San Juan 12:26 - Li Santil hu

²⁶ Li ani ta̱raj cꞌanjelac chicuu, tento tinixta̱ke ut tixba̱nu li cꞌaꞌru ninye. Bar cua̱nkin la̱in, aran ajcuiꞌ ta̱cua̱nk aꞌan. Ut lin Yucuaꞌ ta̱qꞌuehok xlokꞌal li ani ta̱cꞌanjelak chicuu, chan li Jesús reheb.

Q'eqchi Bible

²⁶ Wi ani naraj k'anjelak chiwu, chinxtaaqehaq, ut b'ar wanqin laa'in, aran ajwi' wanq laj k'anjel chiwu. Wi ani taak'anjelaq chiwu, taak'ehe'q xloq'al xb'aan li Yuwa'b'ej.

San Juan 12:26 ပူးပေါင်းရင်းမြစ်များ

Gálatas 1:10

¿Ma yal re ta biꞌ nak teꞌsahokꞌ xchꞌo̱l li cui̱nk cuiqꞌuin nak yo̱quin chixyebal chi joꞌcaꞌin? ¿Ma incꞌaꞌ ta biꞌ yo̱quin chixyebal chi joꞌcaꞌin re nak sahak xchꞌo̱l li Dios cuiqꞌuin? ¿Ma tincuaj ta biꞌ tincꞌojob xchꞌo̱leb li cui̱nk? Ma̱ jokꞌe xban nak cui ta toj nacuaj xcꞌojobanquil xchꞌo̱leb li cui̱nk ma̱cuaꞌin raj aj cꞌanjel chiru li Jesucristo.

1 Samuel 2:30

Joꞌcan nak li Ka̱cuaꞌ li nequeꞌxlokꞌoni laj Israel quixye chi joꞌcaꞌin, “Quinye nak eb li ralal xcꞌajol la̱ yucuaꞌ teꞌcꞌanjelak chicuu chokꞌ aj tij chi junelic kꞌe cutan. Abanan anakcuan incꞌaꞌ chic ta̱ru̱k texcꞌanjelak chicuu xban nak la̱in ninqꞌue xlokꞌal li nalokꞌonin cue ut nintzꞌekta̱na li ani natzꞌekta̱nan cue.

Colosenses 3:24

Joꞌcan cheba̱nu xban nak la̱ex ac nequenau nak li Ka̱cuaꞌ Dios ta̱qꞌuehok le̱ kꞌajca̱munquil li yechiꞌinbil e̱re xban nak li Ka̱cuaꞌ Jesucristo, aꞌan li tzꞌakal patrón saꞌ e̱be̱n ut yo̱quex chi cꞌanjelac chiru.

Romanos 1:1

La̱in laj Pablo laj cꞌanjel chiru li Ka̱cuaꞌ Jesucristo. Sicꞌbil chak cuu xban li Dios chokꞌ x-apóstol ut taklanbilin chixyebal resilal li colba-ib.

San Juan 17:24

At inYucuaꞌ, nintzꞌa̱ma cha̱cuu nak chixjunileb li xakꞌaxtesiheb cue teꞌcua̱nk cuiqꞌuin saꞌ li naꞌajej li tincua̱nk cuiꞌ la̱in. Nacuaj nak teꞌril lin lokꞌal li caqꞌue chak cue nak toj ma̱jiꞌ quiyi̱ba̱c li ruchichꞌochꞌ xban nak niquina̱ra.

San Juan 10:27

Eb li cualal incꞌajol nequeꞌrabi li cꞌaꞌru ninye. La̱in ninnauheb ru ut eb aꞌan nequeꞌxba̱nu li cꞌaꞌru ninye.

2 Corintios 5:8

La̱in ninye nak cau kachꞌo̱l riqꞌuin li Dios. Nakaj raj ca̱mc ut xcanabanquil li katzꞌejcual aꞌin re nak naru toxic saꞌ choxa chi cua̱nc riqꞌuin li Ka̱cuaꞌ Jesucristo.

San Judas 1:1

La̱in laj Judas, laj cꞌanjel chiru li Jesucristo. La̱in ri̱tzꞌin laj Jacobo. Nintzꞌi̱ba li hu aꞌin reheb laj pa̱banel, li bokbileb ut raro̱queb xban li Dios Acuabej ut colbileb xban li Jesucristo.

