San Juan 14:17 - Li Santil hu

¹⁷ Ut aꞌan ajcuiꞌ li Santil Musikꞌej li ta̱cꞌutuk re lix ya̱lal che̱ru chirix li Dios. Li incꞌaꞌ niquineꞌxpa̱b incꞌaꞌ naru nacuan li Santil Musikꞌej riqꞌuineb xban nak incꞌaꞌ nequeꞌxnau ani aꞌan, chi moco nequeꞌxqꞌue retal li cꞌaꞌru naxba̱nu li Santil Musikꞌej. Abanan la̱ex nequenau ani aꞌan xban nak aꞌan cuan saꞌ e̱ya̱nk anakcuan ut ta̱cua̱nk e̱riqꞌuin chi junelic.

Q'eqchi Bible

¹⁷ a' li Musiq'ej re li yaal, li ink'a' naru taak'ule'q xb'aan li ruuchich'och' xb'aan naq ink'a' na'ile'k chi moko nanawe'k ru xb'aan. A'ut laa'ex nekenaw ru xb'aan naq wank sa' eeyanq ut taawanq eerik'in.

San Juan 14:17 ပူးပေါင်းရင်းမြစ်များ

Ezequiel 36:27

Ut la̱in tinqꞌue e̱re lin musikꞌ. Texinqꞌue chixpa̱banquil lin chakꞌrab ut te̱ba̱nu li cꞌaꞌru ninye. Te̱ba̱nu li cꞌaꞌru texintakla cuiꞌ.

San Juan 16:13

Abanan nak ta̱cha̱lk li Santil Musikꞌej, aꞌan tixcꞌut che̱ru chixjunil lix ya̱lal. Incꞌaꞌ ta̱a̱tinak yal xjunes. Tixye ban e̱re chixjunil li cꞌaꞌru ta̱rabi riqꞌuin li Dios ut tixchꞌolob che̱ru li cꞌaꞌru ta̱cha̱lk mokon.

1 Juan 2:27

Abanan incꞌaꞌ tento ta̱cua̱nk junak aj tzolol e̱re re xcꞌutbal che̱ru cꞌaꞌru li ya̱l ut cꞌaꞌru li incꞌaꞌ ya̱l xban nak qꞌuebil e̱re li Santil Musikꞌej xban li Jesucristo. Li Santil Musikꞌej cuan e̱riqꞌuin ut aꞌan li naqꞌuehoc e̱naꞌleb. Li cꞌaꞌru naxcꞌut che̱ru li Santil Musikꞌej tzꞌakal ya̱l. Moco ticꞌtiꞌ ta. Joꞌcan nak chexcua̱nk chi sum a̱tin riqꞌuin li Jesucristo joꞌ naxcꞌut che̱ru li Santil Musikꞌej.

San Juan 15:26

Nak ta̱cha̱lk li Santil Musikꞌej, laj Cꞌojobanel Chꞌo̱l, e̱riqꞌuin aꞌan tixcꞌut chi tzꞌakal lix ya̱lal che̱ru chicuix la̱in. La̱in tintakla chak e̱riqꞌuin li Santil Musikꞌej li nachal riqꞌuin lin Yucuaꞌ.

1 Juan 4:6

Abanan la̱o ralal xcꞌajol li Dios. Ut eb li nequeꞌpa̱ban re li Dios nocoeꞌrabi. Ut eb li incꞌaꞌ nequeꞌpa̱ban re li Dios incꞌaꞌ nequeꞌraj kabinquil. Riqꞌuin aꞌan nacꞌutun ani cuan li Santil Musikꞌej riqꞌuin ut ani cuan xmusikꞌ laj balakꞌ riqꞌuin.

1 Corintios 3:16

¿Ma incꞌaꞌ ta biꞌ nequenau nak la̱ex rochochex li Dios? ¿Ma incꞌaꞌ ta biꞌ nequenau nak li Santil Musikꞌej cuan e̱riqꞌuin?

1 Corintios 2:14

Li ani ma̱cꞌaꞌ li Santil Musikꞌej riqꞌuin incꞌaꞌ naxcꞌu̱luban lix ya̱lal li naxcꞌut li Santil Musikꞌej. Aꞌan to̱ntil naꞌleb chiru xban nak incꞌaꞌ naxtau ru. Caꞌaj cuiꞌ li ani cuan li Santil Musikꞌej riqꞌuin naru tixtau ru xban nak li Santil Musikꞌej aꞌan li nacꞌutuc re lix ya̱lal chiru.

