San Juan 14:24 - Li Santil hu

²⁴ Li ani incꞌaꞌ narahoc cue incꞌaꞌ naxba̱nu li cꞌaꞌru ninye. Li cꞌaꞌru xinye e̱re, incꞌaꞌ xinye yal injunes. Lin Yucuaꞌ li quitaklan chak cue, aꞌan li nacꞌutuc chicuu cꞌaꞌru tinye.

Q'eqchi Bible

²⁴ Ani ink'a' nikinxra ink'a' naxk'e xch'ool chirixeb' li waatin, ut li aatin nekerab'i moko we ta, re b'an li Yuwa'b'ej li kitaqlank chaq we.

San Juan 14:24 ပူးပေါင်းရင်းမြစ်များ

San Juan 7:16

Quixye li Jesús reheb: —Li tijleb li yo̱quin chixcꞌutbal ma̱cuaꞌ cue. Aꞌ li Dios li quitaklan chak cue, aꞌan li quicꞌutuc chicuu li yo̱quin chixyebal, chan.

San Juan 14:10

Felipe, ¿ma incꞌaꞌ nacapa̱b nak la̱in ut li Yucuaꞌbej junaj ku chi kibil kib? Li cꞌaꞌru xinye e̱re moco yal injunes ta xinye. Li Yucuaꞌbej cuan cuiqꞌuin, ut aꞌan nacꞌutuc chicuu li cꞌaꞌru ninba̱nu.

San Juan 8:42

Li Jesús quixye reheb: —Cui ta ya̱l nak li Dios e̱yucuaꞌ, niquine̱ra raj la̱in xban nak riqꞌuin li Dios quinchal chak. Cuanquin arin saꞌ e̱ya̱nk. Incꞌaꞌ quintakla chak cuib injunes. Aꞌ li Dios, aꞌan li quitaklan chak cue.

San Juan 5:19

Joꞌcan nak li Jesús quixye reheb: —Relic chi ya̱l tinye e̱re, La̱in li Cꞌajolbej. Ma̱cꞌaꞌ naru tinba̱nu injunes. Li cꞌaꞌru naxcꞌut chicuu lin Yucuaꞌ, aꞌan li ninba̱nu. Chixjunil li naxba̱nu lin Yucuaꞌ, aꞌan li ninba̱nu la̱in.

San Juan 3:34

Li Jesucristo, aꞌan taklanbil chak xban li Dios ut naxye li cꞌaꞌru nayeheꞌ re xban li Dios xban nak li Santil Musikꞌej cuan riqꞌuin chi tzꞌakal.

San Juan 14:15

Cui niquine̱ra, cheba̱nuhak joꞌ xexinchakꞌrabi cuiꞌ.

San Juan 5:38

La̱ex incꞌaꞌ nequeraj xcꞌulbal li ra̱tin xban nak incꞌaꞌ niquine̱pa̱b la̱in, li taklanbilin chak xban aꞌan.

San Juan 8:38

La̱in ninye li cꞌaꞌru quixcꞌut chicuu lin Yucuaꞌ. Ut eb aꞌan nequeꞌxba̱nu li cꞌaꞌru quixye reheb lix yucuaꞌeb aꞌan, chan.

San Juan 8:26

Nabal li cꞌaꞌak re ru naru tinye raj e̱re re xrakbal a̱tin saꞌ e̱be̱n. Li ani quitaklan chak cue, aꞌan ti̱c xchꞌo̱l ut naxye li ya̱l. Li cꞌaꞌru xcꞌut chicuu li quitaklan chak cue, aꞌan li ninye e̱re la̱ex li cuanquex saꞌ ruchichꞌochꞌ, chan.

San Juan 8:28

Ut quixye ajcuiꞌ li Jesús reheb: —Nak acak xine̱taksi chiru li cruz re incamsinquil toj aran te̱qꞌue retal nak la̱in li taklanbilin chak xban li Dios. Ut te̱nau nak ma̱cꞌaꞌ ninba̱nu injunes. Li cꞌaꞌru ninye la̱in, aꞌan li quixcꞌutbesi chicuu lin Yucuaꞌ.

San Juan 7:28

Nak li Jesús yo̱ chixchꞌolobanquil lix ya̱lal saꞌ li templo, quixye chi cau xya̱b xcux: —Ya̱l nak nequenau cuu. Ut nequenau bar intenamit. Abanan incꞌaꞌ nequenau chi tzꞌakal bar xinchal chak. La̱in incꞌaꞌ xintakla chak cuib yal injunes. Li Dios, li ti̱c xchꞌo̱l, aꞌan li xtaklan chak cue. La̱ex incꞌaꞌ nequenau ru aꞌan.

San Mateo 19:21

Quixye li Jesús re: —Cui ta̱cuaj nak tzꞌakalak re ru la̱ yuꞌam, ayu ut cꞌayi li cꞌaꞌru cuan a̱cue ut si lix tzꞌak li ta̱cꞌul reheb li nebaꞌ. Ut ta̱cua̱nk a̱biomal saꞌ choxa. Ut nak ac xaba̱nu aꞌan tatcha̱lk ut tina̱ta̱ke, chan li Jesús re.

San Juan 3:11

Relic chi ya̱l ninye e̱re: La̱o nocoa̱tinac chirix li nakanau. Ut nakachꞌolob resil li cꞌaꞌru nakil. Abanan la̱ex incꞌaꞌ nequecꞌu̱luban li cꞌaꞌru nakachꞌolob xya̱lal che̱ru.

San Juan 14:25

Yo̱quin chixyebal e̱re aꞌin nak toj cuanquin saꞌ e̱ya̱nk.