San Juan 14:12 - Li Santil hu

¹² Relic chi ya̱l ninye e̱re, li ani napa̱ban cue la̱in, aꞌan tixba̱nu li cꞌanjel ninba̱nu la̱in. Ut kꞌaxal cuiꞌchic nabal li tixba̱nu chiru li xinba̱nu la̱in xban nak la̱in xic cue riqꞌuin li Yucuaꞌbej.

Q'eqchi Bible

¹² Relik chi yaal ninye eere: ani napaab'ank we, a'an ajwi' tixb'aanu li xninqal b'aanuhom li ninb'aanu laa'in, ut q'axal ninqeb' chik chiruheb' a'in tixb'aanu, xb'aan naq xik we rik'in li Yuwa'b'ej.

San Juan 14:12 ပူးပေါင်းရင်းမြစ်များ

San Mateo 21:21

Quichakꞌoc li Jesús ut quixye: —Relic chi ya̱l tinye e̱re nak cui te̱pa̱b chi tzꞌakal nak li Dios tixba̱nu, ut incꞌaꞌ ta̱cuiba̱nk e̱chꞌo̱l, ta̱ru̱k ajcuiꞌ te̱ba̱nu joꞌ xinba̱nu la̱in re li cheꞌ. Ut moco caꞌaj cuiꞌ ta raj aꞌan te̱ba̱nu. Ta̱ru̱k ajcuiꞌ te̱ye re li tzu̱l aꞌin, “Elen ut cut a̱cuib saꞌ li palau” ut ta̱uxk ajcuiꞌ che̱ru.

San Marcos 16:17

Aꞌan aꞌin li retalil li talajeꞌxba̱nu li teꞌpa̱ba̱nk. Saꞌ incꞌabaꞌ la̱in teꞌisi̱nk ma̱us aj musikꞌej ut teꞌa̱tinak saꞌ jalan a̱tinoba̱l.

Hechos 16:18

Nabal cutan quixba̱nu chi joꞌcan. Nak ac xtitzꞌ chirabinquil, laj Pablo quixxakab rib, ut quiril li xkaꞌal, ut quixye re li ma̱us aj musikꞌej: —Saꞌ xcꞌabaꞌ li Ka̱cuaꞌ Jesucristo, tinye a̱cue: Elen riqꞌuin li xkaꞌal aꞌin, chan. Ut saꞌ ajcuiꞌ li ho̱nal aꞌan, li ma̱us aj musikꞌej qui-el riqꞌuin.

Hechos 9:34

Ut laj Pedro quixye re: —At Eneas, li Ka̱cuaꞌ Jesucristo tatxqꞌuirtesi anakcuan. Xaklin ut xoc la̱ cuarib, chan. Ut saꞌ junpa̱t quixakli li cui̱nk.

Hechos 19:12

Usta caꞌaj cuiꞌ lix tꞌicr ut lix sut laj Pablo nequeꞌxqꞌue saꞌ xbe̱neb li yaj, nequeꞌqꞌuira. Ut nequeꞌel li ma̱us aj musikꞌej riqꞌuineb.

Hechos 9:40

Laj Pedro quirisiheb chirix cab. Quixcuikꞌib rib ut qui-oc chi tijoc. Ut quiril li camenak ut quixye re: —Tabita, cuaclin, chan. Ut li ixk quixte li xnakꞌ ru, ut nak quiril ru laj Pedro, quicꞌojla.

Hechos 8:7

Nabaleb li cuan ma̱us aj musikꞌej riqꞌuineb queꞌqꞌuirtesi̱c. Japjo̱queb re li ma̱us aj musikꞌej nak nequeꞌel riqꞌuineb. Ut nabaleb li ye̱k rokeb ut li sic rok rukꞌeb quilajeꞌqꞌuirtesi̱c.

Hechos 5:15

Ut nabaleb li queꞌxcꞌam chak lix yajeb ut queꞌxyocob saꞌ lix cuarib malaj chiru lix po̱p chire be. Queꞌraj nak laj Pedro tixqꞌuirtesiheb. Eb aꞌan queꞌxcꞌoxla nak usta yal ta̱numekꞌ chiruheb, teꞌqꞌuira̱k.

Hechos 2:41

Ut chixjunileb li queꞌpa̱ban re li ra̱tin queꞌcubsi̱c xhaꞌ. Oxib mil tana li queꞌpa̱ban saꞌ li cutan aꞌan ut queꞌoc chokꞌ xcomoneb.

Hechos 4:4

Abanan nabaleb li queꞌpa̱ban re li a̱tin li yo̱queb chixyebal laj Pedro ut laj Juan. Cuanqueb na o̱bak mil li cui̱nk li queꞌpa̱ban.

