San Juan 14:22 - Li Santil hu

²² Laj Judas jun chic, li ma̱cuaꞌ laj Judas Iscariote, quixye re: —Ka̱cuaꞌ, ¿chanru nak ta̱cꞌutbesi a̱cuib chiku la̱o, ut incꞌaꞌ ta̱cꞌutbesi a̱cuib chiruheb li incꞌaꞌ nequeꞌpa̱ban a̱cue? chan.

Q'eqchi Bible

²² Kiyehe'k ut re xb'aan laj Judas (maawa' laj Judas Iskariote): —Qaawa', k'aru xk'ulmank naq chiqu chik laa'o taak'ut aawib' ut ink'a' chiru li ruuchich'och'?

San Juan 14:22 ပူးပေါင်းရင်းမြစ်များ

Hechos 1:13

Nak queꞌcuulac Jerusalén queꞌtakeꞌ saꞌ xcaꞌ tasal li cab li nequeꞌhilan cuiꞌ nak cuanqueb Jerusalén. Aꞌaneb laj Pedro, laj Juan, laj Jacobo, laj Andrés, laj Felipe, laj Tomás, laj Bartolomé, laj Mateo, laj Jacobo li ralal laj Alfeo, laj Simón li na-oquen saꞌ xya̱nkeb li jun chꞌu̱tal Zelote nequeꞌxye reheb, ut laj Judas li ralal laj Jacobo.

San Lucas 6:16

laj Judas li ri̱tzꞌin laj Jacobo ut laj Judas Iscariote li quikꞌaxtesin re li Jesús mokon saꞌ rukꞌeb li xicꞌ nequeꞌiloc re.

San Mateo 10:3

laj Felipe ut laj Bartolomé; laj Tomás ut laj Mateo laj titzꞌol toj; laj Jacobo li ralal laj Alfeo ut laj Lebeo aj Tadeo xcab xcꞌabaꞌ,

San Judas 1:1

La̱in laj Judas, laj cꞌanjel chiru li Jesucristo. La̱in ri̱tzꞌin laj Jacobo. Nintzꞌi̱ba li hu aꞌin reheb laj pa̱banel, li bokbileb ut raro̱queb xban li Dios Acuabej ut colbileb xban li Jesucristo.

San Juan 6:60

Nak queꞌrabi li cꞌaꞌru quixye, nabaleb lix tzolom queꞌoc chi a̱tinac chi ribileb rib, ut queꞌxye: —Cꞌajoꞌ xchꞌaꞌajquil xtaubal ru li xye. ¿Ani ta cuiꞌ ta̱taꞌok ru? chanqueb.

San Juan 3:9

Quichakꞌoc laj Nicodemo ut quixye re: —¿Chanru nak nacꞌulman aꞌin? Incꞌaꞌ nintau ru, chan.

San Juan 3:4

Laj Nicodemo quixye re: —¿Chan ta cuiꞌ ru nak ta̱yoꞌla̱k cuiꞌchic xcaꞌ sut junak cui̱nk? ¿Ma ta̱ru̱k ta biꞌ ta̱oc cuiꞌchic riqꞌuin lix naꞌ ut ta̱yoꞌla̱k cuiꞌchic xcaꞌ sut? chan.

San Marcos 3:18

Quixxakabeb ajcuiꞌ laj Andrés, laj Felipe, laj Bartolomé, laj Mateo, laj Tomás, laj Jacobo li ralal laj Alfeo, laj Tadeo ut laj Simón. Aꞌan xcomoneb laj Canaán.

San Juan 6:52

Nak queꞌrabi li cꞌaꞌru quixye, eb laj judío queꞌoc chixcuechꞌinquil rix li quixye ut queꞌxye: —¿Chanru nak tixqꞌue lix tibel re takatzaca? chanqueb.

San Juan 4:11

Quichakꞌoc li ixk ut quixye re: —Ka̱cuaꞌ, ¿Cꞌaꞌ ta cuiꞌ ru ta̱cuisi cuiꞌ li haꞌ? Cham cuan chak. Ut, ¿chan ta cuiꞌ ru nak ta̱qꞌue li haꞌ li naqꞌuehoc yuꞌam?