San Juan 14:20 - Li Santil hu

²⁰ Toj saꞌ li cutan aꞌan la̱ex te̱qꞌue retal nak li Yucuaꞌbej cuan cuiqꞌuin ut la̱in cuanquin riqꞌuin aꞌan. Junaj ku chi kibil kib. Ut la̱ex cua̱nkex cuiqꞌuin ut la̱in cua̱nkin e̱riqꞌuin.

Q'eqchi Bible

²⁰ Sa' li kutan a'an teenaw naq laa'in wankin rik'in linYuwa', ut laa'ex wankex wik'in ut laa'in eerik'in.

San Juan 14:20 ပူးပေါင်းရင်းမြစ်များ

San Juan 17:26

La̱in xincꞌut chiruheb anihat la̱at ut toj tinchꞌolob cuiꞌchic chiruheb re nak teꞌrahok joꞌ nak niquina̱ra la̱at, ut la̱in tincua̱nk riqꞌuineb, chan li Jesús nak quitijoc.

Gálatas 2:20

Li Jesucristo quicam chiru li cruz ut chanchan nak quinqꞌueheꞌ ajcuiꞌ la̱in cuochben. Ma̱cuaꞌ chic la̱in li yoꞌyo̱quin. Aꞌ chic li Cristo cuan cuiqꞌuin. Ut acꞌ chic lin yuꞌam xban nak xinpa̱b li Jesucristo li Ralal li Dios li quirahoc cue ut quixkꞌaxtesi rib chi ca̱mc saꞌ incꞌabaꞌ.

1 Juan 4:12

Ma̱ jun qui-iloc ru li Dios. Abanan cui nakara kib chi kibil kib, li Dios cuan kiqꞌuin chi junelic. Ut lix rahom li Dios tzꞌaklojenak ru kiqꞌuin.

San Juan 14:10

Felipe, ¿ma incꞌaꞌ nacapa̱b nak la̱in ut li Yucuaꞌbej junaj ku chi kibil kib? Li cꞌaꞌru xinye e̱re moco yal injunes ta xinye. Li Yucuaꞌbej cuan cuiqꞌuin, ut aꞌan nacꞌutuc chicuu li cꞌaꞌru ninba̱nu.

Romanos 8:1

Anakcuan ut ma̱cꞌaꞌ chic li tojba ma̱c saꞌ xbe̱neb li nequeꞌpa̱ban re li Cristo, li incꞌaꞌ chic nequeꞌxba̱nu li nequeꞌxrahi ru lix chꞌo̱leb. Nequeꞌxba̱nu ban li naraj li Santil Musikꞌej.

San Juan 10:38

Abanan cui yo̱quin chixba̱nunquil li cꞌaꞌru naraj li Dios, usta incꞌaꞌ niquine̱pa̱b la̱in, cheqꞌue retal li milagro li yo̱quin chixba̱nunquil re nak te̱nau chi tzꞌakal nak li Dios cuan cuiqꞌuin ut la̱in cuanquin riqꞌuin aꞌan, chan li Jesús.

2 Corintios 13:5

Qꞌuehomak retal le̱ yuꞌam. ¿Ma tzꞌakal re ru le̱ yuꞌam? ¿Ma chi anchal e̱chꞌo̱l nequexpa̱ban? ¿Ma incꞌaꞌ ta biꞌ nequenau chi tzꞌakal nak li Cristo cuan e̱riqꞌuin? ¿Malaj ut toj ma̱jiꞌ nequexpa̱ban?

Colosenses 1:27

Li Dios quiraj nak la̱ex li ma̱cuaꞌex aj judío, te̱nau nak e̱re ajcuiꞌ li colba-ib. Li resil aꞌan mukmu nak quicuan chak. Abanan anakcuan nanauman nak lix ya̱lal li lokꞌlaj esil, aꞌan aꞌin: Nak li Cristo cuan e̱riqꞌuin ut saꞌ xcꞌabaꞌ aꞌan textzꞌako̱nk riqꞌuin lix nimal xlokꞌal li Dios.

San Juan 16:26

Nak ta̱cuulak xkꞌehil la̱ex chic textzꞌa̱ma̱nk chiru li Yucuaꞌbej saꞌ incꞌabaꞌ la̱in. Incꞌaꞌ chic tento nak la̱in tintzꞌa̱ma̱nk chiru li Yucuaꞌbej che̱rix la̱ex.

Colosenses 2:9

Me̱qꞌue e̱rib chi balakꞌi̱c xbaneb aꞌan. Nakanau nak chixjunil lix lokꞌal li Dios ut lix cuanquil cuan riqꞌuin li Cristo. Lix lokꞌal ut lix cuanquilal quixcꞌutbesi nak quicꞌulun saꞌ ruchichꞌochꞌ.