1 Juan 5:3

Aꞌan aꞌin lix ra̱bal li Dios: nak takapa̱b lix chakꞌrab. Moco chꞌaꞌaj ta xpa̱banquil lix chakꞌrab.

2 Pedro 1:1

La̱in laj Simón Pedro. La̱in x-apóstol li Jesucristo ut nincꞌanjelac chiru. Nintzꞌi̱ba li hu aꞌin e̱riqꞌuin, la̱ex aj pa̱banel. Ac xetau lix chakꞌal ru li pa̱ba̱l joꞌ li kapa̱ba̱l la̱o. Li pa̱ba̱l aꞌin natauman riqꞌuin li Ka̱cuaꞌ Jesucristo laj Colol ke, li ti̱c xchꞌo̱l.

2 Corintios 4:5

Incꞌaꞌ yo̱co chixchꞌolobanquil che̱ru nak la̱o toe̱pa̱b. Yo̱co ban chixchꞌolobanquil xya̱lal nak li Jesucristo aꞌan li Ka̱cuaꞌ. Ut la̱o yal aj cꞌanjelo che̱ru saꞌ xcꞌabaꞌ li Jesucristo.

Romanos 14:18

Joꞌcan nak li ani nacꞌanjelac chiru li Cristo saꞌ ti̱quilal ut chi sa saꞌ xchꞌo̱l, li Dios nasahoꞌ xchꞌo̱l riqꞌuin. Ut naqꞌueheꞌ ajcuiꞌ xlokꞌal xbaneb li ras ri̱tzꞌin.

San Juan 15:20

Chijulticokꞌ e̱re nak xinye e̱re nak ma̱ jun aj cꞌanjel naxkꞌax ru xcuanquil lix patrón. Cui xineꞌxrahobtesi la̱in, texrahobtesi̱k ajcuiꞌ la̱ex. Cui ta xeꞌxba̱nu li cꞌaꞌru xinye la̱in, teꞌxba̱nu aj raj cuiꞌ li cꞌaꞌru te̱ye la̱ex.

San Lucas 6:46

¿Cꞌaꞌut nak nequeye, “Ka̱cuaꞌ, Ka̱cuaꞌ” cue cui incꞌaꞌ nequeba̱nu li cꞌaꞌru ninye?

Proverbios 27:18

Li ani naxchꞌolani lix to̱nal lix higo tixtzaca li ru. Ut li ani naril chi us li cꞌaꞌru re lix patrón, aꞌan ta̱qꞌuehekꞌ xlokꞌal.

Salmos 91:15

Nak tixtzꞌa̱ma xtenkꞌanquil cue, la̱in tinsume li cꞌaꞌru tixtzꞌa̱ma chicuu. La̱in tincua̱nk riqꞌuin ut la̱in tincolok re chiru li raylal ut tinqꞌue xlokꞌal.

Filipenses 1:23

Chꞌaꞌaj chokꞌ cue xnaubal bar cuan li kꞌaxal us. Nacuaj raj ca̱mc re nak tinxic riqꞌuin li Cristo. Aꞌan raj li kꞌaxal us chokꞌ cue la̱in.

San Juan 14:3

Nak ac xya̱loꞌ le̱ naꞌaj, tincha̱lk cuiꞌchic ut texincꞌam cuiqꞌuin re nak bar cua̱nkin la̱in, aran ajcuiꞌ cua̱nkex la̱ex.

San Juan 13:16

Relic chi ya̱l ninye e̱re nak ma̱ jun mo̱s tixkꞌax ta ru xcuanquil lix patrón ut li ani natakla̱c incꞌaꞌ naxkꞌax ru lix cuanquil li quitaklan chak re.

San Lucas 9:23

Li Jesús quixye reheb chixjunileb li cuanqueb aran: —Li ani ta̱raj inpa̱banquil tento nak tixtzꞌekta̱na li cꞌaꞌru naxrahi ru lix chꞌo̱l. Tixcuy xnumsinquil li raylal li tixcꞌul, usta ta̱camsi̱k saꞌ incꞌabaꞌ. Ut chinixta̱kehak.

San Mateo 25:21

Ut lix patrón quixye re: “Kꞌaxal us xaba̱nu. La̱at cha̱bilat ut tzꞌakalat aj cꞌanjel. Saꞌ xbe̱n li caꞌchꞌin xinkꞌaxtesi a̱cue, cha̱bil xat-el. Anakcuan tinkꞌaxtesi chic nabal a̱cue. Chisahokꞌ saꞌ la̱ chꞌo̱l xban nak tattzꞌako̱nk ajcuiꞌ riqꞌuin li sahil chꞌo̱lejil li cuan cuiqꞌuin la̱in,” chan.