1 Corintios 6:19

¿Ma incꞌaꞌ nequenau nak la̱ex rochochex li Santil Musikꞌej xban nak li Santil Musikꞌej li quixqꞌue e̱re li Dios cuan e̱riqꞌuin? Joꞌcan nak moco la̱ex ta nequetakla e̱rib e̱junes. La̱ex rehex chic li Dios.

2 Timoteo 1:14

Riqꞌuin xcuanquil li Santil Musikꞌej li cuan a̱cuiqꞌuin, chacꞌu̱lahak saꞌ a̱chꞌo̱l lix ya̱lal li lokꞌlaj colba-ib kꞌaxtesinbil a̱cue xban li Dios.

San Juan 14:16

La̱in tintzꞌa̱ma chiru lin Yucuaꞌ nak tixqꞌue e̱re li Santil Musikꞌej. Aꞌan ta̱cꞌojoba̱nk e̱chꞌo̱l ut aꞌan ta̱tenkꞌa̱nk e̱re. Aꞌan ta̱cua̱nk e̱riqꞌuin chi junelic.

San Juan 14:23

Quichakꞌoc li Jesús ut quixye re: —La̱in tincꞌutbesi cuib chiruheb li nequeꞌrahoc cue ut nequeꞌxba̱nu li cꞌaꞌru ninye. Eb aꞌan teꞌrahekꞌ xban lin Yucuaꞌ. La̱in ut lin Yucuaꞌ toxic riqꞌuineb ut tocua̱nk riqꞌuineb.

Isaías 57:15

Quixye ajcuiꞌ li santil Dios li nim xcuanquil ut yoꞌyo chi junelic: —La̱in nincuan saꞌ jun li Santil Naꞌajej li cuan takecꞌ. Ut nincuan ajcuiꞌ riqꞌuineb li tu̱laneb ut eb li nequeꞌxcubsi ribeb. La̱in ninqꞌue xcacuilal xchꞌo̱leb li nequeꞌxcubsi ribeb ut ninqꞌue ajcuiꞌ xcacuilal xchꞌo̱leb li nequeꞌyotꞌeꞌ xchꞌo̱l.

1 Juan 3:24

Cui nakapa̱b lix chakꞌrab, la̱o cuanco riqꞌuin li Dios ut li Dios cuan kiqꞌuin. Nakanau nak li Dios cuan kiqꞌuin chi junelic xban li Santil Musikꞌej li qꞌuebil ke.

1 Juan 4:4

Ex inherma̱n, la̱ex rehex chic li Dios. La̱ex xecuy ut xenau xcolbal e̱rib chiruheb laj balakꞌ. Xecuy xban nak li Santil Musikꞌej cuan e̱riqꞌuin ut kꞌaxal nim xcuanquil aꞌan chiru laj tza li cuan riqꞌuineb laj balakꞌ.

Efesios 3:17

Ut nintzꞌa̱ma ajcuiꞌ chiru nak chicua̱nk le̱ pa̱ba̱l re nak cua̱nk li Cristo e̱riqꞌuin chi tzꞌakal. Te̱tau taxak xcacuil le̱ chꞌo̱l riqꞌuin xra̱bal li Dios joꞌ eb ajcuiꞌ le̱ ras e̱ri̱tzꞌin.

Gálatas 4:6

Re xcꞌutbal chiku nak la̱o chic ralal xcꞌajol, li Dios quixtakla li Santil Musikꞌej re nak ta̱cua̱nk kiqꞌuin. Ut xban nak cuan li Santil Musikꞌej kiqꞌuin, joꞌcan nak naru nakaye re li Dios, “at inYucuaꞌ.”

2 Corintios 13:5

Qꞌuehomak retal le̱ yuꞌam. ¿Ma tzꞌakal re ru le̱ yuꞌam? ¿Ma chi anchal e̱chꞌo̱l nequexpa̱ban? ¿Ma incꞌaꞌ ta biꞌ nequenau chi tzꞌakal nak li Cristo cuan e̱riqꞌuin? ¿Malaj ut toj ma̱jiꞌ nequexpa̱ban?