San Juan 16:7

Abanan la̱in xinye lix ya̱lal e̱re. Kꞌaxal us chokꞌ e̱re nak tinxic xban nak cui incꞌaꞌ ninxic, incꞌaꞌ ta̱cha̱lk li Santil Musikꞌej e̱riqꞌuin. Aꞌan li ta̱tenkꞌa̱nk e̱re ut aꞌan li ta̱cꞌojoba̱nk re le̱ chꞌo̱l. Nak tinxic, la̱in tintakla chak li Santil Musikꞌej e̱riqꞌuin.

Hechos 2:33

Quicꞌameꞌ xban li Dios re nak ta̱cꞌojla̱k saꞌ lix nim ukꞌ ut quiqꞌueheꞌ xcuanquil. Ut quiqꞌueheꞌ li Santil Musikꞌej re xban li Dios. Ut quixqꞌue ajcuiꞌ ke la̱o li Santil Musikꞌej joꞌ quiyechiꞌi̱c ke. Aꞌan aꞌin li yo̱quex chirilbal ut chirabinquil anakcuan.

San Juan 7:39

Nak quixye aꞌin, li Jesús yo̱ chi a̱tinac chirix li Santil Musikꞌej li ta̱cua̱nk riqꞌuineb li teꞌpa̱ba̱nk re. Saꞌ li cutan aꞌan, li Santil Musikꞌej toj ma̱jiꞌ nacꞌulun xban nak li Jesús toj ma̱jiꞌ naxic saꞌ choxa chixcꞌulbal lix lokꞌal.

San Juan 7:33

Li Jesús quixye reheb: —Toj ma̱jiꞌ tine̱chap. Toj tincua̱nk chic caꞌchꞌinak saꞌ e̱ya̱nk, tojoꞌnak tinsukꞌi̱k cuiꞌchic riqꞌuin li quitaklan chak cue.

Romanos 15:19

Xinjultica resil li Jesucristo chiruheb riqꞌuin li milagros ut li sachba chꞌo̱lej ut riqꞌuin xcuanquil li Santil Musikꞌej. Yalak bar quinbeni xyebal resil li colba-ib. Quintiquib Jerusalén, ut quinsuti chixjunileb li naꞌajej toj retal quincuulac Ilírico.

Hechos 6:7

Joꞌcan nak yo̱ chi abi̱c li ra̱tin li Ka̱cuaꞌ yalak bar. Ut yo̱queb chi ta̱mc laj pa̱banel aran Jerusalén. Ut nabaleb laj tij queꞌpa̱ban.

Hechos 4:16

Ut queꞌxye: —¿Cꞌaꞌru takaba̱nu riqꞌuineb li cui̱nk aꞌin? Chixjunileb li tenamit arin Jerusalén nequeꞌxnau nak tzꞌakal milagro queꞌxba̱nu re li cui̱nk. La̱o incꞌaꞌ naru takaye nak incꞌaꞌ ya̱l aꞌan.

San Juan 14:28

Ac xinye e̱re nak tinxic, ut tincha̱lk cuiꞌchic. Cui ya̱l nak niquine̱ra, ta̱sahokꞌ raj saꞌ e̱chꞌo̱l nak tinxic riqꞌuin lin Yucuaꞌ, xban nak aꞌan kꞌaxal nim xcuanquil chicuu la̱in.

Hechos 10:46

Queꞌrabi nak yo̱queb chi a̱tinac saꞌ jalan a̱tinoba̱l ut yo̱queb chixnimanquil ru li Dios.

Hechos 4:33

Eb li apóstol cauheb xchꞌo̱l chixchꞌolobanquil xya̱lal lix cuaclijic cuiꞌchic chi yoꞌyo li Jesucristo saꞌ xya̱nkeb li camenak. Ut li Dios quirosobtesiheb chixjunileb chi nabal.

San Marcos 11:13

Toj najt ajcuiꞌ cuan chak nak quiril jun to̱n li cheꞌ higo ut co̱ chirilbal ma cuan ru. Nak quicuulac cuan cuiꞌ li cheꞌ quiril nak ma̱cꞌaꞌ ru. Junes xak cuan xban nak toj ma̱jiꞌ xkꞌehil ta̱u̱chi̱nk.

San Juan 4:37

Riqꞌuin aꞌin na-el chi ya̱l li nequeꞌxye: “Jun li na-acuoc re ut jun chic li nakꞌoloc re.”

San Juan 5:20

La̱in li Cꞌajolbej. Raro̱quin xban lin Yucuaꞌ. Aꞌan naxcꞌut chicuu chixjunil li cꞌaꞌak re ru naxba̱nu. Ut toj cuan cuiꞌchic cꞌaꞌak re ru xni̱nkal ru naꞌleb chiru aꞌin tixcꞌut chicuu xba̱nunquil. Ut la̱ex ta̱sachk e̱chꞌo̱l chirilbal.