Salmos 17:15

Aban la̱in xban nak ti̱c inchꞌo̱l, tincuil a̱cuu chi tzꞌakal. Ut ta̱sahokꞌ inchꞌo̱l chi cua̱nc a̱cuiqꞌuin saꞌ choxa.

Números 14:24

Abanan laj Caleb li naxqꞌue xchꞌo̱l chi cꞌanjelac chicuu, aꞌan jalan xnaꞌleb chiruheb li jun chꞌol. Aꞌan tinqꞌue chi oc saꞌ li naꞌajej li quicuulac chak rilbal. Ut eb li ralal xcꞌajol teꞌe̱chani̱nk re li naꞌajej aꞌan.

Apocalipsis 14:4

Aꞌaneb aꞌin li queꞌpa̱ban re li Jun li chanchan carner, li queꞌta̱ken re yalak bar, li incꞌaꞌ queꞌxmux ribeb riqꞌuin ixk chi incꞌaꞌ sumsu̱queb. Aꞌineb li xbe̱n queꞌcoleꞌ saꞌ xya̱nkeb li cuanqueb saꞌ ruchichꞌochꞌ re nak teꞌoc chokꞌ ralal xcꞌajol li Dios ut chokꞌ ralal xcꞌajol li Jun li chanchan carner.

Colosenses 4:12

Joꞌcan ajcuiꞌ laj Epafras naxtakla ajcuiꞌ xsahil e̱chꞌo̱l. Aꞌan e̱rech tenamitil ut aꞌan aj cꞌanjel chiru li Cristo. Junelic yo̱ chi tijoc che̱rix re nak texcua̱nk saꞌ xya̱lal ut cauhak e̱chꞌo̱l saꞌ le̱ pa̱ba̱l chixba̱nunquil chi tzꞌakal joꞌ naraj li Dios.

San Juan 21:22

Li Jesús quixye re: —Cui la̱in tincuaj nak yoꞌyo̱k aꞌan toj tincꞌulu̱nk cuiꞌchic, ¿cꞌaꞌru ta̱cuaj re la̱at? La̱at qꞌue a̱chꞌo̱l chinta̱kenquil, chan li Jesús re laj Pedro.

San Juan 14:15

Cui niquine̱ra, cheba̱nuhak joꞌ xexinchakꞌrabi cuiꞌ.

San Marcos 8:34

Tojoꞌnak quixbokeb li qꞌuila tenamit rochbeneb lix tzolom ut quixye reheb: —Li ani ta̱raj inpa̱banquil, tento nak tixtzꞌekta̱na li cꞌaꞌru naxrahi ru lix chꞌo̱l. Tixcuy xnumsinquil li raylal li tixcꞌul usta ta̱camsi̱k saꞌ incꞌabaꞌ. Ut chinixta̱kehak.

San Mateo 16:24

Ut li Jesús quixye reheb lix tzolom: —Li ani ta̱raj inpa̱banquil, tento nak tixtzꞌekta̱na li cꞌaꞌru naxrahi ru lix chꞌo̱l. Tixcuy xnumsinquil li raylal, usta ta̱camsi̱k saꞌ incꞌabaꞌ. Ut chinixta̱kehak.

Números 32:11

“Eb li cui̱nk li queꞌel chak Egipto li cuan junmay chihab reheb, joꞌ eb ajcuiꞌ li ac numenakeb junmay chihab, incꞌaꞌ teꞌoc saꞌ li cha̱bil naꞌajej li quinyechiꞌi riqꞌuin juramento reheb laj Abraham, laj Isaac, ut laj Jacob xban nak incꞌaꞌ queꞌxpa̱b chi anchal xchꞌo̱leb li cꞌaꞌru quinye reheb.

San Lucas 12:37

Us xak reheb li mo̱s li yo̱queb chiroybeninquil lix patroneb. Nak ta̱cuulak li patronej, tixtauheb chi ajo̱queb ru. Relic chi ya̱l ninye e̱re li patronej tixcauresi rib ut tixchunubeb lix mo̱s saꞌ me̱x ut aꞌan ajcuiꞌ ta̱qꞌuehok re lix tzacae̱mkeb.