San Juan 13:19 - Li Santil hu

¹⁹ La̱in ninye e̱re aꞌin anakcuan nak toj ma̱jiꞌ nacꞌulman. Ut nak ta̱cꞌulma̱nk, la̱ex te̱nau nak ya̱l li xinye nak la̱in li Cristo li taklanbil chak xban li Dios.

Q'eqchi Bible

¹⁹ Ak ninye eere anaqwan, naq toj maji' nak'ulmank, re naq, jo'q'e taak'ulmanq, teepaab' naq Laa'inin.

San Juan 13:19 ပူးပေါင်းရင်းမြစ်များ

San Juan 14:29

La̱in yo̱quin chixyebal e̱re aꞌin nak toj ma̱jiꞌ nacꞌulman. Nak ta̱cꞌulma̱nk li cꞌaꞌru xinye, la̱ex te̱pa̱b nak ya̱l li cꞌaꞌru xinye e̱re.

Isaías 43:10

La̱in li Ka̱cuaꞌ ninyehoc re chi joꞌcaꞌin: —La̱ex aj Israel, la̱exak li texchꞌoloba̱nk li ya̱l nak la̱in li tzꞌakal Dios. La̱ex laj cꞌanjel chicuu. La̱in xinsicꞌoc e̱re re nak te̱nau cuu ut tine̱pa̱b. Te̱tau ru nak la̱in li Ka̱cuaꞌ. Moco cuanjenak ta chak junak Dios junxil chicuu la̱in, chi moco ta̱cua̱nk mokon.

San Juan 16:4

Ac xinye e̱re chixjunil li cꞌaꞌak re ru aꞌin re nak ta̱julticokꞌ e̱re li cꞌaꞌru xinye e̱re nak yo̱kex chixcꞌulbal li raylal. La̱in incꞌaꞌ quinye chak e̱re junxil nak quintiquib chak lin cꞌanjel xban nak cuanquin e̱riqꞌuin, chan.

Isaías 48:5

La̱in quinye chak resil e̱re junxil li cꞌaꞌru ta̱cꞌulma̱nk. Nak toj ma̱jiꞌ nacꞌulman quinye chak resil e̱re re nak incꞌaꞌ te̱ye nak aꞌaneb le̱ yi̱banbil dios xba̱nun re li cꞌaꞌak re ru aꞌin. Incꞌaꞌ te̱ye nak le̱ dios cheꞌ ut le̱ dios chꞌi̱chꞌ xeꞌba̱nun re.

San Juan 8:58

Li Jesús quichakꞌoc ut quixye reheb: —Relic chi ya̱l tinye e̱re nak chalen chak saꞌ xticlajic nak toj ma̱jiꞌ nayoꞌla laj Abraham, ac cuanquin ajcuiꞌ chak la̱in, chan li Jesús.

San Mateo 24:25

Abanan cheqꞌuehak retal. Ac xinye e̱re li cꞌaꞌru talajeꞌcꞌulma̱nk.

San Mateo 11:3

¿Ma la̱at li Cristo li yechiꞌinbil, li yo̱co chiroybeninquil? ¿Malaj toj takoybeni chic junak? chanqueb.

Malaquías 3:1

Li Dios quixye: —La̱in tintakla lin takl laj cꞌamol be chicuu. Aꞌan ta̱chꞌoloba̱nk xya̱lal chiruheb li tenamit re nak eb aꞌan yoꞌon cua̱nkeb chixcꞌulbal li Jun li tintakla. Chi se̱b ta̱cha̱lk li Ka̱cuaꞌ li yo̱quex chixsicꞌbal ut ta̱oc saꞌ li templo. Li ani cha̱lc re, aꞌan ta̱xakaba̱nk re xcuanquil li contrato, li yo̱quex chiroybeninquil, chan li Dios.

San Juan 1:15

Laj Juan laj Cubsihom Haꞌ quixchꞌolob xya̱lal chi cau xya̱b xcux ut quixye: —Aꞌan aꞌin li quinchꞌolob chak xya̱lal che̱ru nak quinye e̱re: Mokon ta̱cha̱lk jun kꞌaxal nim xcuanquil chicuu la̱in xban nak aꞌan ac cuan ajcuiꞌ chak junxil chicuu la̱in, chan.

San Lucas 21:13

Ut aꞌan ta̱cꞌanjelak e̱re re xchꞌolobanquil resil li colba-ib.

Isaías 41:23

Yehomak ke cꞌaꞌru ta̱cꞌulma̱nk re nak takanau nak la̱ex diosex. Ba̱nuhomak junak cꞌaꞌak re ru re nak takanau nak diosex. Usta cha̱bil, malaj ut incꞌaꞌ us, ba̱nuhomak junak naꞌleb re nak ta̱sachk kachꞌo̱l e̱ban ut toxucuak.

San Juan 4:26

Quixye li Jesús re: —La̱in li Cristo li yo̱quin chi a̱tinac a̱cuiqꞌuin, chan.

San Juan 8:28

Ut quixye ajcuiꞌ li Jesús reheb: —Nak acak xine̱taksi chiru li cruz re incamsinquil toj aran te̱qꞌue retal nak la̱in li taklanbilin chak xban li Dios. Ut te̱nau nak ma̱cꞌaꞌ ninba̱nu injunes. Li cꞌaꞌru ninye la̱in, aꞌan li quixcꞌutbesi chicuu lin Yucuaꞌ.