San Juan 13:5 - Li Santil hu

⁵ Quixqꞌue li haꞌ saꞌ jun li emel ut qui-oc chixchꞌajbal li rokeb lix tzolom. Ut quixmes li rokeb riqꞌuin li tꞌicr bacꞌbo chi xsaꞌ.

Q'eqchi Bible

⁵ Chirix chik a'in kixk'e ha' sa' jun li emel ut ki'ok chi xch'ajb'al li roqeb' li xtzolom ut kixchaqihob'resiheb' chiru li t'ikr b'ak'b'o chi xsa'.

San Juan 13:5 ပူးပေါင်းရင်းမြစ်များ

San Lucas 7:44

Ut li Jesús quiril li ixk ut quixye re laj Simón: —Il a ixk aꞌin. Nak xincꞌulun saꞌ la̱ cuochoch, la̱at incꞌaꞌ xaqꞌue inhaꞌ re xchꞌajbal li cuok joꞌ cꞌaynako xba̱nunquil. Ut li ixk aꞌin xchꞌaj li cuok riqꞌuin xyaꞌal ru ut xmes riqꞌuin rismal xjolom.

Salmos 51:2

Chacuisiheb taxak lin ma̱usilal ut chati̱cobresi taxak lin chꞌo̱l re nak ma̱cꞌaꞌak chic inma̱c.

Génesis 19:2

Ut quixye reheb: —Ex Ka̱cuaꞌ, ba̱nuhomak li usilal. Yoꞌkeb saꞌ li cuochoch ut aran te̱numsi li kꞌojyi̱n. Aran naru te̱chꞌaj le̱ rok. Ut toj cuulaj ekꞌela texxic, chan. Eb aꞌan queꞌxye re: —Bantiox a̱cue. Ma̱chꞌiꞌchꞌiꞌi a̱cuib. Naru nococuar saꞌ be, chanqueb.

1 Timoteo 5:10

Tento ajcuiꞌ nak li xma̱lcaꞌan naꞌno̱k ru riqꞌuin li cha̱bilal ac xba̱nu. Ac xqꞌuiresiheb lix cocꞌal saꞌ xya̱lal. Quixcꞌul li rulaꞌ saꞌ xya̱lal nak queꞌcuulac saꞌ rochoch. Quixchꞌaj li rokeb li rech aj pa̱banelil. Quixtenkꞌaheb li yo̱queb chixcꞌulbal li raylal. Cui cha̱bil li cꞌanjel quixba̱nu, naru tixcꞌul lix tenkꞌanquil.

Génesis 18:4

Tintakla xcꞌambal caꞌchꞌinak li haꞌ re te̱chꞌaj le̱ rok. Chexhila̱nk rubel xmu li cheꞌ.

Apocalipsis 7:14

Ut la̱in quinchakꞌoc ut quinye re: —Ka̱cuaꞌ, la̱at nacatnaꞌoc re.— Ut aꞌan quixye cue: —Aꞌaneb aꞌin li xeꞌcuyuc chak xnumsinquil li nimla raylal xeꞌxcꞌul. Aꞌaneb li cuybil sachbil lix ma̱queb xban nak quihoyeꞌ xquiqꞌuel li Jun li chanchan carner nak quicam saꞌ xcꞌabaꞌeb.

Hebreos 10:22

Joꞌcan nak chikaqꞌue kib rubel xcuanquil li Dios chi anchal kachꞌo̱l ut chi ma̱cꞌaꞌak kaxiu xban nak nakecꞌa nak ma̱cꞌaꞌ chic li kama̱c. Chꞌajbil chic li ka̱m xban xquiqꞌuel li Jesucristo ut cubsinbil chic kahaꞌ.

Efesios 5:26

Li Jesucristo quixmayeja rib re xsantobresinquileb laj pa̱banel riqꞌuin nak teꞌxcꞌul li cubi haꞌ saꞌ xcꞌabaꞌ li Cristo ut riqꞌuin li ra̱tin li Dios.

1 Corintios 6:11

Usta cuanqueb junju̱nk saꞌ e̱ya̱nk joꞌcan queꞌxba̱nu chak, abanan anakcuan cuybil sachbil chic lix ma̱queb. Santobresinbileb chic ut ti̱cobresinbileb chic lix chꞌo̱l saꞌ xcꞌabaꞌ li Ka̱cuaꞌ Jesucristo ut xban li Santil Musikꞌej.

Hechos 22:16

¿Cꞌaꞌut nak nacabay a̱cuib? Cuaclin. Li Dios tixcuy tixsach la̱ ma̱c nak ta̱ya̱ba lix cꞌabaꞌ. Ut cꞌul li cubi haꞌ,” chan cue.

2 Reyes 3:11

Abanan li rey Josafat quixye: —¿Ma ma̱cꞌaꞌ junak xprofeta li Dios arin re nak tixtzꞌa̱ma chiru li Dios cꞌaꞌru us takaba̱nu? chan. Jun li cui̱nk li nataklan saꞌ xbe̱neb lix soldado laj Israel quixye: —Cuan arin laj Eliseo, li ralal laj Safat. Laj Eliseo quicꞌanjelac chiru li profeta Elías, chan.

1 Samuel 25:41

Lix Abigail quixcuikꞌib rib chiruheb ut quixye reheb: —La̱in aj cꞌanjel chiru laj David. La̱in tinchꞌaj li rokeb lix mo̱s cui joꞌcan naraj aꞌan tinba̱nu, chan.

