San Juan 14:16 - Li Santil hu

¹⁶ La̱in tintzꞌa̱ma chiru lin Yucuaꞌ nak tixqꞌue e̱re li Santil Musikꞌej. Aꞌan ta̱cꞌojoba̱nk e̱chꞌo̱l ut aꞌan ta̱tenkꞌa̱nk e̱re. Aꞌan ta̱cua̱nk e̱riqꞌuin chi junelic.

Q'eqchi Bible

¹⁶ ut laa'in tintz'aamanq tin'elajinq chiru li Yuwa'b'ej, ut a'an tixtaqla chaq jun chik aj K'ojob'anel ch'ool re naq twanq eerik'in chi junelik:

San Juan 14:16 ပူးပေါင်းရင်းမြစ်များ

San Juan 14:26

Li Santil Musikꞌej li tixtakla chak li Yucuaꞌbej chokꞌ cuu̱chil, aꞌan ta̱tenkꞌa̱nk e̱re ut aꞌan ta̱cꞌutuk che̱ru chixjunil li cꞌaꞌak re ru li incꞌaꞌ nequetau ru. Ut aꞌan tixjultica e̱re chixjunil li cꞌaꞌru xinye e̱re.

San Juan 15:26

Nak ta̱cha̱lk li Santil Musikꞌej, laj Cꞌojobanel Chꞌo̱l, e̱riqꞌuin aꞌan tixcꞌut chi tzꞌakal lix ya̱lal che̱ru chicuix la̱in. La̱in tintakla chak e̱riqꞌuin li Santil Musikꞌej li nachal riqꞌuin lin Yucuaꞌ.

Romanos 15:13

Li Dios aꞌan li kayoꞌon. Aꞌan taxak chiqꞌuehok xsahil e̱chꞌo̱l chi nabal ut tixqꞌue ajcuiꞌ e̱re li tuktu̱quil usilal xban nak nequexpa̱ban. Xban nak cuan xcuanquil li Santil Musikꞌej e̱riqꞌuin, cauhak taxak e̱chꞌo̱l chi oybeni̱nc.

Gálatas 5:22

Abanan li cꞌaꞌru naxqꞌue li Santil Musikꞌej saꞌ li kayuꞌam, aꞌan li rahoc, sahil chꞌo̱lejil, tuktu̱quil usilal, cuyuc, cha̱bilal, usilal, ti̱quil chꞌo̱lej,

Romanos 14:17

Lix cuanquilal li Dios incꞌaꞌ nakatau riqꞌuin cꞌaꞌru nakatzaca chi moco riqꞌuin li cꞌaꞌru nakucꞌ; natauman ban riqꞌuin li ti̱quilal, li tuktu̱quil usilal ut li sahil chꞌo̱lejil li naxqꞌue ke li Santil Musikꞌej.

Hechos 9:31

Ut incꞌaꞌ chic queꞌrahobtesi̱c laj pa̱banel li cuanqueb Judea, Galilea, ut Samaria. Yo̱queb chi qꞌui̱c saꞌ xpa̱ba̱leb. Nequeꞌxxucua ru li Ka̱cuaꞌ. Ut li Santil Musikꞌej yo̱ chixqꞌuebal xcacuilal xchꞌo̱leb. Cꞌajoꞌ nak yo̱queb chi ta̱mc.

1 Juan 2:1

Ex inherma̱n, chanchanex li cualal incꞌajol. Aꞌ cꞌaꞌak re ru aꞌin nintzꞌi̱ba e̱re re nak incꞌaꞌ texma̱cobk. Cui ut cuan junak ta̱ma̱cobk, cuan jun aj jalol a̱tin chikix chiru li Acuabej Dios, aꞌan li Jesucristo li ti̱c xchꞌo̱l.

San Juan 4:14

Aꞌut li teꞌucꞌak re li haꞌ tinqꞌue la̱in, ma̱ jokꞌe chic ta̱chakik reheb. Li haꞌ li tinqꞌue la̱in jalan cuiꞌ. Aꞌan li junelic yuꞌam. Chanchan jun li yuꞌam haꞌ li cuan chi junelic. Ma̱cꞌaꞌ rosoꞌjic, chan li Jesús.

San Mateo 28:20

Te̱cꞌut chiruheb xpa̱banquil chixjunil li xinye chak e̱re. Chenauhak nak la̱in cua̱nkin e̱riqꞌuin chixjunil li cutan chalen toj saꞌ rosoꞌjic li ruchichꞌochꞌ.— Joꞌcan taxak.

Filipenses 2:1

Anakcuan nacuaj xpatzꞌbal e̱re: ¿Ma cuan xya̱lal chokꞌ e̱re la̱ex nak xepa̱b li Cristo? ¿Ma cꞌojcꞌo e̱chꞌo̱l xban nak raro̱quex xban li Cristo? ¿Ma junaj ru le̱ chꞌo̱l che̱junilex xban li Santil Musikꞌej li cuan e̱riqꞌuin? ¿Ma nequera e̱rib chi ribil e̱rib? ¿Ma nequeruxta̱na e̱ru chi ribil e̱rib?