Colosenses 1:27

Li Dios quiraj nak la̱ex li ma̱cuaꞌex aj judío, te̱nau nak e̱re ajcuiꞌ li colba-ib. Li resil aꞌan mukmu nak quicuan chak. Abanan anakcuan nanauman nak lix ya̱lal li lokꞌlaj esil, aꞌan aꞌin: Nak li Cristo cuan e̱riqꞌuin ut saꞌ xcꞌabaꞌ aꞌan textzꞌako̱nk riqꞌuin lix nimal xlokꞌal li Dios.

Efesios 2:22

Joꞌcan ajcuiꞌ la̱ex. Xban nak rehex chic li Cristo, junajex chic riqꞌuineb laj pa̱banel. Ut la̱ex ajcuiꞌ li rochoch li Dios xban nak li Santil Musikꞌej cuan e̱riqꞌuin.

San Mateo 10:20

Ma̱cuaꞌ la̱ex li tex-a̱tinak. Aꞌ ban li Santil Musikꞌej ta̱a̱tinak. Yal tixtoꞌoni lix tzꞌu̱mal e̱re.

Apocalipsis 2:17

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, la̱in tinqꞌue li choxahil cua li incꞌaꞌ na-ilman ru chixtzaca. Ut tinqꞌue ajcuiꞌ jun li saki pec re ut tzꞌi̱banbilak chiru jun li acꞌ cꞌabaꞌej. Ma̱ ani ta̱naꞌok re li cꞌabaꞌej. Caꞌaj cuiꞌ li ani li ta̱cꞌuluk re, chan li Cꞌajolbej reheb laj Pérgamo.

Isaías 59:21

Li Ka̱cuaꞌ quixye: —La̱in tinba̱nu jun li contrato e̱riqꞌuin. La̱in ninye nak lin musikꞌ ta̱cua̱nk e̱riqꞌuin. Ut li cua̱tin quinqꞌue e̱re ta̱cua̱nk saꞌ e̱chꞌo̱l chi junelic. Junelic te̱chꞌolob lix ya̱lal chiruheb le̱ ralal e̱cꞌajol ut eb le̱ ralal e̱cꞌajol teꞌxchꞌolob xya̱lal chiruheb li ralal xcꞌajoleb li teꞌcua̱nk mokon, chan li Dios.

Proverbios 14:10

Li junju̱nk naxnau li rahil chꞌo̱lej li cuan saꞌ xchꞌo̱l. Ut ma̱ ani ta̱tzꞌako̱nk riqꞌuin xsahil xchꞌo̱l li ani sa saꞌ xchꞌo̱l.

1 Juan 5:7

Saꞌ choxa cuanqueb li oxibeb li nequeꞌchꞌoloban lix ya̱lal. Aꞌaneb aꞌin: li Dios Acuabej, li Dios Cꞌajolbej ut li Dios Santil Musikꞌej. Li oxib aꞌin junajeb chi ribil.

2 Corintios 6:16

¿Ma xcꞌulubeb ta biꞌ li yi̱banbil dios nak teꞌcua̱nk saꞌ rochoch li yoꞌyo̱quil Dios? Ma̱min ta̱ru̱k. La̱in ninye e̱re nak la̱o aj pa̱banelo, la̱o li rochoch li yoꞌyo̱quil Dios. Li Dios, aꞌan li quixye chi joꞌcaꞌin: La̱in tincua̱nk riqꞌuineb ut tincuochbeniheb. La̱inak lix Dioseb aꞌan, ut aꞌanakeb li cualal incꞌajol, chan. (Lev. 26:12)

1 Corintios 14:15

¿Cꞌaꞌru tinba̱nu chi joꞌcanan? Tintijok riqꞌuin lin musikꞌ chi incꞌaꞌ tintau ru li tinye ut tento ajcuiꞌ nak tintijok riqꞌuin lin cꞌaꞌux re nak ta̱tauma̱nk ru li cꞌaꞌru tinye. Ut tinbicha̱nk riqꞌuin lin musikꞌ chi incꞌaꞌ tintau ru li tinye ut tinbicha̱nk ajcuiꞌ riqꞌuin lin cꞌaꞌux re nak ta̱tauma̱nk ru li cꞌaꞌru tinye.

San Juan 6:40

Li Yucuaꞌbej li quitaklan chak cue, aꞌan naraj nak chixjunileb li teꞌxqꞌue retal nak la̱in li Cꞌajolbej ut tineꞌxpa̱b ta̱cua̱nk xyuꞌameb chi junelic. Ut la̱in tincuaclesiheb ut tinqꞌue xyuꞌameb saꞌ rosoꞌjiqueb li cutan, chan li Jesús.