Colosenses 1:19

Li Jesucristo, aꞌan tzꞌakal Dios ut riqꞌuin aꞌan cuan chixjunil li cuanquilal xban nak joꞌcan quiraj li Acuabej Dios.

San Juan 6:56

Li ani naxtzaca lin tibel ut narucꞌ lin quiqꞌuel, li jun aꞌan cuan chi sum a̱tin cuiqꞌuin ut la̱in cuanquin chi sum a̱tin riqꞌuin aꞌan.

2 Corintios 5:17

Joꞌcan ut cui junak xpa̱b li Cristo, acꞌobresinbil aꞌan. Lix yuꞌam quicuan junxil xnumeꞌ ut anakcuan acꞌ chic lix yuꞌam.

San Juan 17:11

Anakcuan la̱in tinxic a̱cuiqꞌuin. Incꞌaꞌ chic tincua̱nk saꞌ ruchichꞌochꞌ. Abanan eb aꞌan toj teꞌcua̱nk saꞌ ruchichꞌochꞌ. At inYucuaꞌ, la̱at Santo. Chacuileb taxak riqꞌuin lix nimal la̱ cuanquilal li xakꞌaxtesiheb cue re nak junajak ruheb joꞌ la̱at ut la̱in junaj ku.

San Juan 16:23

Ta̱cuulak xkꞌehil nak ma̱cꞌaꞌ chic te̱tzꞌa̱ma cue la̱in. Chiru ban chic lin Yucuaꞌ textzꞌa̱ma̱nk. Relic chi ya̱l tinye e̱re nak chixjunil li te̱tzꞌa̱ma chiru lin Yucuaꞌ saꞌ incꞌabaꞌ la̱in, aꞌan tixqꞌue e̱re.

Efesios 2:10

Li Dios coxyoꞌobtesi ut quixqꞌue ke li acꞌ yuꞌam saꞌ xcꞌabaꞌ li Jesucristo re nak cha̱bilak li kayuꞌam xban nak ac joꞌcan cꞌu̱banbil chak xban li Dios junxil re nak cha̱bilak li kayehom kaba̱nuhom.

1 Corintios 1:30

Yal xban rusilal li Dios nak junajex chic riqꞌuin li Jesucristo. Li Jesucristo quixakaba̱c xban li Dios re xqꞌuebal kanaꞌleb. Quixakaba̱c chixti̱cobresinquil li kachꞌo̱l chiru li Dios ut chikasantobresinquil. Ut saꞌ xcꞌabaꞌ li Cristo cuybil sachbil li kama̱c.

San Juan 17:7

Anakcuan nequeꞌxnau nak chixjunil li cꞌaꞌru xinba̱nu, la̱at xatqꞌuehoc cue chixba̱nunquil.

2 Corintios 12:2

Ca̱laju chihab anakcuan nak quincꞌameꞌ toj saꞌ li rox tasal li choxa. Incꞌaꞌ ninnau ma matqꞌuenbil quinba̱nu malaj quincꞌameꞌ chi tzꞌakal. Caꞌaj cuiꞌ li Dios naxnau.

2 Corintios 5:19

Aꞌan aꞌin li yo̱quin chixyebal: Li Dios coxcꞌam cuiꞌchic saꞌ usilal riqꞌuin saꞌ xcꞌabaꞌ li Cristo. Ut incꞌaꞌ chic naxqꞌue saꞌ xchꞌo̱l li kama̱c. Li Dios quixkꞌaxtesi ke li cꞌanjel aꞌin re nak takachꞌolob xya̱lal re nak li ani teꞌpa̱ba̱nk teꞌcꞌamekꞌ saꞌ usilal riqꞌuin li Dios.

Romanos 16:7

Cheqꞌue xsahil xchꞌo̱leb laj Andrónico ut laj Junias. Aꞌaneb aj judío joꞌ la̱in. Cuochbeneb nak cocuan chi pre̱xil. Naꞌno ruheb xbaneb li apóstol. Eb aꞌan queꞌxpa̱b chak li Cristo nak toj ma̱jiꞌ ninpa̱ban la̱in.

San Juan 14:11

Chepa̱b nak la̱in cuanquin riqꞌuin li Yucuaꞌbej ut aꞌan cuan cuiqꞌuin. Junaj ku chi kibil kib. Cui incꞌaꞌ niquine̱pa̱b xban li cꞌaꞌru ninye, chine̱pa̱bak xbaneb li milagro li yo̱quin chixba̱nunquil.