞌ li cuan saꞌ ruchichꞌochꞌ naru ta̱cua̱nk chi sum a̱tin riqꞌuin li Dios. Ut xban lix quiqꞌuel li quihoyeꞌ chiru li cruz, li Jesucristo quixqꞌue li tuktu̱quil usilal.

Romanos 1:7

Yo̱quin chi tzꞌi̱bac e̱riqꞌuin la̱ex li cuanquex aran saꞌ li tenamit Roma. Raro̱quex ut bokbilex xban li Dios ut la̱ex aj santil pa̱banel. Li usilal ut li tuktu̱quilal chi cua̱nc e̱riqꞌuin xban li Dios Acuabej ut xban li Ka̱cuaꞌ Jesucristo.

Isaías 54:13

La̱in tincꞌutuk re lix ya̱lal chiruheb chixjunileb le̱ ralal e̱cꞌajol. Tintenkꞌaheb re nak teꞌcua̱nk saꞌ tuktu̱quil usilal.

Salmos 85:10

Li ya̱l ut li uxta̱na̱nc u ta̱cua̱nk saꞌ kaya̱nk. Ut ta̱cua̱nk ajcuiꞌ li tuktu̱quilal ut li ti̱quilal.

1 Corintios 1:3

Chicua̱nk taxak e̱riqꞌuin li usilal ut li tuktu̱quilal li nachal riqꞌuin li Dios li kaYucuaꞌ ut riqꞌuin li Ka̱cuaꞌ Jesucristo.

Salmos 56:3

Nak xiu xiu cuanquin, cau inchꞌo̱l a̱cuiqꞌuin. Ninnau nak la̱at tattenkꞌa̱nk cue.

San Juan 20:19

Saꞌ li xbe̱n cutan re li xama̱n, nak ac oc re li kꞌojyi̱n, queꞌxchꞌutub ribeb lix tzolom li Jesús. Tzꞌaptzꞌo chi us lix puertil li cab li chꞌutchꞌu̱queb cuiꞌ xban nak queꞌxucuac xbaneb li nequeꞌtaklan saꞌ xbe̱neb laj judío. Xaka̱mil li Jesús chiruheb ut quixye reheb: —Chicua̱nk taxak li tuktu̱quil usilal e̱riqꞌuin, chan reheb.

2 Ts 1:2

Aꞌ taxak li usilal ut li tuktu̱quilal chicua̱nk e̱riqꞌuin, li naxqꞌue li Dios li kaYucuaꞌ ut li Ka̱cuaꞌ Jesucristo.

Hechos 10:36

La̱ex nequenau nak li Dios quixtakla resil li colba-ib reheb laj Israel. Li colba-ib, aꞌan li naqꞌuehoc tuktu̱quil usilal saꞌ xcꞌabaꞌ li Jesucristo. Ut li Jesucristo, aꞌan li Ka̱cuaꞌ, ut nim xcuanquil saꞌ xbe̱n chixjunil.

San Lucas 2:14

—Chinima̱k taxak xlokꞌal li Ka̱cuaꞌ Dios li cuan saꞌ choxa ut chicua̱nk taxak li tuktu̱quilal saꞌ xya̱nkeb li cristian li raro̱queb xban li Dios.—

San Lucas 1:79

Ut tixcutanobresi xcꞌaꞌuxeb li cuanqueb saꞌ xkꞌojyi̱nal ru li ma̱c, li ca̱mqueb re saꞌ li ma̱usilal. Ut aꞌan ta̱beresi̱nk ke saꞌ li tuktu̱quilal, chan laj Zacarías.

Hebreos 13:20

Aꞌ li Ka̱cuaꞌ Dios aꞌan laj qꞌuehol tuktu̱quil usilal, li Dios li quicuaclesin cuiꞌchic re chi yoꞌyo li Jesucristo saꞌ xya̱nkeb li camenak. Riqꞌuin lix lokꞌlaj quiqꞌuel li Jesucristo xakabanbil xcuanquil li acꞌ contrato chi junelic. Li Jesucristo na-iloc ke joꞌ junak cui̱nk narileb lix carner.

