San Juan 12:19 - Li Santil hu

¹⁹ Eb laj fariseo queꞌxye chi ribileb rib: —¿Ma xeqꞌue retal nak ma̱cꞌaꞌ aj e li yo̱co chixba̱nunquil? Qꞌuehomak retal. Anakcuan chixjunileb li tenamit yo̱queb chi ta̱ke̱nc re li cui̱nk aꞌan, chanqueb.

Q'eqchi Bible

¹⁹ Toja' naq eb' laj Pariseey ke'xye chirib'ileb' rib': —Ma nekek'e reetal naq maak'a' nekera? Ilomaq, chixjunileb' xkoheb' chirix.

San Juan 12:19 ပူးပေါင်းရင်းမြစ်များ

Hechos 17:6

Queꞌril nak incꞌaꞌ queꞌxtau laj Pablo ut laj Silas. Queꞌxchap laj Jasón rochben cuib oxibeb laj pa̱banel ut queꞌxcꞌam chiruheb li nequeꞌtaklan saꞌ li tenamit. Japjo̱queb re chixyebal: —Eb li cui̱nk aꞌin, yo̱queb chixpoꞌbal xchꞌo̱leb li tenamit saꞌ chixjunil li ruchichꞌochꞌ ut anakcuan xeꞌchal arin chixpoꞌbal xchꞌo̱leb li katenamit.

Salmos 22:27

Chixjunileb li tenamit jun sut rubel choxa teꞌjulticokꞌ li Dios reheb ut teꞌxcuikꞌib ribeb chiru. Saꞌ chixjunil li ruchichꞌochꞌ aꞌ yal bar xtenamit teꞌxlokꞌoni li Ka̱cuaꞌ.

1 Juan 2:2

Li Jesucristo quicam re xtojbal rix li kama̱c. Moco caꞌaj ta cuiꞌ xban li kama̱c la̱o. Quicam aj ban cuiꞌ re xtojbal rix xma̱queb chixjunileb li cuanqueb saꞌ ruchichꞌochꞌ.

San Juan 17:21

At inYucuaꞌ, li cꞌaꞌru nintzꞌa̱ma cha̱cuu, aꞌan nak junajak taxak ruheb. Cheꞌcua̱nk kiqꞌuin joꞌ nak cuanquin la̱in a̱cuiqꞌuin ut la̱at cuancat cuiqꞌuin. Junajak taxak ruheb re nak li cuanqueb saꞌ ruchichꞌochꞌ teꞌxpa̱b nak la̱at xattaklan chak cue.

San Juan 3:26

Queꞌcuulac lix tzolom laj Juan riqꞌuin ut queꞌxye re: —At tzolonel, li cui̱nk li quicuulac a̱cuiqꞌuin aran jun pacꞌal li nimaꞌ Jordán, li cachꞌolob chak resil chiku, aꞌan yo̱ chi cubsi̱nc haꞌ. Ut chixjunileb li cristian yo̱queb chi cuulac riqꞌuin, chanqueb.

Isaías 27:6

Saꞌ eb li cutan teꞌcha̱lk eb laj Israel li ralal xcꞌajol laj Jacob teꞌnabalokꞌ saꞌ ruchichꞌochꞌ ut teꞌcua̱nk yalak bar. Us teꞌe̱lk riqꞌuin li cꞌaꞌru teꞌxba̱nu. Chanchanakeb li cheꞌ li naxchap xxeꞌ chi us ut nabal li ru naxqꞌue.

San Mateo 21:15

Ut eb lix be̱nil aj tij ut eb laj tzꞌi̱b queꞌril li sachba chꞌo̱lej li yo̱ chixba̱nunquil. Ut queꞌril nak eb li sa̱j al japjo̱queb re chixyebal saꞌ li rochoch li Dios: —Lokꞌoninbil taxak laj Colol ke, li ralal xcꞌajol li rey David, chanqueb. Ut cꞌajoꞌ nak queꞌpoꞌ laj tij ut eb laj tzꞌi̱b.

Salmos 49:1

La̱ex tenamit, abihomak chi us li oc cue xyebal e̱re. Abihomak che̱junilex li cuanquex saꞌ ruchichꞌochꞌ.

San Juan 12:18

Li qꞌuila tenamit queꞌcuulac chixcꞌulbal li Jesús xban nak queꞌrabi resil li milagro li quixba̱nu.

San Juan 12:20

Cuanqueb li ma̱cuaꞌeb aj judío queꞌcuulac Jerusalén chi lokꞌoni̱nc nak yo̱ li ninkꞌe.