San Juan 12:27 - Li Santil hu

²⁷ Li Jesús quixye ajcuiꞌ: —Anakcuan kꞌaxal ra saꞌ inchꞌo̱l. ¿Ma ta̱ru̱k ta biꞌ tinye re li Dios, “At inYucuaꞌ, china̱col chiru li raylal aꞌin”? La̱in incꞌaꞌ tinye chi joꞌcan xban nak aꞌan aj e nak xinchal saꞌ ruchichꞌochꞌ.

Q'eqchi Bible

²⁷ “Anaqwan nayot'nak li waanm. Ut k'aru tinye: «At inYuwa', chinaakol chiru li honal a'in»? Ab'an a'an aj e naq xinchalk: re li honal a'in!

San Juan 12:27 ပူးပေါင်းရင်းမြစ်များ

San Juan 12:23

Li Jesús quixye reheb: —Xcuulac x-o̱ril nak ta̱qꞌuehekꞌ inlokꞌal la̱in li Cꞌajolbej.

Hebreos 5:7

Nak li Jesucristo quicuan arin saꞌ ruchichꞌochꞌ quiya̱bac nak quitijoc. Chi cau xya̱b xcux quitzꞌa̱man chiru li Dios, li cuan xcuanquil chi coloc re chiru li ca̱mc. Ut li Dios quirabi lix tij xban nak quixkꞌaxtesi rib re xba̱nunquil lix cꞌanjel li Dios.

San Juan 13:21

Nak ac xye chixjunil li cꞌaꞌak re ru aꞌin, li Jesús quiyotꞌeꞌ xchꞌo̱l. Ut quixye chi tzꞌakal reheb: —Relic chi ya̱l ninye e̱re nak jun saꞌ e̱ya̱nk la̱ex ta̱kꞌaxtesi̱nk cue saꞌ rukꞌeb li xicꞌ nequeꞌiloc cue, chan.

San Mateo 26:42

Ut li Jesús co̱ cuiꞌchic xcaꞌ sut chi tijoc ut quixye: —At inYucuaꞌ, cui ta naxqꞌue rib nak incꞌaꞌ raj tincꞌul li raylal aꞌin, abanan chi-uxma̱nk li cꞌaꞌru nacacuaj la̱at.—

Isaías 38:15

¿Cꞌaꞌ ta cuiꞌ ru ta̱ru̱k tinye la̱in? Li Ka̱cuaꞌ, aꞌan li xqꞌuehoc re li raylal aꞌin saꞌ inbe̱n. La̱in tincua̱nk saꞌ tu̱lanil chixjunil lin yuꞌam xban li raylal li xincꞌul.

Hebreos 2:14

Ya̱l nak la̱o ut li Jesucristo junaj li kachoxahil Yucuaꞌ. Li Jesucristo quitzꞌejcualoꞌ joꞌ la̱o. Quicuan xquiqꞌuel. Quicuan xbakel ut xtibel. Li Jesucristo quicam. Riqꞌuin lix camic, li Ka̱cuaꞌ Jesucristo quixsach xcuanquil laj tza, xban nak saꞌ xcꞌabaꞌ laj tza nak cuan li ca̱mc.

San Lucas 22:44

Nak yo̱ chi yotꞌecꞌ xchꞌo̱l, quitijoc cuiꞌchic li Jesús chi kꞌaxal anchal xchꞌo̱l ut lix tikob yo̱ chi tzꞌukuc saꞌ chꞌochꞌ chi ni̱nki tzꞌukul chanchan quicꞌ.

San Juan 18:37

Laj Pilato quixye re: —La̱at rey chi joꞌcanan.— Li Jesús quixye re: —Ya̱l li xaye nak la̱in rey. Aꞌan aj e nak quinchal chi yoꞌla̱c arin saꞌ ruchichꞌochꞌ re xchꞌolobanquil lix ya̱lal. Ut chixjunileb li nequeꞌraj xnaubal lix ya̱lal, nequeꞌrabi li cꞌaꞌru ninye, chan.

San Lucas 22:53

Rajlal cutan cuanquin saꞌ e̱ya̱nk che̱tzolbal saꞌ li templo ut incꞌaꞌ quine̱chap aran. Abanan anakcuan xcuulac xkꞌehil nak te̱ba̱nu li cꞌaꞌru te̱raj la̱ex riqꞌuin xcuanquil laj tza, chan li Jesús.

Salmos 88:3

Cꞌajoꞌ li raylal li yo̱quin chixcꞌulbal. Ca̱mc cue nak nacuecꞌa.

Isaías 53:3

Xicꞌ qui-ileꞌ ut quitzꞌekta̱na̱c xbaneb li cuanqueb saꞌ ruchichꞌochꞌ. Junes rahil chꞌo̱lejil quixcꞌul ut quixcuy li rahobtesi̱c. Ma̱ ani quiraj iloc re. Quikatzꞌekta̱na ut ma̱cꞌaꞌ na-oc cuiꞌ chiku nak quikil.

1 Timoteo 1:15

Nakanau nak tzꞌakal ya̱l ut xcꞌulub nak takapa̱b chi anchal li kachꞌo̱l nak li Cristo Jesús quicꞌulun saꞌ ruchichꞌochꞌ chixcolbaleb laj ma̱c. Ut la̱in li kꞌaxal numtajenak inma̱c saꞌ xya̱nkeb chixjunileb nak quincuan.

San Juan 11:41

Ut queꞌrisi li pec chire li mukleba̱l li queꞌxqꞌue cuiꞌ li camenak. Li Jesús qui-iloc takecꞌ ut quitijoc. Quixye: —At inYucuaꞌ, ninbantioxi cha̱cuu nak nacacuabi li cꞌaꞌru nintzꞌa̱ma cha̱cuu.

San Mateo 11:25

Saꞌ eb li cutan aꞌan, li Jesús quitijoc ut quixye: —At inYucuaꞌ, la̱at laj e̱chal re li choxa joꞌ ajcuiꞌ li ruchichꞌochꞌ. Ninbantioxi cha̱cuu xban nak xamuk lix ya̱lal chirix lix nimal la̱ cuanquilal chiruheb li cuanqueb xnaꞌleb nak nequeꞌxye rib, ut xamuk ajcuiꞌ chiruheb li tzolbileb. Ut xacꞌut lix ya̱lal chiruheb li cubenakeb xcuanquil, li chanchaneb cocꞌal.

Salmos 6:3

Joꞌcan ajcuiꞌ li cua̱m. Kꞌaxal ra cuan xban li cꞌoxlac. At Ka̱cuaꞌ, ¿joꞌ najtil chic tatba̱yk chinsumenquil?

San Mateo 11:26

Xaba̱nu chi joꞌcan xban nak joꞌcan xcuulac cha̱cuu, chan li Jesús nak quitijoc.

San Mateo 26:45

Tojoꞌnak quichal cuiꞌchic riqꞌuineb lix tzolom ut quixye reheb: —¿Ma toj yo̱quex chi cua̱rc? Tzꞌakalak li hila̱nc xeba̱nu. Ac xtau xkꞌehil nak la̱in li Cꞌajolbej tinkꞌaxtesi̱k saꞌ rukꞌeb laj ma̱c.