Hechos 18:9

Saꞌ jun li kꞌojyi̱n li Ka̱cuaꞌ quixcꞌutbesi jun li visión chiru laj Pablo ut quixye re: —Matxucuac chi a̱tinac. Chꞌolob ban lix ya̱lal chiruheb li tenamit.

San Mateo 10:26

Joꞌcan utan mexxucuac chiruheb li xicꞌ nequeꞌiloc e̱re. Ma̱ jun naꞌleb mukmu anakcuan chi incꞌaꞌ ta ta̱tauma̱nk ru mokon, ut ma̱cꞌaꞌ mukmu anakcuan chi incꞌaꞌ ta̱cꞌutbesi̱k.

Isaías 55:12

Cꞌajoꞌak xsahil saꞌ le̱ chꞌo̱l nak tex-e̱lk saꞌ li naꞌajej cuanquex cuiꞌ. Saꞌ tuktu̱quil usilal texsukꞌi̱k cuiꞌchic saꞌ le̱ tenamit. Ut teꞌoc cuiꞌchic chi u̱chi̱nc li cheꞌ chi sa saꞌ xchꞌo̱leb. Ut ta̱e̱lk cuiꞌchic chi cha̱bil li acui̱mk saꞌ eb li tzu̱l.

Salmos 27:1

Li Ka̱cuaꞌ, aꞌan nacutanobresin re lin cꞌaꞌux, ut aꞌan nacoloc cue. Ma̱ ani ninxucua ru. Li Ka̱cuaꞌ, aꞌan na-iloc cue. Joꞌcan nak incꞌaꞌ ninxucuac.

Apocalipsis 2:10

Mexxucuac xban li raylal li ta̱cha̱lk saꞌ e̱be̱n. Cuanqueb saꞌ e̱ya̱nk li teꞌqꞌuehekꞌ saꞌ tzꞌalam xbaneb laj cꞌanjel chiru laj tza re xyalbal rix le̱ pa̱ba̱l. Te̱cꞌul raylal, abanan incꞌaꞌ najt te̱cꞌul. Michꞌinan e̱chꞌo̱l. Cauhak ban e̱chꞌo̱l toj chirix le̱ camic ut la̱in tinqꞌue e̱re le̱ kꞌajca̱munquil. Chanchan nak tinqꞌue le̱ corona nak tinqꞌue le̱ yuꞌam chi junelic.

Apocalipsis 1:4

La̱in laj Juan. Yo̱quin chi tzꞌi̱bac e̱riqꞌuin la̱ex li cuukub chꞌu̱talex chi aj pa̱banel li cuanquex aran Asia. Aꞌ taxak li usilal ut li tuktu̱quilal chicua̱nk e̱riqꞌuin li naxqꞌue li Dios li ac cuan chak saꞌ xticlajic, li cuan anakcuan, ut li cua̱nk chi junelic, ut li naxqꞌue li Santil Musikꞌej li cuan cuiꞌ lix lokꞌlaj cꞌojariba̱l li Ka̱cuaꞌ.

Hebreos 7:2

Ut li joꞌ qꞌuial quire̱chani chak laj Abraham saꞌ li ple̱t riqꞌuineb li rey, quixqꞌue li junju̱nk saꞌ xlaje̱tkil re laj Melquisedec. Li cꞌabaꞌej Melquisedec naraj naxye “rey re li ti̱quilal”. Ut li cꞌabaꞌej Salem naraj naxye “tuktu̱quil usilal”. Joꞌcan nak laj Melquisedec, aꞌan rey re li ti̱quilal ut rey re li tuktu̱quil usilal.

San Juan 20:26

Ac xnumeꞌ chic cuukub cutan nak queꞌxchꞌutub cuiꞌchic ribeb lix tzolom li Jesús. Laj Tomás cuan saꞌ xya̱nkeb. Tzꞌaptzꞌo̱queb lix puertil li cab chi us. Nak queꞌril ac xaka̱mil li Jesús chiruheb ut quixye reheb: —Chicua̱nk taxak li tuktu̱quil usilal e̱riqꞌuin, chan.

