San Juan 14:18 - Li Santil hu

¹⁸ Nak tinxic incꞌaꞌ texincanab e̱junes. Tincha̱lk cuiꞌchic e̱riqꞌuin.

Q'eqchi Bible

¹⁸ “Ink'a' texinkanab' eejunes jo' maak'a' leena' leeyuwa': tinchalq wi' chik eerik'in.

San Juan 14:18 ပူးပေါင်းရင်းမြစ်များ

San Juan 14:3

Nak ac xya̱loꞌ le̱ naꞌaj, tincha̱lk cuiꞌchic ut texincꞌam cuiqꞌuin re nak bar cua̱nkin la̱in, aran ajcuiꞌ cua̱nkex la̱ex.

Salmos 23:4

Usta chanchan nak yo̱quin chi numecꞌ saꞌ jun naꞌajej kꞌojyi̱n ut kꞌaxal xiu xiu xban li raylal li yo̱k chi cha̱lc saꞌ inbe̱n, la̱in incꞌaꞌ tinxucuak xban nak la̱at cua̱nkat cuiqꞌuin. La̱at ta̱qꞌue xcacuil inchꞌo̱l joꞌ nak li pastor naxcoleb lix carner riqꞌuin lix ba̱r ut lix xukꞌ.

San Mateo 18:20

Yalak bar cua̱nkeb cuib oxib chꞌutchꞌu̱keb saꞌ incꞌabaꞌ, aran ajcuiꞌ cua̱nkin la̱in saꞌ xya̱nkeb aꞌan, chan li Jesús.

San Juan 14:16

La̱in tintzꞌa̱ma chiru lin Yucuaꞌ nak tixqꞌue e̱re li Santil Musikꞌej. Aꞌan ta̱cꞌojoba̱nk e̱chꞌo̱l ut aꞌan ta̱tenkꞌa̱nk e̱re. Aꞌan ta̱cua̱nk e̱riqꞌuin chi junelic.

San Mateo 28:20

Te̱cꞌut chiruheb xpa̱banquil chixjunil li xinye chak e̱re. Chenauhak nak la̱in cua̱nkin e̱riqꞌuin chixjunil li cutan chalen toj saꞌ rosoꞌjic li ruchichꞌochꞌ.— Joꞌcan taxak.

San Juan 16:33

Xinye e̱re li cꞌaꞌak re ru aꞌin re nak texcua̱nk cuiqꞌuin ut ta̱cua̱nk e̱riqꞌuin li tuktu̱quilal. Saꞌ li ruchichꞌochꞌ te̱cꞌul li raylal. Abanan cacuubresihomak le̱ chꞌo̱l xban nak la̱in ac xinnumta saꞌ xbe̱n li nataklan saꞌ ruchichꞌochꞌ, chan li Jesús reheb lix tzolom.

Hebreos 2:18

Li Ka̱cuaꞌ Jesucristo quixcꞌul li raylal ut quiyaleꞌ ra̱lenquil. Aban, incꞌaꞌ quixqꞌue rib chi a̱le̱c. Joꞌcan nak nim xcuanquil chixtenkꞌanquileb li nequeꞌyaleꞌ ra̱lenquil.

Oseas 6:3

Chikanauhak biꞌ ru li Ka̱cuaꞌ. Chikaqꞌuehak kachꞌo̱l chixnaubal ru chi tzꞌakal. Chꞌolchꞌo nak ta̱cꞌulu̱nk li Ka̱cuaꞌ. Ta̱cꞌulu̱nk joꞌ nak nachal li cutan rajlal. Ta̱cꞌulu̱nk joꞌ nak nachal li hab re xtꞌakresinquil li chꞌochꞌ saꞌ xkꞌehil li a̱uc ut nachal ajcuiꞌ mokon re xtꞌakresinquil li acui̱mk.—

Isaías 43:1

Anakcuan ut joꞌcaꞌin naxye e̱re li nimajcual Dios, li quiyoꞌobtesin e̱re la̱ex aj Israel, li ralal xcꞌajolex laj Jacob: —Mexxucuac xban nak La̱in xincoloc e̱re ut la̱in xinqꞌuehoc e̱cꞌabaꞌ. La̱ex cuehex chic.

Salmos 101:2

La̱in nacuaj cua̱nc saꞌ ti̱quilal. Chasume taxak li cꞌaꞌru nintzꞌa̱ma cha̱cuu ut china̱tenkꞌa. Ut la̱in saꞌ xya̱lal tincua̱nk nak cua̱nkin saꞌ li cuochoch.

2 Ts 2:16

Li Ka̱cuaꞌ Jesucristo ut li Dios li kaYucuaꞌ, li narahoc ke, xban xnimal rusilal naxcꞌojob kachꞌo̱l chi junelic ut naxqꞌue xcacuilal kachꞌo̱l chi oybeni̱nc.

Oseas 14:3

La̱o xkaqꞌue retal nak eb laj Asiria incꞌaꞌ naru toeꞌxcol, chi moco naru toeꞌxcol li cacua̱y re pletic. Chi moco takaye chic “at kadios” reheb li yal nakayi̱b riqꞌuin kukꞌ. At Ka̱cuaꞌ, caꞌaj cuiꞌ a̱cuiqꞌuin cꞌojcꞌo̱k kachꞌo̱l xban nak la̱at li nacat-uxta̱nan ruheb li nebaꞌ, chaꞌkex re li Ka̱cuaꞌ.

Isaías 51:12

Li Ka̱cuaꞌ quixye: —La̱in li Ka̱cuaꞌ ninqꞌuehoc xcacuilal a̱chꞌo̱l. ¿Cꞌaꞌut nak nacaxucua ruheb li cui̱nk li nequeꞌcam? Eb aꞌan teꞌosokꞌ joꞌ li pim.

Lamentaciones 5:3

Xocana chi ma̱ ani chic na-iloc ke. Chanchan nak ma̱cꞌaꞌ chic kayucuaꞌ. Ut eb li kanaꞌ chanchaneb chic li xma̱lcaꞌan.

San Juan 16:16

Chi se̱b incꞌaꞌ chic te̱ril cuu. Abanan mokon chic te̱ril cuiꞌchic cuu, chan li Jesús.