Levítico 14:8

Li ac xqꞌuira tixpuchꞌ li rakꞌ. Tixbes chixjunil li rismal ut ta̱ati̱nk re nak incꞌaꞌ chic muxbilak ru. Ta̱oc cuiꞌchic saꞌ li tenamit, aban incꞌaꞌ ta̱oc chi ticto saꞌ lix muheba̱l. Cuukub cutan ta̱cua̱nk chirix lix muheba̱l.

1 Juan 5:6

Li Jesucristo quicꞌulun saꞌ ruchichꞌochꞌ. Quixcꞌul li cubi haꞌ ut quihoyeꞌ ajcuiꞌ lix quiqꞌuel chiru li cruz. Ma̱cuaꞌ caꞌaj cuiꞌ li cubi haꞌ quixcꞌul. Quihoyeꞌ aj ban cuiꞌ lix quiqꞌuel. Li Santil Musikꞌej naxchꞌolob xya̱lal chiku chirix li Cristo. Ut ya̱l chixjunil li naxcꞌut chiku li Santil Musikꞌej.

1 Juan 1:7

Ut cui nakaba̱nu li cꞌaꞌru naraj li Dios, joꞌ naxcꞌutbesi chiku li Cristo, cuanco chic chi sum a̱tin chi kibil kib. Ut lix quiqꞌuel li Jesucristo li Ralal li Dios naxchꞌajobresi li ka̱m ut narisi chixjunil li kama̱c.

San Juan 19:34

Jun li soldado quixhop xcꞌatk xsaꞌ riqꞌuin lix chꞌi̱chꞌ ut saꞌ junpa̱t qui-el li quicꞌ ut qui-el ajcuiꞌ li haꞌ.

San Lucas 7:38

Li ixk quijiloc riqꞌuin li Jesús. Qui-oc chi ya̱bac saꞌ xbe̱n li rok ut riqꞌuin lix yaꞌal ru quixchꞌaj. Ut quixmes riqꞌuin rismal xjolom. Quirutzꞌ li rok ut quixyul riqꞌuin li sununquil ban.

Zacarías 13:1

Saꞌ eb li cutan aꞌan, ta̱yoꞌla̱k jun li Yuꞌam Haꞌ. Ut li Haꞌ aꞌan ta̱chꞌajok re lix ma̱queb ut lix ma̱usilaleb li ralal xcꞌajol laj David joꞌqueb ajcuiꞌ li cuanqueb Jerusalén.

Ezequiel 36:25

Chanchan nak texinchꞌajobresi riqꞌuin sak ru haꞌ nak tincuisi li ma̱usilal xeba̱nu nak xemux e̱rib riqꞌuin xlokꞌoninquil li jalanil dios.

Apocalipsis 1:5

Aꞌ taxak li usilal ut li tuktu̱quilal chicua̱nk e̱riqꞌuin li naxqꞌue li Jesucristo li ti̱c xchꞌo̱l chixyebal li ya̱l. Li Jesucristo aꞌan li xbe̱n li quicuacli chi yoꞌyo saꞌ xya̱nkeb li camenak. Aꞌan li kꞌaxal nim xcuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. Aꞌan quirahoc ke ut aꞌan qui-isin re li kama̱c nak quihoyeꞌ lix quiqꞌuel nak quicam saꞌ kacꞌabaꞌ.

Isaías 1:16

Yi̱bomak le̱ yuꞌam. Ti̱cobresihomak le̱ chꞌo̱l. Canabomak li ma̱cobc. Ut me̱ba̱nu chic li ma̱usilal.

Éxodo 29:4

Chirix aꞌan ta̱cꞌameb laj Aarón rochben li ralal saꞌ li oqueba̱l re li tabernáculo ut ta̱qꞌueheb chi ati̱nc.

San Juan 13:10

Li Jesús quixye reheb: —Li ani ac x-atin, caꞌaj chic xchꞌajbal li rok ta̱raj, xban nak ac chꞌajbil. Ac sak chic ru. Joꞌcan ajcuiꞌ la̱ex. La̱ex ac ti̱c e̱chꞌo̱l xban nak ac xine̱pa̱b. Abanan moco che̱junilex ta ti̱c e̱chꞌo̱l. Cuan jun saꞌ e̱ya̱nk incꞌaꞌ ti̱c xchꞌo̱l, chan.

San Juan 13:8

Laj Pedro quixye re: —Ka̱cuaꞌ, ma̱ jokꞌe tinqꞌue li cuok re ta̱chꞌaj, chan. Li Jesús quixye re: —Cui la̱at incꞌaꞌ ta̱qꞌue la̱ cuok re tinchꞌaj, la̱at ma̱cuaꞌat intzolom, chan.

Génesis 43:24

Ut li mo̱s quirocsiheb li cui̱nk saꞌ rochoch laj José, ut quixtakla xcꞌambal li haꞌ re nak teꞌxchꞌaj li rokeb. Ut queꞌqꞌueheꞌ ajcuiꞌ xcuaheb lix bu̱r.

Jueces 19:21

Ut quixcꞌameb saꞌ li rochoch ut quixqꞌue richaj lix bu̱reb. Li cui̱nk ut eb li cuanqueb rochben queꞌxchꞌaj li rokeb ut queꞌcuaꞌac ut queꞌucꞌac.

San Juan 13:6

Nak qui-oc raj chixchꞌajbal li rok laj Simón Pedro, aꞌan quixye re: —Ka̱cuaꞌ, ¿ma la̱at tatchꞌajok re li cuok la̱in? chan.