Ezequiel 2:6

Ut la̱at, ralal cui̱nk, matxucuac chiruheb chi moco tatxucuak xban li cꞌaꞌru teꞌxye a̱cue. Kꞌaxal ra ta̱nak cuiꞌ li cꞌaꞌru teꞌxye a̱cue. Chanchan li qꞌuix ut chanchan nak cuancat saꞌ xya̱nkeb laj xo̱cꞌ nak cua̱nkat saꞌ xya̱nkeb. Abanan matxucuac xban li cꞌaꞌru teꞌxye a̱cue chi moco tatxucuak chiruheb xban nak li tenamit aꞌan kꞌaxal kꞌetkꞌeteb.

Salmos 28:3

Mina̱juntakꞌe̱ta riqꞌuineb li incꞌaꞌ useb xnaꞌleb ut li nequeꞌba̱nun ma̱usilal re nak incꞌaꞌ tincꞌul li teꞌxcꞌul eb aꞌan. Eb aꞌan nequeꞌxye nak nequeꞌraj cua̱nc saꞌ usilal riqꞌuineb li rech cabal abanan li ra̱meb nujenak chi ma̱usilal.

Daniel 4:1

Aꞌan aꞌin li esil li quixtakla li rey Nabucodonosor reheb chixjunileb li cuanqueb saꞌ ruchichꞌochꞌ, aꞌ yal bar xtenamiteb ut aꞌ yal chanru li ra̱tinoba̱leb. Quixye chi joꞌcaꞌin: —Chinumta̱k taxak li tuktu̱quil usilal saꞌ e̱ya̱nk che̱junilex.

Proverbios 3:25

Incꞌaꞌ texxucuak xban li raylal ta̱cha̱lk saꞌ e̱be̱n chi ma̱cꞌaꞌ saꞌ e̱chꞌo̱l. Chi moco texxucuak xban li raylal li nachal saꞌ xbe̱neb li incꞌaꞌ useb xnaꞌleb.

Apocalipsis 21:8

Abanan li cꞌaꞌru teꞌre̱chani li incꞌaꞌ useb xnaꞌleb, aꞌan li xxamlel li azufre li chanchan palau, aꞌan lix naꞌajeb li nequeꞌxucuac, ut eb li incꞌaꞌ nequeꞌpa̱ban, ut eb li queꞌxmux ru lix pa̱ba̱leb, ut eb li nequeꞌxcamsi ras ri̱tzꞌin, ut eb laj coꞌbe̱t laj yumbe̱t, ut eb laj tu̱l, ut eb li nequeꞌlokꞌonin jalanil dios, joꞌqueb ajcuiꞌ laj ticꞌtiꞌ. Li cꞌaꞌru teꞌre̱chani eb aꞌan, aꞌan li xcab camic nak teꞌcutekꞌ saꞌ li xam.—

Gálatas 6:16

Aꞌ taxak li tuktu̱quilal ut li uxta̱na̱nc u chicua̱nk e̱riqꞌuin la̱ex li nequexpa̱ban re lix ya̱lal li yo̱quin chixyebal. La̱ex li tzꞌakal ralal xcꞌajol li Dios.

San Lucas 10:5

Nak texcuulak saꞌ junak cab, te̱qꞌue xsahileb xchꞌo̱l ut te̱ye, “Aꞌ taxak li tuktu̱quil usilal chicua̱nk saꞌ li cab aꞌin,” chaꞌkex.

Zacarías 6:13

Aꞌan ta̱yi̱ba̱nk re lix templo li Ka̱cuaꞌ ut aꞌan ta̱qꞌuehekꞌ xlokꞌal. Aꞌan ta̱cꞌojla̱k saꞌ lix cꞌojariba̱l ut aꞌan chic ta̱takla̱nk saꞌ xbe̱n li ruchichꞌochꞌ. Aꞌanak li tzꞌakal Rey ut aꞌanak ajcuiꞌ li tzꞌakal aj tij. Ma̱cꞌaꞌak chꞌaꞌajquilal saꞌ li cuib chi cꞌanjel li tixba̱nu. Us ta̱e̱lk lix cꞌanjel chiru.