Romanos 5:5

Li cꞌaꞌru nakayoꞌoni nakanau nak takacꞌul, xban nak kꞌaxal nocoxra li Dios ut naxcꞌut chiku lix nimal xrahom xban li Santil Musikꞌej li qꞌuebil chak ke.

Hechos 13:52

Ut eb laj pa̱banel cꞌajoꞌ xsahil saꞌ xchꞌo̱leb ut li Santil Musikꞌej cuan riqꞌuineb.

San Juan 17:15

Incꞌaꞌ yo̱quin chixtzꞌa̱manquil cha̱cuu nak ta̱cuisiheb lin tzolom saꞌ ruchichꞌochꞌ. Caꞌaj cuiꞌ yo̱quin chixtzꞌa̱manquil cha̱cuu nak ta̱coleb chiru laj tza.

San Juan 14:18

Nak tinxic incꞌaꞌ texincanab e̱junes. Tincha̱lk cuiꞌchic e̱riqꞌuin.

Hebreos 7:25

Li Jesucristo aꞌan tzꞌakal ta̱colok reheb chixjunileb li nequeꞌpa̱ban re li Dios saꞌ xcꞌabaꞌ aꞌan. Li Jesucristo yoꞌyo chi junelic ut naa̱tinac chirixeb chiru li Dios.

Romanos 8:34

¿Ani ta̱ru̱k ta̱qꞌuehok reheb laj pa̱banel saꞌ tojba ma̱c? Ma̱ ani xban nak li Jesucristo quicam saꞌ kacꞌabaꞌ ut li Dios quixcuaclesi cuiꞌchic chi yoꞌyo saꞌ xya̱nkeb li camenak. Anakcuan aꞌan cuan saꞌ xnim ukꞌ li Dios ut yo̱ chi a̱tinac chikix chiru li Dios.

San Juan 14:14

Joꞌcan ut nak yalak cꞌaꞌru te̱tzꞌa̱ma saꞌ incꞌabaꞌ, la̱in tinqꞌue e̱re.

San Juan 17:20

Ma̱cuaꞌ caꞌaj cuiꞌ chirixeb lin tzolom yo̱quin chi tzꞌa̱ma̱nc cha̱cuu. Yo̱quin aj ban cuiꞌ chi tzꞌa̱ma̱nc cha̱cuu chirixeb li teꞌpa̱ba̱nk mokon nak teꞌxchꞌolob lix ya̱lal chiruheb.

San Juan 16:22

Joꞌcan ajcuiꞌ la̱ex. Anakcuan ra saꞌ e̱chꞌo̱l. Abanan nak te̱ril cuiꞌchic cuu, ta̱sahokꞌ saꞌ e̱chꞌo̱l. Ut ma̱ ani ta̱isi̱nk che̱ru lix sahil e̱chꞌo̱l.

2 Ts 2:16

Li Ka̱cuaꞌ Jesucristo ut li Dios li kaYucuaꞌ, li narahoc ke, xban xnimal rusilal naxcꞌojob kachꞌo̱l chi junelic ut naxqꞌue xcacuilal kachꞌo̱l chi oybeni̱nc.

San Juan 7:39

Nak quixye aꞌin, li Jesús yo̱ chi a̱tinac chirix li Santil Musikꞌej li ta̱cua̱nk riqꞌuineb li teꞌpa̱ba̱nk re. Saꞌ li cutan aꞌan, li Santil Musikꞌej toj ma̱jiꞌ nacꞌulun xban nak li Jesús toj ma̱jiꞌ naxic saꞌ choxa chixcꞌulbal lix lokꞌal.

Hechos 1:4

Nak toj cuan saꞌ xya̱nkeb li Jesús quixye reheb chi joꞌcaꞌin: —Incꞌaꞌ texxic saꞌ jalan naꞌajej. Texcana̱k ban Jerusalén roybeninquil li Santil Musikꞌej li yechiꞌinbil e̱re xban li Dios Acuabej, li ac xinye e̱re la̱in.

1 Juan 2:27

Abanan incꞌaꞌ tento ta̱cua̱nk junak aj tzolol e̱re re xcꞌutbal che̱ru cꞌaꞌru li ya̱l ut cꞌaꞌru li incꞌaꞌ ya̱l xban nak qꞌuebil e̱re li Santil Musikꞌej xban li Jesucristo. Li Santil Musikꞌej cuan e̱riqꞌuin ut aꞌan li naqꞌuehoc e̱naꞌleb. Li cꞌaꞌru naxcꞌut che̱ru li Santil Musikꞌej tzꞌakal ya̱l. Moco ticꞌtiꞌ ta. Joꞌcan nak chexcua̱nk chi sum a̱tin riqꞌuin li Jesucristo joꞌ naxcꞌut che̱ru li Santil Musikꞌej.

2 Juan 1:2

Nequexkara xban nak junaj li nakapa̱b ut lix ya̱lal aꞌan ta̱cua̱nk kiqꞌuin chi junelic.