Isaías 57:19

Eb laj Israel li queꞌya̱bac xban li raylal tineꞌxlokꞌoni cuiꞌchic. Tuktu̱quil usilal ta̱cua̱nk riqꞌuineb chixjunileb, joꞌ li nachꞌ cuanqueb, ut joꞌ li najt cuanqueb. La̱in tinqꞌuirtesi̱nk reheb, chan li Ka̱cuaꞌ.

Salmos 72:7

Chinumta̱k ta li tuktu̱quil usilal ut li ti̱quilal nak cua̱nk chi takla̱nc li rey saꞌ xbe̱neb li tenamit joꞌ najtil ta̱cua̱nk li po saꞌ xbe̱n li ruchichꞌochꞌ.

Colosenses 1:2

Yo̱quin chi tzꞌi̱bac e̱riqꞌuin la̱ex li cuanquex aran Colosas. La̱ex ac xepa̱b chi tzꞌakal li Jesucristo. La̱ex chic kech aj pa̱banelil ut rehex chic li Dios. Aꞌ taxak li Dios li kaYucuaꞌ chi-osobtesi̱nk e̱re ut tixqꞌue taxak e̱re li tuktu̱quil usilal.

San Lucas 12:4

Ex cuami̱g, la̱in ninye e̱re nak mexxucuac chiruheb li ani teꞌraj camsi̱nc e̱re xban nak ma̱cꞌaꞌ naru teꞌxba̱nu riqꞌuin le̱ ra̱m.

Isaías 41:14

Mexxucuac, la̱ex li ralal xcꞌajolex laj Jacob. Mexxucuac la̱ex aj Israel usta ma̱cꞌaꞌ e̱cuanquil ut usta incꞌaꞌ qꞌuihex. La̱in tintenkꞌa̱nk e̱re, chan li Ka̱cuaꞌ. La̱in aj Colol e̱re. La̱in le̱ santil Dios la̱ex aj Israel.

Daniel 6:25

Tojoꞌnak li rey Darío quitzꞌi̱bac riqꞌuineb chixjunileb li tenamit cuanqueb saꞌ chixjunil li ruchichꞌochꞌ ut riqꞌuineb li jalan jala̱nk ra̱tinoba̱leb ut quixye reheb: —Chinumta̱k taxak li tuktu̱quil usilal e̱riqꞌuin.

Isaías 12:2

Li Ka̱cuaꞌ, aꞌan li nacoloc cue. Cau inchꞌo̱l riqꞌuin. Joꞌcan nak incꞌaꞌ tinxucuak. Li Ka̱cuaꞌ, li nimajcual Dios, aꞌan naqꞌuehoc xcacuil inchꞌo̱l ut aꞌan li ninbicha ru, chaꞌakeb.

Salmos 11:1

La̱in cau inchꞌo̱l riqꞌuin li Dios. ¿Cꞌaꞌut nak nacaye cue nak tine̱lelik ut tincol chak cuib saꞌ li tzu̱l joꞌ junak xul?

Li xHu LAJ JOB 34:29

Cui li Dios incꞌaꞌ tixqꞌueheb chixtojbal xma̱queb, ¿ani ta biꞌ chic ta̱ru̱k ta̱ba̱nu̱nk re? Ut cui incꞌaꞌ ta̱ril li cꞌaꞌru yo̱queb chixba̱nunquil, ¿ani ta biꞌ chic ta̱ilok re? Aꞌan na-iloc reheb li tenamit joꞌ eb ajcuiꞌ li cristian,

Lamentaciones 3:17

Ma̱cꞌaꞌ chic tuktu̱quil usilal cuiqꞌuin. Ut ma̱cꞌaꞌ chic li sahil chꞌo̱lejil.

Salmos 72:2

Chirakok taxak a̱tin saꞌ ti̱quilal saꞌ xbe̱neb li tenamit. Ut chirakok taxak a̱tin saꞌ ti̱quilal saꞌ xbe̱neb li rahobtesinbileb.

2 Crónicas 20:30

Ut laj Josafat quicuan saꞌ xcuanquil chi sa saꞌ xchꞌo̱l xban nak li Ka̱cuaꞌ quixqꞌueheb chi cua̱nc saꞌ tuktu̱quil usilal eb li cuanqueb chi xjun sutam laj Judá.